1 ಕೋರಿಂಥ್ 15 - ದೆವಾಚಿ ಖರಿ ಕಬರ್ ನವಾ ಕರಾರ್

ಕ್ರಿಸ್ತಾಚ಼ ಪುನರುಥಾನ್

¹ ಬನ್ಹಿ ಬಾವ್ಹಾನು, ಮೀ ತುಮಾನಾ ಸಾಂಗ್‌ಲ್ಯಾಲಿ ಬರಿ ಖಬರ್ ತುಮ್ಚೆ ಯದತ್ ಆನ್ತೊ; ತುಮಿ ತೀ ವ್ಹಯ್ ಮನ್ಹುನ್ ಗಿವ್ಹುನ್, ತ್ಯಾತ್ ಉಬಿಹಾಸಾ.

² ಮೀ ತುಮಾನಾ ಸಾಂಗ್‌ಲ್ಯಾಲಿ ಬರಿ ಖಬರ್ ತುಮಿ ಘಟ್ ದರುನ್ ರಾಯ್‌ಲ್ಯಾವ ತುಮಾನಾ ರಕ್ಶನ್ ವ್ಹನಾರ್. ನಾಹಿತ ತುಮಚಾ಼ ಇಸ್ವಾಸ್ ಪುಖಟ್ ವ್ಹನಾರ್.

³ ಮೀ ಆಂದಿ ಸಾಂಗ್‌ಲ್ಯಾಲ್ಯಾ ಗುಶ್ಟಿತ್ ಪಾಯ್ಜೆ ಆಸ್‌ಲ್ಯಾಲಿ ಗ್ಯೊಶ್ಟುಸ್ ತುಮಾನಾ ಸಾಂಗ್ಲೆ ತೀ ಕ್ಯಾ ಮನ್‌ಲ್ಯಾವ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಚೆಗತ್ ಪ್ರಭು ಆಮ್ಚಾ ಪಾಪಾಂಚೆಸಾಟಿ ಮೆಲಾ;

⁴ ಪುರ್ಲಾ; ಧರ್ಮಶಾಸ್ತಾರಾಚೆಗತುಸ್ ತಿನ್ವೆ ದಿಸಿ ಉಟಿವ್ಲಾ.

⁵ ನಂತರ್ ಪೇತ್ರಾಲಾ ಆನಿ ತ್ಯಚಾ ಬಾರಾ ಜಾ಼ನ್ ಅಪೊಸ್ತಲಾನಾ ದಿಸ್ಲಾ.

⁶ ನಂತರ್ ಯಂಗ್ದಾಸ್ ಪಾಚೆವ್ನಿ ಖುಬ್ ಲೊಕಾನಾ ದಿಸ್ಲಾ. ಹ್ಯಾತ್ ಖುಬ್ ಜಾ಼ನ್ ಆಜು಼ನ್ ಜೀವ್ನಾ ಕರಿತ್ ಹಾತ, ಫನ್ ತುಡಿಜ಼ನ ಮೆಲ್ಯಾತ.

⁷ ನಂತರ್ ತ್ಯೊ ಯಾಕೊಬಾಲಾ ಆನಿ ಸಗ್‍ಳ್ಯಾ ಅಪೊಸ್ತಲಾನಾಬಿ ದಿಸ್ಲಾ.

⁸ ಫನ್ ಸೆವಟಚ಼ ದಿಸ್ ಬರ‍್ಹಾಚೆ ಆಂದಿ ಜ಼ಲಾಮ್‌ಲ್ಯಾಲ್ಯಾ ಬಾಳಾಚೆಗತ್ ಆಸ್‌ಲ್ಯಾಲ್ಯಾ ಮನಾಬಿ ತ್ಯೊ ದಿಸ್ಲಾ.

⁹ ಮೀತರಿ ಅಪೊಸ್ತಲಾಂಚಾತ್ ಖಾಲಸಾ; ಮೀ ದೇವಾಚೆ ಸಬೆಲಾ ತರಾಸ್ ದಿಲ್ಯಾಲಾ ಮನ್ಹುನ್ ಅಪೊಸ್ತಲ್ ಮನ್ಹುನ್ ಗಿಹ್ಯಾ ಲಾಯಿಕ್ ನಾಹಿ.

