ಅಪೊಸ್ತಲ್ 18 - ದೆವಾಚಿ ಖರಿ ಕಬರ್ ನವಾ ಕರಾರ್

ಕೊರಿಂಥಾತ್ ಪೌಲ್

¹ ಹ್ಯ ಜಾ಼ಲ್ಯಾ ನಂತರ್ ಪೌಲ್ ಅಥೇನೆಯಾ ಸುಡುನ್ ಕೊರಿಂಥಾತ್ ಗೇಲಾ.

² ಪೊಂತ್ಯಾತ್ ಜ಼ಲಾಮಲ್ಯಾಲಾ ಅಕ್ವಿನ್ ಮಂತ್ಯಾಲ್ಯಾ ಯಕಾ ಯೆಹುದಿಲಾ ತಿಥ ಬಗ್ಲಾ. ಯೆಹುದ್ಯಿ ಸಗ್ಳ ರೊಮಾಪುರ್ ಸುಡುನ್ ಜಾ಼ಯಾವ್ಹಯಿ ಮನ್ಹುನ್ ಕ್ಲೌದಿಚಾ ಚಕ್ರವರ್ತಿನಿ ಹುಕುಮ್ ಕೆಲಾ ಮನ್ಹುನ್ ಅಕ್ವಿನ್ ತ್ಯಚಿ ದನ್ಗರ್ ಪ್ರಿಸ್ಕಿಲ್ ಥೊಡ್ಯಾ ದಿಸಾಚೆ಼ ಆಂದಿಸ್ ಇತಾಲ್ಯಾತ್ನಿ ತಿಥ ಆಲ್ತಿತ ಪೌಲ್ ತ್ಯನಾ ಬಗಾಯಾ ಗೆಲಾ,

³ ಕಾ ಮಂಜೆ ತಿಬಿ ತ್ಯಚಿಗತ್ ಕಾಮ್ ಕರ್ತ್ಯಾಲಿ ಜಾ಼ಲ್ತಿತ; ಗುಢಾರ ಕರಾಚ಼ ತ್ಯಂಚ಼ ಕಾಮ್ ಜಾ಼ಲ್ತ.

⁴ ತ್ಯೊ ಪರತೆಕ್ ಸಬ್ಬತ್ ದಿಸಾತ್ ಸಬಾಸ್ಥಾನಾತ್ ಲೊಕಾಂಚಿಸಂಗ ಚರ್ಚಾ ಕರುನ್ ಯೆಹುದ್ಯಾನಾ ಗ್ರೀಕಾನಾ ಯೆಕ್ ಕರಿ.

⁵ ಸೀಲಾ ಆನಿ ತಿಮೊಥೆ ಮಕೆದೊನ್ಯಾತ್ನಿ ಆಲ ತವಾ ಪೌಲ್ ದೇವಾಚ಼ ವಾಕ್ಯಾ ಸಿಕ್ವಿತ್ ಯೇಸುಸ್ ಕ್ರಿಸ್ತ ಮನ್ಹುನ್ ಯೆಹುದ್ಯಾನಾ ಸಾಕ್ಷಿ ದೆತೊ.

⁶ ಫನ್ ತ್ಯಂಚಾನಿ ತ್ಯಚಾ಼ ಇರೊದ್ಕೆಲಾ, ಆನಿ ನಿಂದಾ ಕಿಲಿ ಮನ್ಹುನ್ ತ್ಯೊ ಆಪ್ಲ ಕಪ್ಡ ಜಾ಼ಢುನ್; “ತುಮಿ ಹಾಳ್ ವ್ಹಯಾ ತುಮಿಸ್ ಕಾರನ್ ಮಿ ಜವಾಬ್ದಾರ್ ನಾಹಿ. ಮೀ ಆಚಾನ್ ಯೆಹುದಿ ನಸ್‍ಲ್ಯಾಲ್ಯಾ ಲೊಕಾಂಚಿಪ ಜಾ಼ತೊ” ಮನ್ಹುನ್ ತ್ಯನಾ ಸಾಂಗುನ್,

⁷ ತ್ಯೊ ಜಾ಼ಗಾ ಸುಡುನ್ ದೇವಾಲಾ ಬಿಥ್ಯಾಲ್ಯಾ ತೀತ್ ಯುಸ್ತ ಮಂಥ್ಯಾಲ್ಯಾಚಾ ಗರ‍್ಹಾತ್ ಗೆಲಾ. ತ್ಯೊ ದೆವಾಲಾ ವವ್ಯಾಳತ್ಯಾಲಾ ಜಾ಼ಲ್ತಾ ತ್ಯಚ಼ ಘರ್ ಸಭಾಸ್ಥಾನಾಪ ಹುತ.

