1 ಕೋರಿಂಥ್ 2 - ದೆವಾಚಿ ಖರಿ ಕಬರ್ ನವಾ ಕರಾರ್

ಶಿಲ್ಬೆವ ಗ್ಯಾತಲ್ಯಾಲ್ಯಾ ಕ್ರಿಸ್ತಾಚಾ಼ ಸಮಾಚಾರ್

¹ ಮಾಜೆ ಬನ್ಹಿ ಬಾವ್ಹಾನು, ಮೀ ತುಮ್ಚಿಪ ಆಲ್ತೊ ತವಾ, ತುಮಾನಾ ದೇವಾಚ಼ ಖರ‍್ಯಾಚ಼ ಗುಟ್ ಸಾಂಗ್ಲ. ಫನ್ ಮೀ ಮೊಟ್ಯಾ ಬೊಲ್ಯಾ ಮೊಟ ಗಿನ್ಯಾನ ವ್ಹವುನಿ ವಾಫರ್ಲನಾಹಿ.

² ಮೀ ತುಮ್ಚಿಸಂಗ ಆಸ್ತಾನಾ ಯೇಸು ಕ್ರಿಸ್ತಾಚ಼ ಆನಿ ತ್ಯಚೆ ಶಿಲ್ಬೆಚೆ ವೈಲ ಮರಾನುಸ್ ದುಸರ‍್ಯಾ ಖಬರಿ ಇಸರುನ್‌ ಜ಼ಾಯಾ ಮನ್ಕೆಲ.

³ ಮೀ ತುಮ್ಚಿಪ ಆಲ್ತೊತವಾ ಬಳ್‌ನಸಲ್ಯಾಲಾ ಜಾ಼ಲ್ತೊ; ಬಿಹುನ್ ಕ್ಯಾಪ್ರ ಬರ್ಲ.

⁴ ಮಾಜ಼ ಶಿಕ್ಷೆನ್ ವ್ಹವುನಿ ಬುಲಿವ್ಹವುನಿ ಲೊಕಾನಾ ಜು಼ಲ್ಮಿಕರ್ತ್ಯಾಲ ಗಿನ್ಯಾನ್ಯಾಚಾ ಸಬ್ದಾಂಚಿವ ಆದಾರ್‌ನವ್ತಾ. ಫನ್ ಪವಿತ್ರಾತ್ಮಾನಿ ದಿಲ್ಯಾಲ ಬಳುಸ್ ಮಾಜಾ ಶಿಕ್ಷಾನಾಲಾ ಆದಾರ್‌ ಜಾ಼ಲ್ತ.

⁵ ತುಮ್‍ಚಾ಼ ಇಸ್ವಾಸ್ ಮಾನ್ಸಾಚಾ ಗಿನ್ಯಾನಾವ ಆದಾರ್ ವ್ಹಯಾಚೆ ಆಂದಿ ದೇವಾಚಾ ಬಳಾವ ಆದಾರ್ ವ್ಹಯಾವ್ಹಯಿ ಮನ್ಹುನ್ ಮೀ ಆಸ ಕೆಲ.

ದೇವಾಚ಼ ಗಿನ್ಯಾನ್

⁶ ಫನ್ ಶಾನ್ಯಾಂಚೆ ಮದ್ದಿ ಗಿನ್ಯಾನುಸ್ ವ್ಹಯಿ ಜಾ಼ಲ್ಯಾಲ್ಯಾ ಬೊಲ್ಯಾ ಸಾಂಗ್ತಾವ. ತ್ಯ ಹ್ಯಾ ಲೊಕಾತ್ಲ ಗಿನ್ಯಾನ್ ನವ್ಹ, ನಾಸ್ ವ್ಹನಾರ‍್ಯಾ ಹ್ಯಾ ಲೊಕಾತ್‌ಲ್ಯಾ ಅದಿಕಾರ‍್ಯಾಂಚ಼ ಗಿನ್ಯಾನ್ ನವ್ಹ.

⁷ ಆಜು಼ನ್ಪರ‍್ಯಾತ್ ದಡುನ್ ಆಸಲ್ಯಾಲ ಸಾಂಗತಾನಾ ದೇವಾಚ಼ ಗಿನ್ಯಾನುಸ್ ಸಾಂಗತಾವ್. ತ್ಯ ಕಚ಼ ಮಂಜೆ ದೇವಾನಿ ಆಮಚೆ ಮರೆದಿ ಸಾಟಿ ದುನ್ಯಾ ಉತ್ಪನ್‍ವ್ಹಯಾಚೆ ಆಂದಿಸ್ ಥರ್ವುನ್ ದಡಿವ್‍ಲ್ಯಾಲ್ಯಾ ದೇವಾಚಾ ಗಿನ್ಯಾನಾಚಿ ಗುಠುಸ್ ಜಾ಼ಲೆ.

