ಅಪೊಸ್ತಲ್ 1 - ದೆವಾಚಿ ಖರಿ ಕಬರ್ ನವಾ ಕರಾರ್

¹ ಮಾಯೆಚಾ ತಿಯೊಪಿಲಾ, ಯೆಸುನಿ ಕೆಲ್ಯಾಲ್ಯಾ ಕಾಮಾಂಜೆ ಗುಸ್ಟಿತ್ ಆನಿ ದಿಲ್ಯಾಲ್ಯಾ ಶಿಕ್ಷೆನಾಚೆ ಗುಸ್ಟಿತ್ ಪರತೆಕ್ ಯಾಕ್ ಮಿ ಮಾಜಾ ಪೈಲ್ಯಾ ಪುಸ್ತಕಾತ್ ಲಿವ್‍ಲ್ಯಾ.

² ತ್ಯನಿ ಸ್ವರ್ಗಾತ್ ನೆಲ್ಯಾಲ್ಯಾ ದಿಸಾಪರೇತ್ ಆನಿ ಆಪ್ಲ ಅಪೊಸ್ತಲ್ ಮನ್ಹುನ್ ನಿವ್ಡುನ್ ಗೆತಲ್ಯಾಲ್ಯಾನಾ ಪವಿತ್ರಾತ್ಮಾಚಾ ಬಳಾನಿ ಸಿಕಿವ್ಲ.

³ ಹಿ ತ್ಯಚಾ ಮರ್ನಾಚೆ ನಂತರ್ ಗಡ್‌ಲ್ಯಾಲಿ ಖನ್ಕತ್. ಆಪ್ನು ಜಿತ್ತಾ ಆಸ್‌ಲ್ಯಾಲಾ ತ್ಯನಿ ಅಪೊಸ್ತಲಾನಾ ದಾವುನ್ ದಿಲ. ಆನಿ ಬಳಾಚಿ ಕಾಮ ಖುಬ್ ಕರುನ್ ತೀ ದ್ಯಾವ್ಲಿತ. ಯೇಸು ಜಿತ್ತಾ ವ್ಹವುನ್ ಆಲ್ಯಾ ನಂತರ್ ಚಾಳಿಸ್ ದಿಸಾತ್ ಅಪೊಸ್ತಲಾಂಚಾನಿ ತ್ಯಲಾ ಖುಬ್ ಖೆಪಾ ಬಗ್ಲಾ. ಯೇಸುನಿ ದೇವಾಚಾ ರಾಜಾಚೆ ಗುಶ್ಟಿತ್ ಅಪೊಸ್ತಲಾಂಚೆ ಸಂಗ ಬೊಲ್ಲಾ.

⁴ ಯಂಗ್ದಾ ಯೇಸು ತ್ಯಂಚಿ ಸಂಗ ಜೇವಾನ್ ಖಾತಾನಾ ಯೇರುಸಲೇಮ್ ಸುಡುನ್ ಜಾ಼ಯಾಚ಼ ನಾಹಿ ಮನ್ಹುನ್ ತ್ಯನಾ ಆಜ್ಞಾ ದಿಲಿ. “ಬಾನಿ ತುಮಾನಾ ಯೊಕ್ ಸಬ್ದ ದಿಲ್ಯಾ ಹ್ಯಚೆ ಗುಶ್ಟಿತ್ ತುಮಿ ಆಂದಿಸ್ ಐಕ್‌ಲ್ಯಾಸಾ ಹ್ಯಾ ಸಬ್ದಾಚ಼ ವರ್ದಾನ್ ಗಿಹ್ಯಾಸಾಟಿ. ಯೆರುಸಲೇಮಿತುಸ್ ರಾಖಿತ್ ರಾವ್ಹಾ.

