ಇಬ್ರಿಯ 4 - ದೆವಾಚಿ ಖರಿ ಕಬರ್ ನವಾ ಕರಾರ್

¹ ದೇವಾನಿ ತ್ಯಾ ಲೊಕಾನಾ ದಿಲ್ಯಾಲಾ ಸಬ್ದ ಆಮ್ಚಿಪ ಆಜು಼ನ್ ಹಾ. ಆಮಿ ದೇವಾಚಾ ಇಸ್ರಾಮ್ಯಾತ್ ಜಾ಼ನಾರ್ ಮನ್ಯಾಚಾ಼ಸ್ ತ್ಯೊ ಸಬ್ದ. ಮನ್ಹುನ್ ಆಮ್ಚಿಪ ಕೊನ್ ತ್ಯಾ ಸಬ್ದಾಚ಼ ಫಳ್ ಗಿಹ್ಯಾಚೆ ಆಂದಿ ರಾಹುನಾಹಿ ಆಸ ಖುಬ್ ಹುಶಾರಿನಿ ರಾವುಯಾ.

² ಕಾ ಮಂಜೆ ಬರಿ ಖಬರ್ ತ್ಯನಾ ಸಾಂಗಲ್ಯಾ ಶಾರ್ಕಿ ಆಮಾನಾಬಿ ಸಾಂಗ್ಲೆ. ತ್ಯಂಚಾನಿ ತ್ಯೊ ಸಂದೇಶ್ ಐಕ್ಲಾತರಿ ತ್ಯನಾ ಉಪೆಗ್ ಜಾ಼ಲ ನಾಹಿ. ಕಾ ಮಂಜೆ ತ್ಯಂಚಾ ಇಸ್ವಾಸಾತ್ ವಾಟದಾರ್ ಜಾ಼ಲ್ಹ ನಾಹಿತ.

³ ಇಸ್ವಾಸ್ ಥೆವ್ನಾರಿ ಆಮಿ ದೇವಾಚಾ ಇಸ್ರಾಮ್ಯಾತ್ ಮಿಳಾಯಾ ಠಿಕ್ ಜಾ಼ಲ್ಯಾವ್. ದೇವಾನಿ ಸಾಂಗ್‌ಲ್ಯಾ ಶಾರ್ಕ: “ತೀ ಲೊಕ ಮಾಜಾ ಇಸ್ರಾಮ್ಯಾತ್ ಕಂದಿಸ್ ಜಾ಼ನಾರ್ ನಾಹಿತ ಮನ್ಹುನ್ ಮಿ ರಾಗಾನಿ ಶಪತ್ ಕಿಲಿ. ಕೀರ್ತನೆ 95:11 ಹಿ ದುನ್ಯಾ ಉತ್ಪನ್ ಕೆಲ್ಯಾ ನಂತರ್ ಆಪ್ಲಿ ಕಾಮ್ ಸಪ್ಲಿತ ತರಿ ದೇವಾನಿ ಆಸ ಸಾಂಗ್ಲ.

⁴ ಪವಿತ್ರ ಪುತಿಕಾತ್ ಯಕಿಕ್ಡ ತ್ಯನಿ ಸಾತವ್ಯಾ ದಿಸಾಚೆ ಗುಶ್ಟಿತ್ ಆಸ ಸಾಂಗಲ್ಯಾ: “ಮನ್ಹುನ್ ದೇವಾನಿ ಆಪ್ಲಿ ಕಾಮ ಸಗ್ಳಿ ಸಪ್ವುನ್ ಸಾತ್ವೆದಿಸಿ ಇಸ್ರಾಂತಿ ಕಿಲಿ. ”

⁵ ಪವಿತ್ರ ಪುತೀಕಾತ್ ಆನಿ ಯಕಿಕ್ಡ ತ್ಯನಿ, “ತೀ ಲೊಕ ಮಾಜಾ ಇಸ್ರಾಮ್ಯಾತ್ ಕಂದಿಸ್ ಜಾ಼ನಾರ್ ನಾಹಿತ” ಮನ್ಹುನ್ ಸಾಂಗ್‌ಲ್ಯಾ.