⁸ ಸಭಾಸ್ಥಾನಾಚಾ಼ ಫುಡಾರಿ ಜಾ಼ಲ್ಯಾಲ್ಯಾ ಕ್ರಿಸ್ತಾನಿ ಆಪ್‍ಲ್ಯಾ ಗರ‍್ಹಾತಲ್ಯಾಂಚೆ ಸಂಗ ಪ್ರಭುವ ಇಸ್ವಾಸ್ ಥೆವ್ಲಾ. ಆನಿ ಕೊರಿಂಥಾತ್ಲಿ ಖುಬ್ ಜ಼ನಾಂಚಾನಿ ಪೌಲಾಚ಼ ಶಿಕ್ಷೆನ್ ಐಕುನ್ ಇಸ್ವಾಸ್ ಥಿವುನ್ ಬಾಪ್ತಿಸ್ಮಾ ಗೆತ್ಯಾತ.

⁹ ಪ್ರಭುನಿ ರ‍್ಯಾಚ಼ ಪೌಲಾಲಾ ದರ್ಶಾನ್ ದಿವುನ್; “ತು ಬಿಹುನಕೊ; ಫನ್ ಗಪ್ ರಾಯಾಚೆ಼ ಆಂದಿ ಬರಿ ಖಬರ್ ಸಾಂಗಿತುಸ್ ರ‍್ಹಾ,

¹⁰ ಕಾ ಮಂಜೆ ಮೀಸ್ ತುಮ್ಚಿ ಸಂಗ ಹಾ; ಕೊನ್ ತುಲಾ ಬುರ್ಸ ಕರಿತ್ನಾಹಿ; ಹ್ಯೆ ಪೆಠತ್ ಮಾಜಿ ಖುಬ್ ಲೊಕ ಹಾತ” ಮನ್ಹುನ್ ಸಾಂಗತೊ.

¹¹ ತ್ಯೊ ದಿಡ್ ವರಿಸ್ ತಿಥ ರಾಹುನ್ ತ್ಯಾ ಲೊಕಾನಾ ದೇವಾಚಾ ವಾಕ್ಯಾ ಶಿಕ್ವಿತಾ.

¹² ಗಲ್ಲಿಯೊನ್ ಅಖಾಯಾಚಾ಼ ಅಧಿಪತಿಹುತಾ ತವಾ ಯೆಹುದ್ಯಿ ಎಕ್‍ವ್ಹವುನ್ ಪೌಲಾಲಾ ದರ‍್ಹುನ್ ನ್ಯಾಯಾಸನಾಚೆ಼ ಮೊರ‍್ಹ ಆನುನ್;

¹³ “ಹ್ಯೊ ಮಾನುಸ್ ಆಮ್ಚಾ ಧರ್ಮಶಾಸ್ತಾರಾಚೆ ಆಡ್ವಾ ದೆವಾಲಾ ವವ್ಯಾಳಾಲಾ ಲೊಕಾಂಚ಼ ಮನ್ ವಳವಾಯಾ ಖಟಪಟ್ ಕರ್ತ್ಯೊ.

¹⁴ ಪೌಲ್ ಬೊಲಾಯಾ ವ್ಹಯಿ ಮನ್ಹಿತಾ ಯವಡ್ಯಾತ್ ಗಲ್ಲಿಯೊನ್, ಯೆಕ್ ಯಳಿ ಹಿ ಮುಟಿ ಚು಼ಕ್ ನಾಹಿತ ಮೊಟಾ ಗುನ್ಹಾ ಜಾ಼ಲ್ಯಾವ ಮಿ ಹೆ ಜವಾಬ್ದಾರಿಚಾ಼ ವ್ಹವುನ್ ಐಕಾಯಾ ವ್ಹಯಿತ.