¹⁰ ಫನ್ ಮೀ ಆತಾ ಕಸ್ಲಾ ಹಾ ತ್ಯೊ ದೇವಾಚೆ ಕ್ರಪೆನಿಸ್ ಆನಿ ತ್ಯಚಿ ಕ್ರಪಾ ಮಾಜಿಪ ಪುಕಟ್ ಜಾ಼ಲಿನಾಹಿ. ಮೀ ತ್ಯಂಚಿವ್ನಿ ಲ ಖಟ್ಪಟ್ ಕಿಲಿ. ಫನ್ ಕಟ್ಪಟ್ ಕೆಲ್ಯಾಲಾ ಮಿ ನವ್ಹ, ಮಾಜೆ ಸಂಗ್ನಿ ಆಸ್‌ಲ್ಯಾಲಿ ದೇವಾಚಿ ಕ್ರಪಾಸ್.

¹¹ ಮನ್ಹುನ್ ಮೀ ನಾಹಿತ ತ್ಯಂಚಾನಿ ವ್ಹವ್ಹುನಿ, ಆಸಿಸ್ ಬರಿ ಖಬರ್ ಸಾಂಗ್ಲೆ; ತಿಚಿವ ತುಮಿ ಇಸ್ವಾಸ್ ಥೆವ್ಲಾಸಾ.

ಮೆಲ್ಯಾಲಿ ಜಿತ್ತಿ ವ್ಹಯಾಚ಼

¹² ಪ್ರಭು ಮೆಲ್ಯಾಲ್ಯಾತ್ನಿ ಉಠ್‌ಲ್ಯಾ ಮನ್ಹುನ್ ಸಾಂಗ್‌ತ್ಯಾಲ್ಯಾತ್, ತುಮ್ಚಾತ್ಲಿ ಥುಡಿ ಮೆಲ್ಯಾಲಿ ಜಿತ್ತಿ ವ್ಹಯಿತ್ನಾಹಿತ ಮನ್ಹುನ್ ಸಾಂಗಾಚ಼ ತರಿ ಕಸ?

¹³ ಮೆಲ್ಯಾಲಿ ಜಿತ್ತಿ ವ್ಹಯಿತ್ನಾಹಿತ ಮನ್ಹುನ್ ಖರ ಜಾ಼ಲ್ಯಾವ ಪ್ರಭು ಸಾಯಿತ್ ಉಠುನ್ ಆಲಾ ನಾಹಿ.

¹⁴ ಪ್ರಭು ಉಠುನ್ ಆಲ್ಯಾ ನಸ್‌ಲ್ಯಾವ ಆಮಚ಼ ಸಾಂಗ್ನ ಫುಕಟ್ ಆನಿ ತುಮ್‍ಚಾ಼ ಇಸ್ವಾಸ್ ಸಾಯಿತ್ ಫುಕಟ್ ಜಾ಼ಲ್ಯಾ.

¹⁵ ಯವ್ಡಸ್ ನವ್ಹ ಮೆಲ್ಯಾಲಿ ಉಟುನ್ ಯನಾರ್ ನಾಹಿತ ಮನ್ಹುನ್ ಖರ ಜಾ಼ಲ್ಯಾವ ದೇವಾನಿ ಪ್ರಭುಲಾ ಉಠಿವ್ಲಾಸ್ ನಾಹಿ; ಉಟಿವಲ್ಯಾ ಮನ್ಹುನ್ ವಳಕ್ ದಿಲ್ಯಾಲ ಆಮಿ ದೇವಾಚೆ ಗುಶ್ಟಿತ್ ಲಬಾಡ್ ವಳಕ್ ಸಾಂಗ್‌ತ್ಯಾಚೆಗತ್ ದಿಸಾವ.

¹⁶ ಮೆಲ್ಯಾಲಿ ಉಟುನ್ ಆಲ್ಯಾ ನಸ್‌ಲ್ಯಾವ ಪ್ರಭು ಸಾಯಿತ್ ಉಟುನ್ ಆಲಾನಾಹಿ.

¹⁷ ಪ್ರಭು ಉಟುನ್ ಆಲಾ ನಸ್ತಾತ ತುಮಚಾ಼ ಇಸ್ವಾಸ್ ಉಗಸ್ ಜಾ಼ಲ್ಯಾ, ತಸಸ್ ತುಮಿ ಆಜು಼ನ್ ತುಮ್ಚಾ ಪಾಪಾತ್ನಿಸ್ ಹಾಸಾ.

