2 ತಿಮೊತಿ 3 - ದೆವಾಚಿ ಖರಿ ಕಬರ್ ನವಾ ಕರಾರ್

ಸರ್ತ ದೀಸ್

¹ ತುಮಾನಾ ಯಾದ್ ರಾಹುನಿ! ಸರ್ತ್ಯಾ ದೀಸಾತ್ ಬುರ್ಸಾ ಯೊಳ್ ಯನಾರ್.

² ತ್ಯಾ ಕಾಲಾತ್ ಲೊಕ ಸ್ವಾರ್ಥಿ ವ್ಹವುನ್ ರಾಥ್ಯಾತ, ಪೈಶಾಂಚಿ ಆಶಾ ಕರ್ತ್ಯಾಲಾ; ಬಡಾಯಿ ಕರ್ತ್ಯಾಲಿ ರಾಥ್ಯಾತ; ಗಮೇಂಡಿ ಕರ್ತ್ಯಾಲಾ; ಬಡಾಯಿ ಕರ್ತ್ಯಾಲಾ; ಆಯಿ ಬಾಚಿ ನಿಂದಾ ಆನಿ ಸಬ್ದ ಐಕತ್ ನಸ್ನಾರಾ; ಕ್ರತಜ್ಞತಾ ನಸ್‌ಲ್ಯಾಲಾ; ಪವಿತ್ರ ನಸ್‌ಲ್ಯಾಲ;

³ ದುಸ್‌ರ‍್ಯಾನಾ ಮಾಯಾ ಕರಿ ನಸ್ನಾರಿ ರಾಥ್ಯಾತ; ಮಾಪ್ ಕರಿನಸ್ನಾರಿ ರಾಥ್ಯಾತ; ನಿಂದಾ ಕರ್ತ್ಯಾಲಿ ರಾಥ್ಯಾತ; ಆಪಲ್ಯಾ ತಾಬ್ಯಾತ್ ಆಪ್ನುಸ್ ನಸ್‍ಲ್ಯಾಚೆಗತ್ ರಾಥ್ಯಾತ; ಕ್ರುರಿ, ಚಾ಼ಂಗ್ಲ ಆಸ್‌ಲ್ಯಾಲ್ಯಾಲಾ ವಾದಿ ರಾಥ್ಯಾತ; ರಾಗಾನಿ ರಾಥ್ಯಾತ;

⁴ ಇಸ್ವಾಸ್ ಘಾತ್ಕಿ ಬುದ್ದಿ ನಸ್‌ಲ್ಯಾಲಿ ತೇ ದೇವಾಚೆ ಮಾಯೆವ್ನಿ ಸುಖಾಚಿ ಮಾಯಾ ಕರ್ತ್ಯಾಲ.

⁵ ತೀ ಲೊಕ ಬಾಹಿರ್ಲ್ಯಾ ಧರ್ಮಾಚಿ ಕಾಮ ದರ‍್ಹುನ್ ರಾಥ್ಯಾತ ಫನ್ ಆತ್ಲ ಖರ‍್ಯಾಚ಼಼ ಬಳ್ ಸುಡುನ್ ದೇತ್ಯಾತ. ತಸ್‌ಲ್ಯಾ ಲೊಕಾಂಚಿಪ್ನಿ ದುರ್ ರ‍್ಹಾ.

⁶ ತ್ಯಂಚಾತ್ಲಿ ಥುಡಿ ಗರ‍್ಹಾತ್ನಿ ಜಾ಼ವುನ್, ಪಾಪಾಚಿ ಚು಼ಕ್ ಕೇಲ್ಯಾಲ್ಯಾ ಬ್ಯಾಯ್ಕಾಮಾನ್ಸಾನಾ ಆಪ್‌ಲ್ಯಾ ತಾಬ್ಯಾತ್ ಗೇತ್ಯಾತ. ತೀ ಬ್ಯಾಯ್ಕಾಮಾನ್ಸ ಸಗ್ಳೆ ತರಚೆ ಆಸೆನಿ ಬರ್ಲ್ಯಾಲಿ ರಾಥ್ಯಾತ.

⁷ ತೀ ಬ್ಯಾಯ್ಕಾಮಾನ್ಸ ಕವಾಬಿ ನವಿ ಬುದ್ದಿ ಸಿಕಾಯಾ ಯತ್ನ ಕರ್ತ್ಯಾತ ಫನ್ ಖರ‍ ಸಗ್ಳ ಸಮಜು಼ನ್ ಗಿಹ್ಯಾ ತ್ಯನಾ ವ್ಹಯಿತ್ನಾಹಿ.

⁸ ಯನ್ನಾ ಆನಿ ಯಂಬ್ರ. ಮೊಶೆಲಾ ವಿರೊದ್ ಕೇಲ್ಯಾಲ. ಹೀ ಮಾನ್ಸ ತ್ಯಂಚಿಗತುಸ್. ತೇ ಖರ‍್ಯಾಲಾ ಇರೊದ್ ಕರ್ತ್ಯಾತ. ತ್ಯಾ ಮಾನ್ಸಾಂಚಿ ಯವಜ್ನಾ಼ ಸಗ್ಳಿ ಗಡ್‍ಬಡ್ ಜಾ಼ಲೆ. ತೀ ಇಸ್ವಾಸಾತ್ ಚಾ಼ಲಾಯಾ ಆಪ್‍ಲ್ಯಾ ಯತ್ನಾತ್ ಪಡುನ್ ಗಿಲಿತ.