⁵ ಯೊಹಾನಾನಿ ಲೊಕಾನಾ ಪಾನ್ಯಾನಿ ಬಾಪ್ತಿಸ್ಮಾ ದಿಲಿ, ಫನ್ ಆನಿ ಥೊಡ್ಯಾ ದಿಸಾತುಸ್ ತುಮಾನಾ ಪವಿತ್ರಾತ್ಮಾನಿ ಬಾಪ್ತಿಸ್ಮಾ ವ್ಹಯಿಲ್” ಮನ್ಹುನ್ ತ್ಯನಿ ಸಾಂಗ್ಲ.

ಯೇಸುಲಾ ಸ್ವರ್ಗಾತ್ ಉಚ಼್ಚಲ್ಲಾ

⁶ ಅಪೊಸ್ತಲ್ ಯಕಿಕ್ಡ ಜ಼ಮ್ಲ ತವಾ, ತ್ಯಂಚಾನಿ ಯೆಸುಲಾ, “ಪ್ರಭು, ತು ಇಸ್ರಾಯಲ್ ಲೊಕಾನಾ ಆನಿಕ್ ತ್ಯಂಚ಼ ರಾಜ ದೇನಾರ್ ತ್ಯ ಹ್ಯಾ ಕಾಲಾತುಸ್ ಕ್ಯಾ? ಮನ್ಲಾ.

⁷ ಯೇಸುನಿ ತ್ಯನಾ, “ದೀಸ್ ಆನಿ ಯೊಳ್ ಥರವಾಚಾ಼ ಹುಕುಮ್ ಆಸ್‌ಲ್ಯಾಲಾ ಬಾಲಾ ಯಕ್‌ಲ್ಯಾಲಾಸ್. ತುಮಿ ತ್ಯ ಸಮಜು಼ನ್ ಗಿಹ್ಯಾ ವ್ಹಯಿತ್ನಾಹಿ.

⁸ ಫನ್ ಪವಿತ್ರಾತ್ಮ ತುಮ್ಚಿವ ಆಲಕಿ ತುಮಾನಾ ಬಳ್ ಯವುನ್ ಯೇರುಸಲೇಮಿತ್ಬಿ ಸಗ್ಳೆ ಯುದಾಯಾತ್ಬಿ ಸಮಾರ‍್ಯಾತ್ಬಿ ಆನಿ ಧರ್ಥಿವ ಸಗ್ಳಿಕ್ಡ ಸಾಕ್ಷಿ ವ್ಹವುನ್ ಸರ್ತ್ಯಾ ಪರತ್ ರಾನ್ಹಾರ್” ಮನ್ಲಾ.

⁹ ಯೇಸುನಿ ಹ್ಯಾ ಖನ್ಕತಿ ಅಪೊಸ್ತಲಾನಾ ಸಾಂಗ್‌ಲ್ಯಾ ನಂತರ್ ಅಪೊಸ್ತಲ್ ಬಗ್‌ತ್ಯಾಲ ಆಸ್ಥಾನಾಸ್ ಆಬ್ಳಾತ್ ಉಚ಼ಲುನ್. ಢಘಾನಿ ತ್ಯಲಾ ಜಾ಼ಖುನ್ ಗೆತಲ್ಯಾಲ್ಯಾನಿ ತ್ಯಂಚಾನಿ ತ್ಯಲಾ ಬಗಾಯಾ ಜಾ಼ಲ್ಹ ನಾಹಿ.

¹⁰ ಯೇಸು ಜಾ಼ತಾನಾ ಅಪೊಸ್ತಲ್ ಅಬ್ಳಾಕ್ಡಸ್ ಬಗಿತ್ ಹುತ್ತ. ತವಾ ಪಾಂಡ್ರ ಕಪ್ಡ ಗ್ಯಾತ್‌ಲ್ಯಾಲ ದೊಗ ಗಡಿ ಪಾಟ್ನ ತ್ಯಂಚಿಪ ಉಬ ರಾಯ್ಲ,

¹¹ “ಗಲಿಲಾಯಾತಲ್ಯಾನು, ತುಮಿ ಕಾ ಆಬಾಳುಸ್‍ ಬಗಿತ್ ರಾಯ್‌ಲ್ಯಾಸಾ? ಯೇಸು ತುಮ್ಚಾ ಡೊಳ್ಯಾ ಮೊರ‍್ಹ ಸ್ವರ್ಗಾತ್ ಕಸಾ ಉಚ್ಲು಼ನ್ ಗೇಲಾ ತಸಾಸ್ ಪರ್ತುನ್ ಆನಿ ಯನಾರ್” ಮನ್ಹುನ್ ಸಾಂಗ್ಲ.