¹⁸ ಹ್ಯ ತ್ಯವ್ಡಸ್ ನವ್ಹ ಪ್ರಭುಪ ಮೆಲ್ಯಾಲಿ ಹಾಳ್ ಜಾ಼ಲಿತ ಮನ್ಹುನ್ ಆರ್ಥ.

¹⁹ ಪ್ರಭುಪ ಆಮಾನಾ ಆಸ್‌ಲ್ಯಾಲಿ ಆಶಾ ನಿಸ್ತಿ ಹ್ಯಾ ಜಿವ್ನಾ ಸಾಟಿ ತ್ಯವ್ಡಿಸ್ ಆಸ್ಲಿತ ಆಮಿ ಖೊಟ್ಯಾ ನಸಿಬಾಚ಼ ವ್ಹನಾರ್.

²⁰ ಫನ್ ಪ್ರಭು ಮೆಲ್ಯಾಲ್ಯಾತ್ನಿ ಉಠುನ್ ಆಲ್ಯಾಲ್ಯಾತ್. ಪೈಲ ಪಳ್ ಜಾ಼ಲಾ.

²¹ ಮಾನ್ಸಾಸ್ ಲಾಗುನ್ ಮರಾನ್ ಆಲ ಮನ್ಹುನ್, ಮಾನ್ಸಾಸ್ ಲಾಗುನುಸ್ ಮೆಲ್ಯಾಲ್ಯಾನಾ ಜೀವ್ ಗಾವಲ್ಯಾ.

²² ಆದಾಮಾಸ್ ಲಾಗುನ್ ಸಗ್ಳಿ ಮೆಲ್ಯಾಲಿ ಜಾ಼ಲಿತ ತಸಿಸ್ ಯೇಸು ಕ್ರಿಸ್ತಾಪ್ನಿ ಸಗ್ಳಿ ಜಿವಂತ್ ಉಟ್ಲಿತ.

²³ ಫನ್ ಪರ್ತೆಕ್ ಜಾ಼ನ್ ಆಪ್ಲೆ ಪಾಳಿನಿ ಉಟುನ್ ಯನಾರ್. ಪ್ರಭು ಪೈಲ ಫಳ್ ಜಾ಼ಲಾ; ನಂತರ್ ಪ್ರಭುಚಿ ತ್ಯಚಾ ಯನ್ಯಾಲಾ ಜಿಥಿ ವ್ಹವುನ್ ಉಟುನ್ ಯನಾರ್.

²⁴ ನಂತರ್ ತ್ಯೊ ಸಗ್ಳಾ ಅಧಿಕಾರ್, ಸಗಳ್ಯಾ ಆಜ್ಞಾ ಆನಿ ಬಳ್ ನಾಸ್ ಕರುನ್ ಬಾ ದೇವಾಪ ರಾಜೆ ಒಪ್ಸುನ್ ದೆತಾನಾ ಸಮಾಪ್ತಿ ವ್ಹನಾರ್.

²⁵ ಕಾ ಮಂಜೆ ದೇವ್ ಸಗ್‍ಳ್ಯಾ ವಾದಿನಾ ಆಪ್‌ಲ್ಯಾ ಪಾಯಾಚೆ ಖಾಲ್ ಗಾಲಿ ಪರ‍್ಯಾತ್ ಕ್ರಿಸ್ತಾನಿ ರಾಜ಼್ಬಾರ್ ಕರಾಯಾವ್ಹಯಿ.

²⁶ ನಾಸ್ ವ್ಹನಾರಾ ಸರ್ತಾ ವಾದಿ ಮರಾನ್ ಜಾ಼ಲ್ಯಾ.

²⁷ “ದೇವಾನಿ ಸಗ್ಳ ತ್ಯಚಾ ಪಾಯಾತ್ ಗಾಲುನ್ ತ್ಯಲಾ ದಿಲ್ಯಾ. ” ಫನ್ ಸಗ್ಳ ತ್ಯಲಾ ದಿಲ್ಯಾ” ಮನ್ಹುನ್ ಸಾಂಗ್ತಾನಾ ಸಗ್ಳ ದೆನಾರಾ ತ್ಯಾತ್ ಮಿಳುನ್ ನಾಹಿ ಮನ್ಹುನ್ ಠಾವ ಹಾ.

