ಇಬ್ರಿಯ 8 - ದೆವಾಚಿ ಖರಿ ಕಬರ್ ನವಾ ಕರಾರ್

ಯೇಸುಸ್ ಆಮಚಾ಼ ಮೊಟಾ ಯಾಜಕ್

¹ ಆಮಿ ಸಾಂಗ್‌ತ್ಯಾಲ್ಯಾ ಗುಶ್ಟಿತ್ನಿ ಪೈಲಾ ಸಬ್ದ, ಕ್ಯಾ ಮಂಜೆ, ತುಮಾನಾ ಸಾಂಗ್‌ಲ್ಯಾ ಶಾರ್ಕ ಆಮಾನಾ ಯೊಕ್ ಪೈಲಾ ಯಾಜಕ್ ಹಾ. ತ್ಯೊ ಸ್ವರ್ಗಾತ್ ದೇವಾಚಾ ಸಿಂಹಾಸನಾಚಾ ಉಜ಼ವ್ಯಾಂಗ್ನಿ ಆತಾ ಬಸ್‌ಲ್ಯಾ.

² ತ್ಯೊ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಮಂಜೆ ಲೊಕಾಂಚಿಪ್ನಿ ವ್ಹಯಾಚೆ ಆಂದಿ, ದೇವಾಪ್ನಿಸ್ ನಿರ್ಮಾನ್ ಜಾ಼ಲ್ಯಾಲ ಕರಾ ದೇವ್ ದರ್ಶಾನ್ ದೇತ್ಯಾಲ್ಯಾ ಜಾ಼ಗ್ಯಾತ್ ಸೇವಾ ಕರ್‌ತ್ಯೊ.

³ ಪರತೇಕ್ ಪೈಲಾ ಯಾಜಕ್ ದೇವಾಲಾ ಯಜ್ಞ ಆನಿ ದಿನ್ಗಿ ಸಮರ್ಪನ್ ಕರಾಯಾ ಥರುನ್ ರಾಥೊ. ಮನ್ಹುನ್ ಹ್ಯನಿಬಿ ದೇವಾಲಾ ಕಾಯ್ತರಿ ಸಮರ್ಪನ್ ಕರಾಯಾ ವ್ಹಯಿ.

⁴ ತ್ಯೊ ಆಜು಼ನ್ ದರ್ತಿವ ಆಸ್ಥಾತ ಯಾಜಕ್ ವ್ಹವುನ್ ರಾಹಿತ್ ನವ್ತಾ. ಕಾ ಮಂಜೆ, ಧರ್ಮಶಾಸ್ತಾರಾ ಶಾರ್ಕ ದೇವಾಲಾ ದಿನ್ಗಿ ದೇತ್ಯಾಲ ಯಾಜಕ್ ಆತಾಸ್ ಹಿತ ಹಾತ.

⁵ ಪರಲೊಕಾತ್ ಆಸಲ್ಯಾಲ್ಯಾಂಚ಼ ಪ್ರತಿರುಪ್ ಸಾವುಟ್ ಜಾ಼ಲ್ಯಾಲ್ಯಾ ಗರ‍್ಹಾತ್ ತೆ ಸೆವಾ ಕರ್ತಾನಾ. ಮೊಶೆ ದೇವಾಚ಼ ಘರ್ ಬಾಂದಾಯಾ ಉಭಾ ರಾಯ್ಲಾ ತವಾ ದೇವಾನಿ ತ್ಯಲಾ, “ಮಿ ಕನ್ಯಾವ ದ್ಯಾವ್‌ಲ್ಯಾಸಾರ ಹುಶಾರಿನಿ ಕರಾಯಾ ವ್ಹಯಿ” ಮನ್ಹುನ್ ಸಾಂಗ್ಲ.

⁶ ಫನ್ ಯೇಸುಲಾ ದಿಲ್ಯಾಲ ಕಾಮ್ ತ್ಯಾ ಯಾಜಕಾನಾ ದಿಲ್ಯಾಲ್ಯಾ ಕಾಮಾವ್ನಿ ಖುಬ್ ಮೊಟ ಜಾ಼ಲ್ಯಾ. ಆಸಸ್ ಯೇಸುನಿ ಆಪ್‌ಲ್ಯಾ ಲೊಕಾಂಚೆ ಸಾಟಿ ದೇವಾಪ್ನಿ ಆನಲ್ಯಾಲಾ ನವಾ ಕರಾರ್ ಜು಼ನ್ಯಾವ್ನಿ ಬರಾ. ಚಾ಼ಂಗಲ್ಯಾ ಗುಶ್ಟಿಚಾ ಸಬ್ದಾಚಾ ಆದಾರಾವ ನವ್ವಾ ಕರಾರ್ ಕೆಲ್ಯಾ.