ಇಸ್ಕರಿತ್ ಯುದಾಚಾ ಜಾ಼ಗ್ಯಾವ ಆನಿ ಯಕಾಲಾ ನಿವಡ್‌ಲ್ಯಾಲಾ

¹² ಮಂಗ್ ಅಪೊಸ್ತಲ್ ಆಲಿವ್ ಜಾ಼ಢಾಂಚಾ ಗುಢ್ಯಾತ್ನಿ ಯೆರುಸಲೇಮಿತ್ ಪರ್ತುನ್ ಗೇಲ. ಹ್ಯಾ ಗುಢ್ಯಾಲಾ ಆನಿ ಯೇರುಸಲೇಮಿಲಾ ಜ಼ವ ಜ಼ವಳ್ ಆರ್ದಾ ಮೈಲ್ ಫರಕ್ ಹಾ.

¹³ ಅಪೊಸ್ತಲ್ ಪೆಠತ್ ಆಪ್ಲೆ ರಾವ್ಠಿವ ಗೇಲ. ತೇ ಮಾಳಿವ ಹುತ್ತ. ತೇ ಅಪೊಸ್ತಲ್ ಕಚ಼ ಮಂಜೆ: ಪೇತ್ರಾ, ಯೊಹಾನ್, ಯಾಕೊಬ್ ಆನಿ ಆಂದ್ರೆಯ, ಪಿಲಿಪ, ತೊಮ, ಬಾರ್ತೊಲೊಮಾಯ, ಮತ್ತಾಯ, ಅಲ್ಪಾಯಾಚಾ಼ ಲ್ಯೊಕ್ ಯಾಕೊಬ್ ದೇಶೆಚಾ಼ ಅಭಿಮಾನ್ ಆಸ್‌ಲ್ಯಾಲಾ ಸಿಮೊನ್ ಆನಿ ಯಾಕೊಬಾಚಾ಼ ಲ್ಯೊಕ್ ಯುದ್.

¹⁴ ಅಪೊಸ್ತಲ್ ಸಗ್ಳ ಯಕಿಕ್ಡ ಜ಼ಮ್ಲ ತೇ ಯಕಾಸ್ ಮನಾನಿ ಚು಼ಕ್ವಾಚೆ ಆಂದಿ ಮಾಗ್ನ ಕರೀತ. ಥುಡಿ ಬ್ಯಾಯ್ಕಾಮಾನ್ಸ ಯೇಸುಚಿ ಆಯಿ ಮರಿಯಾ ಆನಿ ಬಾಹು ಅಪೊಸ್ತಲಾಂಚೆ ಸಂಗ ಹುತ್ತ.

¹⁵ ಥೊಡ ದೀಸ್ ಜಾ಼ಲ್ಯಾ ನಂತರ್ ಇಸ್ವಾಸಿಂಚಿ ಮಂಡಳಿ ಜ಼ಮ್ಲಿ. ತಿಥ ಜ಼ವಳ್ ಜ಼ವಳ್ ಯಕ್ಸೆ ಈಸ್ ಲೊಕ ಹುತ್ತಿತ. ಪೇತ್ರಾ ಉಬಾರಾಹುನ್ ಆಸಾ ಮನ್ಲಾ.