²⁸ ಸಗ್ಳ ತ್ಯಚ಼ ಜಾ಼ಲ್ಯಾ ನಂತರ್ ಲೆಕಾನಿ ಸಗ್ಳ ಆಪ್‌ಲ್ಯಾಲಾ ದಿಲ್ಯಾಲ್ಯಾಲಾ ಆಪ್ನುಸ್ ವಪ್ಸುನ್ ದೆನಾರ್; ಆಸಾ ದೇವುಸ್ ಸಗ್‌ಳ್ಯಾಂಚಿವ ಸಗ್ಳೆ ತರನಿ ರಾಜ್‍಼ಭಾರ್ ಚಾ಼ಲಿವ್ನಾರ್.

²⁹ ಮೆಲ್ಯಾಲಿ ಜಿತ್ತಿ ನಾಹಿ ಜಾ಼ಲ್ಯಾವ ಮೆಲ್ಯಾಲ್ಯಾಂಚೆ ಸಾಟಿ ಬಾಪ್ತಿಸ್ಮಾ ಗೆನಾರಿ ಕ್ಯಾ ಕರ್ನಾರ್? ಮೆಲ್ಯಾಲಿ ಉಟುನ್ ಯನಾರುಸ್ ನಾಹಿತ ತ್ಯ ಖರ ಜಾ಼ಲ್ಯಾವ ಕಾ ತ್ಯಂಚಿಸಾಟಿ ಬಾಪ್ತಿಸ್ಮಾ ಗೆತ್ಯಾತ.

³⁰ ಆಮಿ ಸಾಯಿತ್ ಕಾ ಪರ್ತೆಕ್ ಯಳಿ ಅಪಾಯಾತ್ ಹಾವ್?

³¹ ಬನ್ಹಿ ಬಾವ್ಹಾನು ಮಿ ತುಮಾನಾ, ಆಮ್ಚಾ ಪ್ರಭು ಯೇಸು ಕ್ರಿಸ್ತಾಪ ತುಮ್ಚಿಸಾಟಿ ಮನಾ ಆಸ್‍ಲ್ಯಾಲೆ ಮರೆದಿಸ್ ಲಾಗುನ್ ಮೀ ಖಾಯಿಮ್ ಮರ್ತ್ಯೊ ತ್ಯ ಖರ ಮನ್ಹುನ್ ಸಾಂಗ್ತೊ.

³² ಮೀ ಎಫೆಸಾತ್ ಜ಼ನಾವಾರಾ ಸಂಗ ಲಡಾಯಿ ಕೆಲ್ಯಾಲಿ ಖಾಲಿ ಮಾನ್ಸಾಂಚಿಸಾಟಿ ಜಾ಼ಲ್ಯಾವ ಮನಾ ಕ್ಯಾ ಪ್ಯಾಯ್ದಾ? ಮೆಲ್ಯಾಲಿ ಉಠುನ್ ಯನಾರ‍್ನಾಹಿತ ತ, “ಆಮಿ ಖಾವುನ್, ಪಿವುನ್, ಸಕಾಳ್ ಆಮಿ ಮರ್ನಾರ್ ನವ್ಹ. ”

³³ ಫಸುನಕೊಸಾ; “ಬುರ್ಸಿ ಸಂಗತ್ ಚಾ಼ಂಗ್ಲಿ ಚಾ಼ಲ್ನುಕ್ ನಾಸಿವ್‍ತ್ಯಾತ. ”

³⁴ ಚಾ಼ಂಗ್ಲಿ ಯವಜ್ನಾ಼ ಕರಾ! ನೀಯತಿಚ಼ ವ್ಹವುನ್ ಜಾ಼ಗ್ರುತ್ ರಾವ್ಹಾ. ಪಾಪ್ ಕರುನಕೊಸಾ. ಥೊಡ್ಯಾನಾ ದೇವಾಚೆ ಗುಶ್ಟಿತ್ ಗಿನ್ಯಾನುಸ್ ನಾಹಿ; ತುಮಾನಾ ಲಾಜ಼್ ಯವುನಿ ಮನ್ಹುನ್ ಹ್ಯ ಸಾಂಗ್ತೊ.