⁹ ಫನ್ ಹ್ಯನಾ ಆನಿಕ್ ಮೊರ‍್ಹ ಜಾ಼ಯಾ ವ್ಹಯಿತ್ ನಾಹಿ. ಕಾ ಮಂಜೆ ಯನ್ನ ಆನಿ ಯಂಬ್ರಾಚ಼ ಮುರ್ಖಫನ್ ಸಗಳ್ಯಾ ದಿಸುನ್ ಆಲ ತಸಸ್ ತ್ಯಂಚ಼ ಮುರ್ಕ್ಪನ್ ದಿಸನಾರ್.

ಸರ್ತಿ ಪಾರಕ್

¹⁰ ಫನ್ ತು ಮಾಜಿಗತ್ ಚಾ಼ಲುನ್, ಮಾಜ಼ ಸಿಕ್ಷೆನ್, ಚಾಲ್, ಉದ್ದೆಶ್, ಇಸ್ವಾಸ್, ಥಂಡ್ಫನ್, ಮಾಯಾ, ಮಾಜಾ಼ ಧೀರ್

¹¹ ಅಂತಿಯೊಕ್ಯಾ, ಇಕೊನ್ಯ, ಲುಸತ್ರಾತ್ ಮನಾ ತರಾಸ್ ಆನಿ ಕಸ್ಟ ಆಲ್ತಾ ತ್ಯೊ ತುಲಾ ಠಾವಾ ಹಾ. ಮೀ ಕಸ್ಲಾ ತರಾಸ್ ಸುಸ್ವುನ್ ಗೆತಲ್ಯಾ ತ್ಯಾತ್ನಿ ಸಗ್‌ಳ್ಯಾತ್ನಿ ಪ್ರಭುನಿ ಮನಾ ಸುಡಿವಲ್ಯಾ.

¹² ಕ್ರಿಸ್ತ್ ಯೇಸುಪ ಚಾ಼ಂಗಲಾ ಭಕ್ತಿಚಾ಼ ಜೀವ್ನಾ ಕರತ್ಯಾಲಿ ಸಗ್ಳಿ ಹಿಂಸೆತ್ ಗಾವ್ನಾರ್.

¹³ ಬುರ್ಸ ಆನಿ ಲಬಾಡ್ ಸಿಕಿವ್ನಾರ ದುಸ್‍ರ್ಯಾನಾ ಮೋಸ್ ಕರೀತ್ ಆಪ್‌ಲ್ಯಾಲಾಸ್ ಮೋಸ್ ಕರುನ್ ಗಿಹಿತ್ ದಿಸಿ ದಿಸಿ ಖಾಲ್ ಫನಾತ್ ಯತ್ಯಾತ.

¹⁴ ತು ತರಿ ಶಿಕುನ್ ಘಟ್ ಇಸ್ವಾಸ್ ಥೆವಲ್ಯಾಲ್ಯಾ ಸಾಂಗನ್ಯಾತ್ ಉಬಾ ರ‍್ಹಾ ಶಿಕುವುನ್ ದಿಲ್ಯಾಲಾ ಕೊನ್ ಮನ್ಹುನ್ ಯವಜ಼್.

¹⁵ ನ್ಹಾನ್ಪಸುನ್ ತುಲಾ ಪವಿತ್ರ ಪುತಿಕಾಚಿ ವಳಕ್ ಹಾ. ತ್ಯ ತುಲಾ ಗಿನ್ಯಾನ್ ದೇತ. ಆನಿ ಕ್ರಿಸ್ತ ಯೇಸುಪ್‌ಲ್ಯಾ ಇಸ್ವಾಸಾಸ್ ಲಾಗುನ್ ತ್ಯ ರ‍್ಯಾಕ್‌ನ್ಯಾಚಾ ಮಾರ್ಗಾತ್ ಚಾ಼ಲಿವ್ತ.

¹⁶ ದೆವಾಚ಼ ಸಾಂಗ್ನ ಜಾ಼ಲ್ಯಾಲ ಪರ್ತೆಕ್ ಶಾಸ್ತಾರ್ ಶಿಕ್ವಾಯಾ, ಖಡ್ಯಾವಾಯಾ, ಶಾರ್ಕ ಕರಾಯಾ, ನಿಯೆತಿಚೆ ಶಿಕ್ಶೆಲಾ ಉಪೆಗ್ ಜಾ಼ಲ್ಯಾ.

¹⁷ ಮನ್ಹುನ್ ದೆವಾಚಾ಼ ಮಾನುಸ್ ಸಗ್ಳ ಸಮಾಜ಼ಲ್ಯಾಲಾ ವ್ಹವುನ್ ಸಗಳ್ಯಾ ಚಾ಼ಂಗಲ್ಯಾ ಕಾಮಾಲಾ ಶಾರ್ಕಾ ರಾನ್ಹಾರ್.