¹⁶ “ಬನ್ಹಿ ಬಾವ್ಹಾನು, ಪವಿತ್ರಾತ್ಮಾನಿ ದಾವಿದಾಸಂಗ ಪವಿತ್ರ ಪುತಿಕಾತ್ ಆಂದಿ ಸಾಂಗ್‌ಲ್ಯಾಲ್ಯಾ ಖನ್ಕತಿ ವ್ಹಯಾ ವ್ಹಯಿ ಜಾ಼ಲ್‌ಥ್ಯಾ. ಆಮ್ಚಾ ಸ್ವತಾಚಾ ಮೆಳ್ಯಾತ್ಲಾ ಯೊಕ್‌ ಜಾ಼ಲ್ಯಾಲ್ಯಾ ಯುದಾಚೆ ಗುಶ್ಟಿತ್ ದಾವಿದಾನಿ ಸಾಂಗ್‌ಲ್ಯಾ. ಯುದಾನಿ ಆಮ್ಚಿ ಸಂಗ ಸೇವೆ ಕಿಲಿ.

¹⁷ ತ್ಯೊ ಆಮ್ಚಾ ಹಿಂಡಾತ್ಲಾ ಜಾ಼ಲ್ತಾ ಆನಿ ಆಮ್ಚೆ ಸೇವೆಚಾ ಕಾಮಾತ್ ನಿವಡ್‌ಲ್ಯಾಲಾ ಜಾ಼ಲ್ಥಾ.”

¹⁸ ಹ್ಯ ಮೊಸಾಚ಼ ಕಾಮ್ ಕರಾಯಾ ಯುದಾಲಾ ಪೈಸ ದಿಲ್ತ. ತ್ಯಾ ಪೈಸ್ಯಾನಿ ತ್ಯಲಾ ಯಾಕ್ ಶಾತ್ ಗೆತ್ಲ ಹುತ್ತ. ಫನ್ ಯುದ್ ಡುಯಿ ಖಾಲ್ ವ್ಹವುನ್ ಪಡ್ಲಾತವಾ ಪ್ವಾಟ್ ಫುಠುನ್ ಗೇಲ. ತ್ಯಚಿ ಆತ್ಡಿ ಸಗ್ಳಿ ಬಾಹಿರ್ ಆಲಿತ.

¹⁹ ತ್ಯಚೆ ಗುಶ್ಟಿತ್ ಯೇರುಸಲೇಮಿತ್‌ಲ್ಯಾನಾ ಸಗ್ಳ ಸಮಾಜ಼್ಲ. ಮನ್ಹುನ್ ತ್ಯಂಚಾನಿ ತ್ಯಾ ಶೆತಾಲಾ ಅಕೆಲ್ದಮಾ ಮನ್ಹುನ್ ನಾವ್ ಥೆವ್ಲ. ತ್ಯಂಚೆ ಬಾಶೆತ್ ಅಕೆಲ್ದಮಾ ಮಂಜೆ ‘ರಕ್ತಾಚ಼ ಶಾತ್’ ಮನ್ಹುನ್ ಆರ್ಥ.

²⁰ ತ್ಯಚ಼ ಘರ್ ನಾಸ್ ವ್ಹವುನಿ, ತ್ಯಾತ್ ಕುನಿ ರಾಹುನಾಹಿ ಆನಿ ತ್ಯಚ಼ ಕಾಮ್ ದುಸ್‍ರ‍್ಯಾಲಾ ವ್ಹವುನಿ ಆಸ ಕಿರ್ತನ್ ಗ್ರಂಥಾತ್ ಲಿವ್‍ಲ್ಯಾ.

²¹ “ಮನ್ಹುನ್ ದುಸ್ರಾ ಯೊಕ್ ಆಮ್ಚಿ ಸಂಗ ಮಿಳುನ್, ಪ್ರಭು ಜಾ಼ಲ್ಯಾಲಾ ಯೇಸು ಆಮ್ಚಿಪ ಆಸ್‌ಲ್ಯಾಲ್ಯಾ ಕಾಲಾತ್ ತ್ಯೊ ಆಮ್ಚಾ ಮೆಳ್ಯಾತ್ಲಾ ರಾಹ್ಯಾ ವ್ಹಯಿ.