⁸ ಹ್ಯ ಹ್ಯಾ ಲೊಕಾತಲ್ಯಾ ಅದಿಕಾರ‍್ಯಾನಾ ಕುನಾಲಾ ಸಮಾಜ಼ಲ ನವ್ತ; ಸಮಾಜ಼ಲ ಆಸ್ತತ ತೇ ಮೈಮಾ ಆಸಲ್ಯಾಲ್ಯಾ ಪ್ರಭುಲಾ ಶಿಲ್ಬೆವ ಗಾಲಾಯಾ ಲಾವಿತ್ನವ್ತ;

⁹ ಫನ್ ದೇವಾಚಾ ವಚ಼ನಾತ್ ಲಿವಲ್ಯಾಶಾರ್ಕ, “ದೇವಾನಿ ಆಪ್ಲಿ ಮಾಯಾ ಕರ್ತ್ಯಾಲ್ಯಾಂಚಿಸಾಟಿ ತಯಾರ್ ಕೆಲ್ಯಾಲ ಸಗ್ಳ ಡೊಳ್ಯಾನಾ ದಿಸ್ಲನಾಹಿ, ಕಾನಾನಾ ಐಕ್ವಾಲನಾಹಿ, ತ್ಯಚಿ ಬಾವ್ನಾ ಮಾನ್ಸಾಚಾ ಮನಾಸ್ ಲಾಗ್ಲಿ ನಾಹಿ.

¹⁰ ಆಮಾನಾತರಿ ದೇವಾನಿ ಆಪ್‍ಲ್ಯಾ ಆತ್‍ಮ್ಯಾನಿ ತ್ಯ ದಾವುನ್ದಿಲ. ತ್ಯೊ ಆತ್ಮ ಸಗ್‌ಳ್ಯಾ ಖಬರಿ, ದೇವಾಚಾ ಆತ್‌ಲ್ಯಾ ಖಬರಿಸಾಹಿತ್ ಜ಼ಪುನ್ ಬಗ್ನಾರಾ ಜಾ಼ಲ್ಯಾ.

¹¹ ಮಾನ್ಸಾಚೆ ಆತ್ಲ ಯವಜ಼್ನಾ ತ್ಯಚಿಪ ಆಸ್‌ಲ್ಯಾಲ್ಯಾ ಮಾನುಸ್ ಫನಾಲಾ ಸುಡುನ್ ಆನಿಕುನಾಲಾ ಸಮಾಜ಼್ನಾರ್? ತಸಸ್ ದೇವಾಚಿ ಯವಜ಼್ನಾ ದೇವಾಚಾ ಆತ್‌ಮ್ಯಾಲಾ ಸುಡುನ್ ದಿಸರ‍್ಯಾ ಕುನಾಲಾಸ್ ಸಮಜಾ಼ಯಾ ವ್ಹಯಿತ್ ನಾಹಿತಾ.

¹² ಆಮಿ ಹ್ಯಾ ಲೊಕಾಚ಼ ಆತ್ಮ ಗಿಹ್ಯಾಚ಼ ಸುಡುನ್ ದೇವಾನಿ ಆಮಾನಾ ಫುಕಟ್ದಿಲ್ಯಾಲ ವರ ಸಮಜಾ಼ಯಾ ದೇವಾಪ್ನಿ ಆಲ್ಯಾಲ ಆತ್ಮಸ್ ಗೆತಲ್ಯಾಲಿ ಜಾ಼ಲ್ಯಾವ್.

¹³ ಹಿ ಮಾನ್ಸಾಚ಼ ಗಿನ್ಯಾನಾನಿ ಸಿಕಿವ್‍ಲ್ಯಾಲ್ಯಾ ಸಬ್ದಾಂಚಾನಿ ಸಾಂಗಾಚ಼ ಸುಡುನ್ ಪವಿತ್ರಾತ್ಮಾನಿ ಶಿಕಿವಲ್ಯಾಲ್ಯಾ ಸಬ್ದಾಂಚಾನಿ ಸಾಂಗುನ್ ಮನಾತ್ ಆಸಲ್ಯಾಲಿ ಚಾ಼ಂಗ್ಲೆ ತರನಿ ಸಿಕಿವ್ತಾವ್.

¹⁴ ಪ್ರಪಂಚಾತ್ಲಾ ಜಾ಼ಲ್ಯಾಲಾ ಮಾನುಸ್ ದೇವಾಚಾ ಆತ್‌ಮ್ಯಾಚಾ ಗುಸ್ಟಿ ನಕೊಮಂತೊ; ತ್ಯಾ ತ್ಯಲಾ ಖುಳೆ ಬುಲಿಚೆಗತ್ ದಿಸತ್ಯಾತಾ; ಆನಿ ತ್ಯೊ ತ್ಯ ಮಾನಿತ್ ನಾಹಿ.

¹⁵ ದೇವಾಚಾ ಆತ್‌ಮ್ಯಾನಿ ಚಾ಼ಲ್ವುನ್ಗೆನಾರಾ ಸಗ್‌ಳ್ಯಾಂಚಿ ಪಾರಕ್ ಸಮಜು಼ನ್ಗೆತೊ;ತ್ಯಚಿ ಪಾರಕ್ ಕುನಾಲಾ ಕರುನ್ ಗಿಹ್ಯಾ ವ್ಹಯಿತ್ ನಾಹಿ.

¹⁶ “ಪ್ರಭುಚ಼ ಮನ್ ಸಮಜು಼ನ್ ತ್ಯಲಾ ಶಿಕಿವ್ನಾರಾ ಕೊನ್ ತ್ಯಲಾ? ಮನ್ಹುನ್ ಲಿವಲ್ಯಾ. ಆಮಿತರಿ ಕ್ರಿಸ್ತಾಚ಼ ಮನ್ ಗೆತಲ್ಯಾ.