ಜಿತ್ತ ವ್ಹವುನ್ ಆಲ್ಯಾಲ ಶರೀರ್

³⁵ “ಮೆಲ್ಯಾಲಿ ಪರ್ತುನ್ ಜೀತಿ ಕರಾಯಾ ಕಸ ವ್ಹನಾರ್? ಕಸ್‌ಲ್ಯಾ ಶರೀರಾನಿ ಯತ್ಯಾತ? ಮನ್ಹುನ್ ಕೊನ್ ತರಿ ಇಚಾರಿಲ್.

³⁶ ಬುದ್ದಿ ನಸ್‌ಲ್ಯಾಲ್ಯಾ ಖುಳ್ಯಾ; ತು ಪೆರ್ಲ್ಯಾಲ ಬಿ ಮೆಲ ನಾಹಿತ, ತ್ಯ ಇರ್ಡಲ್ ಕ್ಯಾ? ನಾಹಿ.

³⁷ ಬಗ್; ಯೆಕ್ ವೆಳಿ ಗವ್ಹಾಚಾ಼ ದಾನಾ ವ್ಹವ್ಹುನಿ ದುಸ್ರ ಕಸ್ಲತ್ಯ ಬಿ ವ್ಹವ್ಹುನಿ ಪೆರ್ತಾನಾ ನಿಸ್ಥ ದಾನ ಸುಡುನ್ ಮೊರ್ಹ ಇರಾಡತ್ಯಾಲ ಡಾಳ ಪಿರಿತ್ ನಾಹಿತ.

³⁸ ಫನ್ ದೇವಾನಿ ಆಪ್‍ಲ್ಯಾ ಮನಾಚೆಗತ್ ತ್ಯಲಾ ಶರೀರ್ ದೆತೊ. ಯಕಾ ಯಕಾ ಬ್ಯಾಲಾಬಿ ತ್ಯಚಿಜೊ಼ಗ ಶರೀರ್ ದೆತೊ.

³⁹ ಸಗ್ಳಿ ಆಂಗ ಯೆಕುಸ್ ತರಚಿ ನವ್ಹತ; ಮಾನ್ಸಾಚ಼ ಶರೀರ್ ದುಸ್ರ, ಜ಼ನಾವಾರಾಚ ಶರೀರ್ ದುಸ್ರ, ಪಾಕ್ರಾಂಚ಼ ಶರೀರ್ ದುಸ್ರ, ಮಾಶಾಂಚ಼ ದುಸ್ರ.

⁴⁰ ಯವ್ಡಸ್ ನವ್ಹ ಸ್ವರ್ಗಾಚಿ ಶರೀರ್ ಹಾತ, ಹ್ಯಾ ಲೊಕಾಚಿ ಶರೀರ್ ಹಾತ, ಫನ್ ಸ್ವರ್ಗಾಚಾ ಶರೀರಾಂಚಿ ಮೈಮಾ ದುಸ್ರಿ, ಹ್ಯಾ ಲೊಕಾಚಾ ಶರೀರಾಂಚಿ ಮೈಮಾ ದುಸ್ರಿ.

⁴¹ ದಿಸಾಚಾ಼ ಉಜಿಡ್ ಯೆಕ್ ತರನಿ ಜಾ಼ಲಾತ, ಚಾ಼ಂದಾಚಾ಼ ಉಜಿಡ್ ಆನಿ ಯೆಕ್ ತರನಿ, ತಸಸ್ ಚಾನ್ಯಾತ್ನಿಬಿ ಫರಕ್ ಹಾ ಆನಿ ಚಾನ್ಯಾತ್ನಿಬಿ ಉಜಿಡ್ ದುಸ್ರಾ ದುಸ್ರಾಸ್ ಹಾ.

⁴² ಮೆಲ್ಯಾಲಿ ತಸಿಸ್ ಜಿತ್ತಿ ವ್ಹನಾರ್. ಪುರ್ಲ್ಯಾಲಾ ಪುಸುನ್ ಜಾ಼ನಾರ. ಮೆಲ್ಯಾಲ್ಯಾತ್ಲಿ ಜಿತ್ತಿ ವ್ಹನಾರ್.