¹⁵ ತುಮಿ ಕರ್ತ್ಯಾಲ ವಾದ್, ತುಮ್ಚಾ ಬೊಲ್ಯಾ ಆನಿ ನಾವ ತುಮ್ಚಾ ಸ್ವತಾಚಾ ಧರ್ಮಶಾಸ್ತಾರಾಲಾ ಸಂಬಂದ್ ಆಸಲ್ಯಾಲ ಹ್ಯ ತುಮ್ಚಿ ಸಾಟಿಸ್ ತುಮಿ ಶಾರ್ಕ ಕರಾಯಾ ವ್ಹಯಿಸಾ ಆಸಲ್ಯಾ ಗುಸ್ಟಿನಾ ಮೀ ನ್ಯಾಯಿ ತಿರ್ಮಾನ್ ಕರಿತ್ನಾಹಿ.

¹⁶ ಮನ್ಹುನ್ ತ್ಯನಿ ತ್ಯನಾ ನ್ಯಾಯಾಸನಾಚಾ ಜಾ಼ಗ್ಯಾತ್ನಿ ಬಾಹಿರ್ ಗ್ಯಾತ್ಲ.

¹⁷ ತವಾ ಲೊಕ ಸಗ್ಳಿ ಸಭಾಸ್ಥಾನಾಚಾ಼ ಫುಡಾರಿ ಜಾ಼ಲ್ಯಾಲ್ಯಾ ಸೊಸ್ಥೆನಾಲಾ ದರುನ್ ಕೊರ್ಟಾಚೆ಼ ಮೊರ‍್ಹಸ್ ಮ್ಯಾರ್ತ್ಯಾತ. ಗಲ್ಲಿಯೊನಾನಿ ತ್ಯಾತ್‍ಲ್ಯಾ ಯಕಾವಬಿ ಧ್ಯಾನ್ ದಿಲನಾಹಿ.

ಅಂತಿಯೊಕ್ಯಾತ್ ಮಾಗಾರಾ ಗೆಲ್ಯಾಲಾ

¹⁸ ಪೌಲ್ ಥೊಡ ದಿಸ್ ತಿಥ ರಾಯಲ್ಯಾ ನಂತರ್ ಶಪತ್ ಕಿಲ್ತಿ ಮನ್ಹುನ್ ಕೆಂಖ್ರೆಯಾಚೆ ಪೆಠತ್ ಕಾಪ್ನಿ ಕರುನ್ ವ್ಹಡಿತ್ ಚ಼ಡುನ್ ಸಿರಿಯಾತ್ ನಿಗಾಲಾ. ಪ್ರಿಸ್ಕಿಲ್ ಆನಿ ಅಕ್ವಿಲ್ ತ್ಯಚಿ ಸಂಗ ನಿಗಾಲಿತ.

¹⁹ ಎಫೆಸಾತ್ ಆಲಿತ ತವಾ ತ್ಯನಾ ತಿಥಸ್ ಸುಡುನ್, ಆಪ್ನು ಸಭಾಸ್ಥಾನಾತ್ ಜಾ಼ವುನ್ ಯೆಹುದ್ಯಾಂಚೆ಼ ಸಂಗ ಚರ್ಚಾ ಕರ್ತೊ.

²⁰ ಲೊಕಾಂಚಾನಿ ತ್ಯಲಾ ಆನಿ ಥೊಡ ದಿಸ್ ತಿತಸ್ ರಾಹ್ಯಾವ್ಹಯಿ ಮನ್ಹುನ್ ಸಾಂಗ್ಲ, ಖರ ತ್ಯೊ ಹು ಮನ್ಲಾ ನಾಹಿ,

²¹ ಹ್ಯಚೆ ಬದಲಿಸ್ ದೇವಾಚ಼ ಮನ್ ಆಸ್ಲತ ಪರತ್ ತುಮ್ಚಿಪ ಯತೊ” ಮನ್ಹುನ್ ಸಾಂಗುನ್. ನಂತರ್ ಎಫೆಸಾತ್ನಿ ವ್ಹಡಿತ್ ಚ಼ಡುನ್ ಸಮಿಂದೊರಾವ್ನಿ ನಿಗಾಲಾ,

²² ತ್ಯೊ ಕೈಸರ‍್ಯಾತ್ ಯವುನ್ ಪೊಚ಼ಲಾತವಾ ಯೆರುಸಲೇಮಿತ್ ಜಾ಼ವುನ್ ಸಬೆಲಾ ಬೇಟ್ ವ್ಹವುನ್ ಅಂತಿಯೊಕ್ಯಾತ್ ಗೆಲಾ.

