Biblia Todo Logo
Bìoball air-loidhne

- Sanasan -

2Tim 2 - MKPAMAṄ AMVOE Nouveau Testament en langue Ewondo 2012


Mbëmbë man bëzimbi Kristus

1 Mfag woe, a mòn wama, bò nkanga a maa ya anë abë Kristus Yesus.

2 Ndò fë, e mam ya ongawog abë ma a mis më abui bëwusnèt, vaa mò bod bë afidi, mbò bayi bò nkoṅ ya ayëgëlë e bod bëvòg.

3 Nòṅò ngab a mintye anë mbëmbë man bëzimbi Kristus Yesus.

4 Mod ziṅ asëki dzam bò esye bëzimbi, angasaṅan fë ai mam më si, asu yë na abò esye dzie anë ntëbë-osu woe ayi.

5 Ngë mod ziṅ anë a bivoe ya bod bavëgan a mbil, asëki dzam dò ngë abò të voe anë mëmvende mayi.

6 Layean na e mod awòbò ndzug a asye afub, atari bi ngab a mëkoe ya ete.

7 Otoan wog e dzam madzo di. Amu Nti ayi wa vë fëg ya awog a dzam asë.

8 Otsogo Yesus Kristus ya anë nkuan a bëkon, mod ya mvòṅ David, akyaè mbëmbë foe wama adzo,

9 asu te madzugi mintye, mëbëgë ben mësuṅ anë ezilngan dzam da, ebug Zamba etii ki a mësuṅ.

10 Asu te madzibi mësë asu e bod bënë ntòban, asu yë na bò fë bëbi akode ya anë abë Kristus Yesus ai mintag mi kòm.

11 Ebug enë bebela. Amu ngë bingawu fufulu, biayi fë nyiṅ fufulu.

12 Ngë biadzibi, biayi fë bëlë edzoe minkukuma ai nyè. Ngë bisie nyè, nyè fë ayi bia sie.

13 Ngë biasëki bod bë afidi, nyè alaṅan të mod afidi, amu asëki dzam sie emen.


E kan mod-bisye badiṅ

14 Otsogo bò e mam ma, otoan bò kad a ngëëṅ a mis më Zamba na të bawoman, nala wasëki ai mfi, nala wabò hë na e bod bawog mam mëte bëdzèè fëg.

15 Luman fò ai ngul na obò zingi a mis më Zamba, mbò-esye ya abëlë akalëga osòn, akada ebug bëbëla a kpaam.

16 Saala e bod bayëm ki Zamba, a bakòbò evoe nkòbò. Amu bayi kë ai ebyandi Zamba dzaban osu,

17 ayëgëlë daban layi diiban anë fol yadi mod nyòl. Imeneus ai Filetus bënë bod ya ete,

18 mbò bënë a ndimi mfag ya bëbëla, badzo na akui-lë-sòṅ a bòban ya, ndò fë badzugulu ṅyëbë bod bëziṅ.

19 Tò të nala, ngul ya tin mfim Zamba etëlë, ebëlë e ndëm nyi na: Nti ayëm e bod boe, ai na e mod osë aloe dzoe Nti asaala nkòt.

20 A mod nda, së ki hë byem bi mvòt ai silba mbiè binë ete, byem bi ele ai ekòn binë fë we, bivòg bitoa asu olugu, e bi bivòg asu zëzë mam.

21 Ngë mod ziṅ amana hm wòbò mfuban a e mam ma, ayi bò dzam olugu, mfuban, atoa ai esya nda mfi, atoa nkomëzan asu abëṅ dzam asë.

22 Otubu e kan miṅyian binanga bibëlë, odzëṅë hë mëkyëbë, ṅyëbë, ediṅ, mvoè ai e bod baloe Nti ai nnëm mfuban.

23 Osaala mintsogan mëkud, a miayëm ki dzom, oyëmë na kan mintsogan te yabye bitòm.

24 Mbò-esye Nti ayean ki bò bitòm, ayean bò evovoe ai bësë, ayëmëṅë yëgëlë, adzibigi,

25 ayëgëlë e bod badoan ai nyè ai evovoe nnëm, kamëna Zamba avëṅan bò nnëm, bëyëm bëbëla,

26 bëngadugan kë sòṅ a mëlam më Satan a mvus yë na angabi ya bò na bëbò ṅyian woe.

MKPAMAṄ AMVOE Nouveau Testament en langue Ewondo © Bible Society of Cameroon, 2012.

Bible Society of Cameroon
Lean sinn:



Sanasan