⁴³ ಅಪಮಾನಾತ್ ಪುರ್ಲ್ಯಾಲಾ, ಮೈಮೆನಿ ಜಿತ್ತಾ ವ್ಹನಾರ್; ಬಳ್ ನಸ್ತಾನಾ ಪುರ್ಲ್ಯಾಲಾ, ಬಳ್ ಗಿವ್ಹುನ್ ಜಿತ್ತಾ ವ್ಹನಾರ್;

⁴⁴ ಪುರ್ಲ್ಯಾಲ ಲೊಕಿಕ್ ಶರೀರ್ ವ್ಹವುನ್ ಪುರ್ಲ, ಮೆಲ್ಯಾಲ್ಯಾತ್ಲಿ ಜಿತ್ತಿ ವ್ಹನಾರ್ ಆತ್ಮಿಕ್ ಶರೀರ್. ಲೊಕಿಕ್ ಶರೀರ್ ರಾಹ್ಯಾಚ಼ ಜಾ಼ಲ್ಯಾವ ಆತ್ಮಿಕ್ ಶರೀರಾತ್ನಿ ಉಠುನ್ ಯನಾರ್.

⁴⁵ “ಪೈಲಾ ಮಾನುಸ್ ಜಾ಼ಲ್ಯಾಲಾ ಆದಾಮ್ ಜೀವ್ ಆಸ್‌ಲ್ಯಾಲಾ ಮಾನುಸ್” ಸೆವಟಚ಼ಾ ಆದಾಮ್ ತರಿ ಜೀವ್ ದೆನಾರಾ ಆತ್ಮ ಜಾ಼ಲಾ. ಮನ್ಹುನ್ ಪವಿತ್ರ ಪುತೀಕಾತ್ ಲಿವ್‌ಲ್ಯಾನವ್ಹ.

⁴⁶ ಆತ್ಮಿಕ್ ಜಾ಼ಲ್ಯಾಲ ಆಂದಿ ಆಲ್ಯಾಲ ನವ್ಹ, ಲೊಕಿಕ್ ಜಾ಼ಲ್ಯಾಲ ಆಂದಿಚ಼; ನಂತರ್ ಆತ್ಮಿಕ್ ಜಾ಼ಲ್ಯಾಲ.

⁴⁷ ಆಂದಿಚಾ ಮಾನಸಾಲಾ ಮಾತಿನಿ ಕೆಲಾ; ತ್ಯೊ ಧರ್ತಿಚಾ಼ ದೊನ್ವಾ ಮಾನುಸ್ ಸ್ವರ್ಗಾತ್ನಿ ಆಲ್ಯಾಲಾ.

⁴⁸ ಕೊನ್ ದರ್ಥಿಚಾ಼ ಹಾ ತ್ಯಲಾ ಮಾತಿನಿ ಜ಼ಲಾಮಲ್ಯಾಲಾ ಕಸ್ಲಾ ಮಾತಿಲಾಸ್ ಸಂಮಂದ್ ಆಸ್ನಾರಿ ತಸಲಿಸ್ ವ್ಹತ್ಯಾತ; ಕೊನ್ ಸ್ವರ್ಗಾತ್ನಿ ಆಲ್ಯಾಲಾ ಹಾ ತ್ಯೊ ಸ್ವರ್ಗಾಚಾ಼.

⁴⁹ ಆಮಿ ಮಾತಿನಿ ಜ಼ಲಾಮ್‍ಲ್ಯಾಲ್ಯಾಚ಼ ರುಪ್ ಗೆತಲ್ಯಾ ಶಾರ್ಕ ಸ್ವರ್ಗಾತ್ನಿ ಆಲ್ಯಾಲ್ಯಾಚ಼ ರುಪ್ ಗೆನಾರ್.

⁵⁰ ಮಾಯೆಚಾ ಬನ್ಹಿ ಬಾವ್ಹಾನಿ, ಮೀ ಸಾಂಗಚ಼ ಕ್ಯಾ ಮಂಜೆ, ರಗಾತ್ ಮಾಸ್ ದೇವಾಚಾ ರಾಜಾತ್ ಜಾ಼ನಾರ್ ನಾಹಿ; ತಸಸ್, ಪುಸುನ್ ಜಾ಼ನಾರ‍್ಯಾಲಾ ನಾಸ್ ವ್ಹವುನ್ ಜಾ಼ತ್ಯಾಲ ನಾಸ್ ವ್ಹಯಿ ನಸ್‌ಲ್ಯಾಲ್ಯಾತ್ ಮಿಸ್ಳತ್ ನಾಹಿ.