²² ಯೊಹಾನಾನಿ ಬಾಪ್ತಿಸ್ಮಾ ದಿಯಾ ಸುರು ಕೆಲ್ಯಾಲೆ ದರ್ನಿ ಯೇಸು ಆಮ್ಚಿಪ್ನಿ ಸ್ವರ್ಗಾತ್ ನಿಹಿಪರ‍್ಯಾತ್ ತ್ಯೊ ಆಮ್ಚಿ ಸಂಗ ರಾಯ್‌ಲ್ಯಾಲಾ ರಾಹ್ಯಾ ವ್ಹಯಿ ಕಾ ಮಂಜೆ, ತ್ಯಂಚಾತ್ಲಾ ಯೊಕ್ ಯೇಸು ಮರುನ್ ಜಿತ್ತಾ ಜಾ಼ಲ್ಯಾಲ್ಯಾಲಾ ವಳಕ್ ವ್ಹವುನ್ ರಾಹ್ಯಾ ವ್ಹಯಿ. ”

²³ ಅಪೊಸ್ತಲಾಂಚಾನಿ ದೊಗಾನಾ ನಿವ್ಡುನ್ ಮಂಡಳಿಚೆ ಮೊರ‍್ಹ ಉಬಕೆಲ. ಯೊಕ್ ಬಾರ್ಸೆಬ ಮಂಥ್ಯಾಲಾ ಯೊಸೆಪ್. ಹ್ಯಲಾ ಯುಸ್ತ್ ಮನ್ಹುನ್ ಹಾಕ್ಟಿತಿತ. ಆನಿ ಯೊಕ್ ಮತ್ತಿಯ.

²⁴ ತವಾ ತ್ಯಂಚಾನಿ ಆಸ ಮಾಗ್ನ ಕೆಲ: “ಪ್ರಭು ಸಗ್‌ಳ್ಯಾ ಲೊಕಾಂಚ಼ ಮನ್ ಸಮಜು಼ನ್ ಗೆತಲ್ಯಾಸ್ ಹ್ಯ ಕಾಮ್ ಕರಾಯಾ ಹ್ಯಾ ದೊಗಾತ್‌ಲ್ಯಾ ಕಚಾಲಾ ತು ನಿವಡ್‌ಲ್ಯಾಸ್,

²⁵ ಮನ್ಹುನ್ ಯುದ್ ಅಪೊಸ್ತಲಾಚಾ಼ ಆನಿ ಸೇವೆಚಾ಼ ಜಾ಼ಗಾ ಸುಡುನ್ ಆಪ್ನು ಜಾ಼ಯಾ ವ್ಹಯಿ ಜಾ಼ಲ್ಯಾಲ್ಯಾ ಜಾ಼ಗ್ಯಾವ ಗೆಲಾ. ಪ್ರಭು ತ್ಯಚಾ ಜಾ಼ಗ್ಯಾವ ಅಪೊಸ್ತಲ್ ವ್ಹವುನ್ ಕಚಾಲಾ ಥರ್ವಾವ್ಹಯಿ ಆಮಾನಾ ದ್ಯಾವ್.

²⁶ ಮಂಗ್ ಅಪೊಸ್ತಲಾಂಚಾನಿ ತ್ಯಾ ದೊಗಾತ್‌ಲ್ಯಾ ಯಕಾಲಾ ನಿವ್ಡಾಯಾ ಚೀಟಿ ಗ್ಯಾತ್ಲಿ. ಚೀಟಿ ಮತ್ತಿಯಾಲಾ ಆಲಿ ಮನ್ಹುನ್ ಆಕ್ರಾ ಜ಼ನಾಂಚೆ ಸಂಗ ತ್ಯೊಬಿ ಅಪೊಸ್ತಲ್ ಜಾ಼ಲ್ಹಾ.