²³ ಪೌಲ್ ಅಂತಿಯೊಕ್ಯಾತ್ ಥೊಡ ದಿಸ್ ರಾಹುನ್ ಪರತ್ ತಿತ್ನಿ ನಿಗುನ್ ಗಲಾತ್ಯ ಸೀಮತ್, ಪ್ರುಗ್ಯಾತ್ ಪಿರತ್ ಸಗಳ್ಯಾ ಇಸ್ವಾಸಿನಾ ಗಟ್ ಕಿಲಿತ.

ಎಪೆಸಾತ್ ಆನಿ ಕೊರಿಂತಾತ್ ಅಪಲೊಸ್

²⁴ ತ್ಯವಡ್ಯಾತ್ ಅಲೆಕ್ಸಾಂದ್ರಿಯಾತ್ ಜ಼ಲಾಮಲ್ಯಾಲಾ ಅಪೊಲೊಸ್ ಮಂತ್ಯಾಲಾ ಯೊಕ್ ಯೆಹುದ್ಯಿ ಎಫೆಸಾತ್ ಆಲಾ. ತ್ಯೊ ಬುಲಿಲಾ ಹುಶಾರ್ ಆಸಲ್ಯಾಲಾ ಪವಿತ್ರ ಪುತಿಕಾತ್ನಿ ಹುಶಾರ್ ಆಸಲ್ಯಾಲಾ ಹುತ್ತಾ.

²⁵ ತ್ಯೊ ಪ್ರಬುಚೆ ಗುಸ್ಟಿತ್ ಚಾ಼ಂಗ್ಲ ಶಿಕ್ಷೆನ್ ಗೆತಲ್ಯಾಲಾ ಜಾ಼ಲ್ತಾ ಆನಿ ತ್ಯೊ ಖುಬ್ ಹೌಸನಿ ಯೆಸುಚೆ ಗುಸ್ಟಿತ್ ಸಾಂಗತೊ ಆನಿ ಶಿಕಿವ್ತೊ ತ್ಯಲಾ ಯೊಹಾನಾನಿ ದಿಲ್ಯಾಲ ಬಾಪ್ತಿಸ್ಮಾ ತ್ಯವ್ಡಸ್ ಠಾವ ಹುತ.

²⁶ ತ್ಯನಿ ಸಬಾಸ್ಥಾನಾತ್ ದಿರ‍್ಹಾನಿ ಬೊಲಾಚ಼ ಸುರುಕೆಲ. ತ್ಯಚಾ ಬೊಲ್ಯಾ ಪ್ರಿಸ್ಕಿಲಾ ಆನಿ ಅಕ್ವಿನಾನಿ ಐಕುನ್ ತ್ಯಲಾ ಆಪ್‍ಲ್ಯಾ ಗರ‍್ಹಾತ್ ಹಾಕ್ಟುನ್ ನಿಹುನ್ ದೇವಾಚಿ಼ ವಾಟ್ ತ್ಯಲಾ ಆನಿ ಶಾರ್ಕಿ ಸಾಂಗ್ಲಿ.

²⁷ ತ್ಯೊ ಅಖಾಯಾತ್ ಪೊಚ಼ಲ್ಯಾ ನಂತರ್ ತಿಥ ದೆವಾಚೆ ಕ್ರಪೆನಿ ಇಸ್ವಾಸಿನಾ ಎಕ್ ಮುಟಿ ಮಜ಼ತ್ ಜಾ಼ಲಿ.

²⁸ ಕಾ ಮಂಜೆ ತ್ಯಚಾ ಮೊಟ್ಯಾ ವಾದ್ ವಿವಾದಾಸ್ಲಾಗುನ್ ಸಗ್‍ಳ್ಯಾಂಚೆ ಮೊರ‍್ಹ ವ್ಹತ್ಯಾಲೆ ಚರ್ಚೆತ್ ಪವಿತ್ರ ಪುತಿಕಾತ್ ಯೆಸುಸ್ ಕ್ರಿಸ್ತ್ ಮನ್ಹುನ್ ಖರಕರುನ್ ಯಹುದ್ಯಾನಾ ಹಾರಿವ್ ತೊ.