⁵¹ ಬಗಾ! ಆಜು಼ನ್ ಪರೆತ್ ಚು಼ರುನ್ ಆಸ್‌ಲ್ಯಾಲ್ಯಾ ಗುಶ್ಟಿ ಮೀ ತುಮಾನಾ ಸಾಂಗ್ತೊ, ಆಮಿ ಸಗ್ಳಿ ಮರ್ನಾರ್ ನಾಹಿ, ಬದಾಲ್ನಾರ್.

⁵² ಸರ್ತೆ ತುತ್ತುರಿಚಾ಼ ಆವಾಜ಼್ ಯತಾನಾ, ಚಾ಼ಟಕ್ಯಾನ್, ಪಾಪ್ನಿ ಹಲಾಚೆ ಆಂದಿ ಆಮಿ ಸಗ್ಳಿ ಬದಾಲ್ನಾರ್. ವ್ಹಯ್, ತುತ್ತೂರಿ ಐಕುಯವುನ್ ಶಾಶ್ವತ್ ಜಿವಾಸಾಟಿ ಮೆಲ್ಯಾಲಿ ಪರ್ತುನ್ ಉಟ್ನಾರ್, ಆಮಿ ಬದಾಲ್ನಾರ್.

⁵³ ನಾಸ್ ವ್ಹತ್ಯಾಲ ಹ್ಯ ಶರೀರ್ ನಾಸ್ ವ್ಹಯಿ ನಸ್‌ಲ್ಯಾಲ ಶರೀರ್ ವ್ಹನಾರ್, ಮರ್ನಾತ್ ಆಸ್‌ಲ್ಯಾಲ ಹ್ಯ ಶರೀರ್ ಮರಾಚೆ ಆಂದಿ ರಾಹ್ಯಾ ವ್ಹಯಿಜಾ಼ಲ್ಯಾ.

⁵⁴ ಹಾಳ್ ವ್ಹನಾರ ಹ್ಯ ಶರೀರ್ ಹಾಳ್ ವ್ಹಯಾಚೆ ಆಂದಿ ರಾನ್ಹಾರ್ ತವಾಮರ್ನಾಚಾ ಹಾತಾತ್ ಆಸಲ್ಯಾಲ ಹ್ಯ ಶರಿರ್ ಶಾಶ್ವತ್ ರಾಯಲ್ಯಾವ ಲಿವಲ್ಯಲ ಸಬ್ದ ಗಡ್ನಾರ್.

⁵⁵ “ಎ! ಮರ್ನಾ ತುಜಿ ಜೀತ್ ಕುಠ? ಎ! ಮರ್ನಾ ತುಜ಼ ಇಸಾಚ಼ ನೆಜ಼ ಕುಠ ಹಾ?

⁵⁶ ಮರನಾಚಾ ಇಸಾಚ಼ ನಿಜ಼ ಪಾಪುಸ್; ಪಾಪಾಲಾ ಧರ್ಮಶಾಸ್ತಾರಾನಿ ಬಳ್ ಗಾವ್ತ.

⁵⁷ ಫನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಜೀತ್ ದೆನಾರ‍್ಯಾ ದೇವಾಲಾ ಖಾಯಿಮ್ ಮೈಮಾ ವ್ಹವುನಿ.

⁵⁸ ಮನ್ಹುನ್, ಬನ್ಹಿ ಬಾವ್ಹಾನು, ಘಟ್ ಮನಾನಿ ರಾವ್ಹಾ ಚಿಂತಾ ನಸ್ತಾನಾ ರಾವ್ಹಾ. ಕಾ ಮಂಜೆ ತುಮಿ ಪ್ರಭುಚೆ ಸೇವೆತ್ ಗೆತ್ಯಾಲಾ ತರಾಸ್ ಉಗಸ್ ವ್ಹಯಿತ್ ನಾಹಿ. ತ್ಯ ಸಮಜು಼ನ್ ಪ್ರಭುಚ಼ ಕಾಮ್ ಖಾಯಿಮ್ ಹಾವ್ಸನಿ ಆನಿ ಖಾಯಿಮ್ ಮನ್ ತೆವುನ್ ಕರ್ನಾರಿ ವ್ಹವಾ.