⁶ ಮನ್ಹುನ್ ಥುಡಿಜ಼ನ ದೇವಾಚಾ ಇಸ್ರಾಮ್ಯಾತ್ ಜಾ಼ನಾರ್ ಮನ್ಹುನ್ ಆನೀಕ್ ಖರ ಜಾ಼ಲ. ಪನ್ ರಕ್ಷೆನಾಚಾ಼ ಮಾರೊಗ್ ಆಂದಿ ಐಯಿಕಲ್ಯಾಲಿ ಲೊಕ ಗಿಲಿನಾಹಿತ. ತ್ಯಂಚಾನಿ ಸಾಂಗಲ್ಯಾಲ ಐಕ್ಲ ನಾಹಿ ಮನ್ಹುನ್ ತೀ ಮಿಳಾಲಿ ನಾಹಿತ.

⁷ ಮನ್ಹುನ್ ತ್ಯನಿ ಆನಿ ಯೋಕ್ ಚಾ಼ಂಗ್ಲಾ ದಿಸ್ ಯವಜ್ಲಾ಼. ತ್ಯೊ “ಹ್ಯೊ ದಿಸ್” ಮನ್ಹುನ್ ಹಾಕಟಲ್ಯಾ. ತ್ಯನಿ ತ್ಯಾ ದಿಸಾಚೆ ಗುಶ್ಟಿತ್ ಖುಬ್ ಯಳಾಚೆ ಮಾಗ ದಾವೀದಾಪ್ನಿ ಸಾಂಗ್ಲ. ಪವಿತ್ರ ಪುತಿಕಾಚಾ಼ ಹ್ಯೊ ಬಾಗ್ ಆಮಿ ಆಂದಿ ಯಂಗ್ದಾ ಬಗ್ಲಾ: “ತುಮಿ ಆತಾ ದೇವಾಚಾ಼ ಸಬ್ದ ಐಯಿಕ್ಲಾಸಾತ, ತಿಮ್ಚಿ ಮನ ಘಟ್ ಕರು ನಕೊಸಾ. ” ಕೀರ್ತನೆ 95:7-8

⁸ ದೇವಾನಿ ಸಬ್ದ ದಿಲ್ಯಾಲ್ಯಾ ಇಸ್ರಾಮ್ಯಾತ್ ಯೆಹೊಶ್ವಾನಿ ಲೊಕಾನಾ ಹಾಟ್ಕುನ್ ನಿಲಿತ ಇಸ್ರಾಂತಿಚಾ ಆನಿ ಯಕಾ ದಿಸಾಚೆಗುಸ್ಟಿತ್ ಸಾಂಗಿತ್ ನವ್ಥಾ.

⁹ ದೇವಚಾ ಲೊಕಾಂಚೆ ಸಾಟಿ ಆಸ್‌ಲ್ಯಾಲಾ ಸಬ್ಬತ್ ಮಂತ್ಯಾಲಿ ಇಸ್ರಾಂತಿ ಆನಿಕ್ ಯನಾರ್ ಮನ್ಹುನ್ ಹ್ಯ ದಾವುನ್ ದೆತ.

¹⁰ ತ್ಯನಿ ಆಪ್ಲ ಕಾಮ್ ಸಪಿವ್‌ಲ್ಯಾ ನಂತರ್ ಇಸ್ರಾಮಾ ಕೆಲಾ. ಮನ್ಹುನ್ ದೇವಾಚಾ ಇಸ್ರಾಮ್ಯಾತ್ ಜಾ಼ನಾರಾ ತ್ಯನಿ ಕೆಲ್ಯಾ ಶಾರ್ಕ ಆಪ್ಲ ಕಾಮ್ ಸಪಿವ್‌ಲ್ಯಾಲಾ ವ್ಹಯಾ ವ್ಹಯಿ.

