Genesis 36 - Jiñi Tsiji' bʌ Wen T'añ cha'añ Estudio

I p'olbalob Esaú

¹ Jiñobʌch i p'olbal Esaú, am bʌ i cha'chajplel i c'aba' ti Edom.

² Esaú tsi' pʌyʌ ca'bʌl i yijñam ch'oyolo' bʌ ti Canaán: Jiñʌch Ada i yalobil bʌ Elón jiñi heteo; yic'ot Aholibama i yalobil bʌ Aná; jiñi Aná i yalobilʌch Zibeón jiñi heveo.

³ Tsi' pʌyʌ ja'el Basemat i yalobil bʌ Ismael; jiñi Basemat i yijts'iñʌch Nebaiot.

⁴ Ada tsi' yʌc'ʌ ti pañimil Elifaz; Basemat tsi' yʌc'ʌ ti pañimil Reuel.

⁵ Aholibama tsi' yʌc'ʌ ti pañimil Jeús yic'ot Jaalam yic'ot Coré. Jiñobʌch ch'itoñ bʌ i yalobilob Esaú tsa' bʌ i yilayob pañimil ti' lumal Canaán.

⁶ Esaú tsi' pʌyʌ majlel i yijñamob yic'ot ch'itoñ bʌ i yalobilob yic'ot xch'oc bʌ i yalobilob yic'ot pejtelel año' bʌ ti yotot yic'ot pejtelel i yʌlac' yic'ot pejtelel i chu'bʌañ tsa' bʌ i taja ti' lumal Canaán; tsa' majli ti yam bʌ lum cha'añ mi' cʌyob i bʌ yic'ot Jacob i yijts'in,

⁷ come ca'bʌl i chu'bʌañob ti' cha'ticlel, ma'añix mi' mejlelob ti chʌn tem ajñel yic'ot ja'el mach chʌn jasʌlix jiñi lum cha'añ ti' caj ca'bʌl i yʌlac'ob.

⁸ Jiñi cha'añ Esaú o Edom tsa' chumle ti wits i c'aba' Seir.

⁹ Jiñʌch i p'olbalob Esaú i tat bʌ Edom tsa' bʌ chumleyob ti wits i c'aba' Seir,

¹⁰ jiñobʌch iliyi: Elifaz i yalobil Ada i yijñam Esaú; Reuel i yalobil Basemat i yijñam Esaú.

¹¹ I yalobilob Elifaz jiñobʌch: Temán, Omar, Zefo, Gatam yic'ot Cenaz.

¹² Jiñi Timna i majan ijñamʌch Elifaz, i yalobil bʌ Esaú; jiñi Timna tsi' yʌc'ʌ ti pañimil Amalec; jiñobʌch i yalobilob Ada, i yijñam Esaú.

¹³ I yalobilob Reuel jiñobʌch: Nahat, Zera, Sama, Miza; jiñobʌch i yalobilob Basemat i yijñam Esaú.

¹⁴ I yalobilob Aholibama, yam bʌ i yijñam Esaú, x'ixic bʌ i yalobil Aná; jiñi Aná i yalobilʌch Zibeón. Aholibama tsi' yʌc'ʌ ti pañimil Jeús yic'ot Jaalam yic'ot Coré i yalobilob Esaú.

¹⁵ Jiñi yumʌlob loq'uemo' bʌ ti yalobilob Esaú, i yalobilob Elifaz jiñi ascuñʌl bʌ i yalobil Esaú. Jiñi yumʌlob jiñobʌch: Temán, Omar, Zefo, Cenaz,

¹⁶ Coré, Gatam, yic'ot Amalec. Jiñobʌch jiñi yumʌlob tilemo' bʌ ti Elifaz año' bʌ ti' lumal Edom. Jiñobʌch i yalobilob Ada.

¹⁷ I p'olbalob Reuel i yalobil Esaú: Jiñi yumʌlob jiñobʌch: Nahat, Zera, Sama, yic'ot Miza. Jiñobʌch jiñi yumʌlob loq'uemo' bʌ ti' p'olbal Reuel ya' ti' lumal Edom; jiñobʌch i yalobilob Basemat i yijñam Esaú.

¹⁸ I yalobilob Aholibama yam bʌ i yijñam Esaú; jiñi yumʌlob jiñobʌch: Jeús, Jaalam yic'ot Coré; jiñobʌch i yalobilob Aholibama i yalobil Aná, yam bʌ i yijñam Esaú

¹⁹ Jiñobʌch pejtelel i yalobilob Esaú o Edom; yumʌlo' bʌ ti Edom.