⁷ ಆಂದಿಚಾ ಕರಾರಾತ್ ಕಾಯೇಕ್ ದೊಸ್ ನಸ್‌ಲ್ಯಾವ, ದೊನ್ವಾ ಕರಾರ್ ವ್ಹಯಿ ನವ್ತಾ.

⁸ ಫನ್ ದೇವಾನಿ ಲೊಕಾಂಚಿಪ ಕಸ್ಲಾಕಿ ದೊಸ್ ಬಗುನ್ ಸಾಂಗ್‌ಲ್ಯಾಲ ಕ್ಯಾ ಮಂಜೆ: “ಇಸ್ರಾಯೆಲಾಚೆ ಸಗ ಯೆಹೂದ್ಯಾಂಚೆ ಸಂಗ ಮಿ ನವಾ ಕರಾರ್ ಕರಾಚಾ಼ ಯೊಳ್ ಯತ್ಯೊ ಮನ್ಹುನ್ ಪ್ರಭು ಸಾಂಗ್ತೊ.

⁹ ತ್ಯೊ ತ್ಯಂಚಾ ವಡ್ಲಾನಾ ಮಿ ಈಜಿಪ್ಟಿತ್ನಿ ಹಾತ್ ದರುನ್ ಬಾಹಿರ್ ಆನಲ್ಯಾಲ್ಯಾ ದಿಸಾತ್ ತ್ಯಂಚಿ ಸಂಗ ಕೆಲ್ಯಾಲ್ಯಾ ಕರಾರಾಚೆಗತ್ ನವ್ಹ. ಖರ ತ್ಯಂಚಾನಿ ತ್ಯ ಪ್ಯಾಳನಾಹಿ ಆನಿ ತ್ಯಚಿ ಕ್ಯಾಳ್ಜಿ ಕಿಲಿನಾಹಿ ಮನ್ಹುನ್ ಪ್ರಭು ಸಾಗ್ತೊ.

¹⁰ ಮಿ ಇಸ್ರಾಯೆಲಾಂಚೆ ಸಂಗ ಮೊರ‍್ಹ ಕರ್‌ತ್ಯಾಲಾ ನವಾ ಕರಾರ್ ಆಸಾ ಹಾ: ಮಾಜಾ ಆಜ್ಞಾ ತ್ಯಚಾ ಮನಾತ್ ತೆವ್ತೊ; ತ್ಯಚೆ ಶಾತಿವ ಲಿವ್ತೊ; ಮಿ ತ್ಯಚಾ಼ ದೇವ್; ತೀ ಮಾಜಿ ಲೊಕ.

¹¹ ಪರ್ತೆಕಾನಿ ಬಾವ್ಹಾಲಾ ವ್ಹವುನಿ, ದುಸ್‍ರ್ಯಾನಾ ವ್ಹವುನಿ ಸಿಕ್ವಾಚ಼ ನಕೊ; ದೇವಾಲಾ ಸಮಜು಼ನ್ ಗೆವ್ಹಾ ಮನ್ಹುನ್ ಸಾಂಗಾಚ಼ ನಕೊ. ಕಾ ಮಾಜೆ ನಾನ್ಹಾ ದರ್ನಿ ಥೊರಾ ಪರತ್ ಸಗ್ಳಿ ಮನಾ ಸಮಜು಼ನ್ ಗೆನಾರ್.

¹² ತೀ ಮಾಜೆ ಆಡ್ವಿ ಕರ್‌ತ್ಯಾಲಿ ಸಗ್ಳಿ ಬುರ್ಸಿ ಕಾಮ ಕರುನೆನಿ ಮಾಪ್‌ ಕರ್ತೊ; ತ್ಯಚಿ ಪಾಪ ಯದತ್ ಆನಿತ್ ನಾಹಿ. ” ಯೆರೆಮೀಯ 31:31-34

¹³ ದೇವಾನಿ ಹ್ಯೊ ನವಾ ಕರಾರ್ ಮನ್ಹುನ್ ಹಾಕಟ್ಲಾ. ಮನ್ಹುನ್ ಆಂದಿಚಾ ಕರಾರಾಲಾ ದೇವಾನಿ ಜು಼ನಾ ಕೆಲಾ. ಕಚ಼ ಜು಼ನ ವಾಪ್ರಾಯಾ ನಕೊ ಜಾ಼ಲ್ಯಾಲ ನಾಸ್ಟ ವ್ಹತ್ತ.