2Yoh 1 - MKPAMAṄ AMVOE Nouveau Testament en langue Ewondo 2012

Mësugan

¹ Ma nyia-modo-mvia, matil Mkpëgë Elòmò ai bòn boe ya madiṅ a bëbëla, së ki ma etam, dzam da e ba bësë bëngayëm bëbëla,

² asu e bëbëla atoa abë bia, ndò fë ayi tòbò ai bia a kòm ya kòm.

³ Ntotomamaa ai ngòl, ai mvoè ya biasò abë Zamba esya ai abë Yesus Kristus mòn esya a bëbëla ai a ediṅ biayi tòbò ai bia.

Bëbëla ai ediṅ

⁴ Mëngatag abui mbol mëngayen na bòn boe bëziṅ bawulu a bëbëla, e kan bingabi mvende esòò abë tara.

⁵ Ndò hm etoa dzi, masili wa, a mininga, matil ki wa mkpamaṅ mvende, matil wa e mvende bingabi atarigi a mëtari na bidiṅan bia bia.

⁶ Ediṅ enë na biwulu a mëmvende moe. Mvende te enë na miwulu ete anë mingawog a mëtari.

⁷ Amu abui bod mëdugan bëngasò a si-ndon, e ba bamëm ki na Yesus Kristus angasò a minson. E nyòlò te anë mod-minnal, atoa fë nziziṅ-Kristus.

⁸ Boan okala na të miadzèè e dzi mingasye, dzam da na mibëlë maan ntud.

⁹ E mod osë ya akë osu, të tòbò a ayëgëlë Kristus, abëlë ki Zamba. E nyò atòbò abë Zamba, abëlë esya ai mòn.

¹⁰ Ngë mod ziṅ asò abë mina të yëgëlë ayegëlë di, të miabëlan ai nyè a mënda maan, të miasug nyè.

¹¹ Amu e nyò asug nyè abëlë ngab ai bëbe mimboan mie.

Mësugan më mvua

¹² Mbol mëbëlë abui mam ya atil mina, mandzëki yi na matil mò a afëb ai nkos, dzam da mafidi na mayi sò abë mina, abog te bikòbò a anyu, mitoa, ma mëtoa, asu yë na mintag mian midzie.

¹³ Bòn bë manyòṅ, mkpëgë, basug wa.