²⁰ I p'olbal Seir, jiñi horeo, chumulo' bʌ ti jiñi lum, jiñobʌch: Lotán, Sobal, Zibeón, Aná,

²¹ Disón, Ezer yic'ot Disán. Jiñobʌch yumʌlo' bʌ ti' tojlel horeojob i yalobilo' bʌ Seir ya' ti' lum Edom.

²² I yalobilob Lotán jiñobʌch Hori yic'ot Hemam. Timna jiñʌch xch'oc bʌ i yijts'in Lotán.

²³ I yalobilob Sobal, jiñobʌch: Alván, Manahat, Ebal, Sefo, Onam.

²⁴ I yalobilob Zibeón, jiñobʌch: Aja yic'ot Aná. Jiñi Aná jiñʌch tsa' bʌ i taja tac cuxul bʌ ja' ti jochol bʌ lum che' ba' ora woli i buc'san burro tac i cha'añ Zibeón, i tat.

²⁵ I yalobilob Aná, jiñobʌch: Disón yic'ot Aholibama jiñi xch'oc bʌ i yalobil Aná.

²⁶ I yalobilob Disón, jiñobʌch: Hemdán, Esbán, Itrán yic'ot Querán.

²⁷ I yalobilob Ezer, jiñobʌch: Bilhán, Zaaván yic'ot Acán.

²⁸ I yalobilob Disán, jiñobʌch: Uz yic'ot Arán;

²⁹ jiñi yumʌlob bʌ ti' tojlel horeojob, jiñobʌch: Lotán, Sobal, Zibeón, Aná,

³⁰ Disón, Ezer yic'ot Disán. Jiñobʌch jiñi yumʌlo' bʌ ti' tojlel horeojob año' bʌ ti' lumal Seir.

³¹ Jiñi reyob tsa' bʌ i cha'leyob i yumʌntel ya' ti' lumal Edom che' maxto añobic i rey i yalobilob Israel, jiñobʌch:

³² Bela i yalobil Beor tsi' cha'le i yumʌntel ti Edom, i c'aba' i tejclum jiñʌch Dinaba.

³³ Tsa' chʌmi Bela, che' jiñi tsa' ochi ti' q'uexol Jobab, i yalobil Zera ch'oyol bʌ ti Bosra.

³⁴ Tsa' chʌmi Jobab, tsa' ochi ti' q'uexol Husam ch'oyol bʌ ti' lumal Temán.

³⁵ Tsa' chʌmi Husam, tsa' ochi ti' q'uexol Hadad i yalobil Bedad, tsa' bʌ i mʌlbe Madián ya' ti lum Moab. I c'aba' i tejclum jiñʌch Avit.

³⁶ Tsa' chʌmi Hadad, tsa' ochi ti' q'uexol Samla ch'oyol bʌ ti Masreca.

³⁷ Tsa' chʌmi Samla, tsa' ochi ti' q'uexol Saúl ch'oyol bʌ ti Rehobot am bʌ ti' t'ejl Éufrates.

³⁸ Tsa' chʌmi Saúl, tsa' ochi ti' q'uexol Baal-hanán i yalobil Acbor.

³⁹ Tsa' chʌmi Baal-hanán i yalobil Acbor, tsa' ochi ti' q'uexol Hadar; i c'aba' i tejclum jiñʌch Pau, i c'aba' i yijñam jiñʌch, Mehetabel, x'ixic bʌ i yalobil Matred yic'ot i buts bʌ Mezaab.

⁴⁰ Jiñobʌch i c'aba' tac yumʌlob loq'uemo' bʌ ti' p'olbal Esaú chumulo' bʌ ti jujump'ejl xchumtʌl yic'ot i c'aba' tac jiñi tejclum ba' tsi' cha'leyob i yumʌntel: Timna, Alva, Jetet,

⁴¹ Aholibama, Ela, Pinón,

⁴² Cenaz, Temán, Mibzar,

⁴³ Magdiel, yic'ot Iram. Jiñobʌch yumʌlob loq'uemo' bʌ ti Edom ti jujump'ejl xchumtʌl ya' ba' tsa' chumleyob. Edom jiñʌch Esaú, jiñi cha'añ i tatʌch edomob.