¹¹ ದೇವಚಾ ಇಸ್ರಾಮ್ಯಾತ್ ಜಾ಼ಯಾ ಆಮ್ಚಿಪ್ನಿ ವ್ಹಯಿಲ್ ತ್ಯವ್ಡಿ ಯತ್ನ ಕರುಯಾ. ತ್ಯಚ಼ ಐಕ್‍ಲ್ಯಾ ನಸ್‌ಲ್ಯಾಲಿ ತ್ಯಾ ಲೊಕಾಂಚೆಗತ್ ಆಮ್ಚಾತ್ ಕುನಿಸ್ ನಾಸ್ ವ್ಹವು ನಾಹಿ ಆಸ ಬಗುಯಾ.

¹² ದೇವಾಚಾ಼ ವಾಕ್ಯಾ ಜೀವ್‌ ಆಸ್‍ಲ್ಯಾಲಾ, ಕಾಮ್‌ ಕರ್ತ್ಯಾಲಾ. ತ್ಯೊ ಲ ದಾರ‍್ಹಚಾ ಥಲ್ವಾರಾವ್ನಿ ಧಾರ್ ಆಸ್‍ಲ್ಯಾಲಾ ವ್ಹವುನ್ ಬೊಚ಼ತೊ. ಆತ್ಮ ಪರಾನ್ ಹಾಡ ಹ್ಯನಾ ಯಗಳ್ತೊ; ಆಮ್ಚಾ ಮನಾಚಾ಼ ಉದ್ದೆಶ್ ಆನಿ ಯವಜ್ನಾ಼ ಪಾರಕ್ ಕರ್ತೊ.

¹³ ದೇವಾಚೆ ನದ್ರಲಾ ಕಚಾ಼ಸ್ ಆಡ್‌ಶಾ ನಾಹಿ. ತ್ಯಚೆ ನದ್ರಲಾ ಸಗ್ಳ ಉಗಡುನ್ ಮಾಳಾವ್ ಹಾ. ಆಮಿ ಆಮ್ಚಾ ಜೀವ್ನಾಚಾ಼ ಲೆಖಾ ದಿಯಾ ವ್ಹಯಿತ್ಯೊ ತ್ಯಲಾಸ್.

ಯೇಸು ಮೊಟಾ ಮಹಾ ಯಾಜಕ್

¹⁴ ಆಬ್ಳ ವಲ್ಯಾಂಡುನ್ ಗೆಲ್ಯಾಲಾ ಯೊಕ್ ಮೊಟಾ ಮಹಾಯಾಜಕ್ ಆಮಾನಾ ಹಾ. ತ್ಯೊಸ್ ದೇವಾಚಾ಼ ಲೊಕ್ ಯೇಸು. ಮನ್ಹುನ್ ಆಮ್ಚಿಪ ಆಸ್‌ಲ್ಯಾಲ್ಯಾ ಇಸ್ವಾಸಾತ್ ದಿರ‍್ಹಾನಿ ಘಟ್ ರಾಹುಯಾ.

¹⁵ ಆಮ್‍ಚ಼ಾ ಮೊಟಾ ಮಹಾಯಾಜಕ್ ಜಾ಼ಲ್ಯಾಲಾ ಯೇಸು ಆಮಾನಾ ಬಳ್ ನಸ್‌ಲ್ಯಾಲ ಸಮಜು಼ನ್ ಗೆನಾರಾ ಜಾ಼ಲ್ಯಾ. ತ್ಯೊ ಹೆ ದುನೆತ್ ಹುತಾ ತವಾ, ಸಗ್ಳೆ ಗುಶ್ಟಿತ್ನಿ ಆಮ್ಚೆಗತುಸ್ ಪರೀಕ್ಷೆತ್ ಗಾವ್ಲಾ ಫನ್ ಪಾಪ್ ಕೆಲ ನಾಹಿ.

¹⁶ ಮನ್ಹುನ್ ದೇವಾಚಾ ಕ್ರುಪಾ ಸಿಂಹಾಸನಾಪ ದಿರಾನಿ ಯವುಯಾ. ತರಾಸಾತ್ ಆಸ್ಥಾನಾ ಆಮಾನಾ ಪಾಯ್ಜೆತಿ ಮಜ಼ತ್ ಆನಿ ಕರ್ನಾ ತ್ಯಚೆ ಕ್ರುಪೆನಿ ತಿಥ ಮಿಳ್ನಾರ್.