Genesis 10 - Jiñi Tsiji' bʌ Wen T'añ cha'añ Estudio

I p'olbalob i yalobilob Noé

¹ Jiñobʌch i p'olbalob i yalobilob Noé: Sem, Cam yic'ot Jafet; tsi' yilayob pañimil i yalobilob che' ñumeñix but'ja'.

² Jiñobʌch ch'itoñ bʌ i yalobilob Jafet: Gomer, Magog, Madai, Javán, Tubal, Mesec, yic'ot Tiras.

³ I yalobilob Gomer, jiñobʌch: Askenaz, Rifat yic'ot Togarma.

⁴ I yalobilob Javán, jiñobʌch: Elisa, Tarsis, Quitim, Dodanim,

⁵ pejtelel iliyob, jiñobʌch wiñicob x'ixicob tsa' bʌ chumleyob ya' ti ti' tac mar, tsa' pujquiyob majlel ti' chajp ti' chajp yic'ot tsa' majliyob ti' mojt ti' mojt che' bajche' jay chajp mi cha'leñob t'añ.

⁶ Jiñobʌch ch'itoñ bʌ i yalobilob Cam: Cus, Mizraim, Fut yic'ot Canaán.

⁷ I yalobilob Cus, jiñobʌch: Seba, Havila, Sabta, Raama yic'ot Sabteca. I yalobilob Raama, jiñobʌch: Seba yic'ot Dedán.

⁸ Cus jiñʌch i tat Nimrod. Nimrod jiñʌch ñaxan bʌ p'ʌtʌl bʌ wiñic ti pañimil.

⁹ Wen yujil i yajñesʌntel bʌte'el ti' tojlel lac Yum. Jiñi cha'añ mi yʌjlel: “Che' bajche' Nimrod ñuc bʌ x'ajñesa bʌte'el ti' tojlel lac Yum.”

¹⁰ Jiñi ñuc bʌ tejclum tac ba' tsi' cha'le i yumʌntel Nimrod, jiñʌch: Babel, Erec, yic'ot Acad yic'ot Calne am bʌ ti lum i c'aba' Sinar.

¹¹ Che' bʌ tsa' loq'ui ti ili lum tsa' ochi ti Asiria, ya'i tsi' wa'choco Nínive, Rehobot, Cala

¹² yic'ot Resén am bʌ ti ojlil bij che' mi lac loq'uel ti Nínive cha'añ mi lac majlel ti Cala, jiñʌch colem bʌ tejclum.

¹³ Mizraim jiñʌch i tat Ludim, Anamim, Lehabim, Naftuhim,

¹⁴ Patrusim, yic'ot Casluhim, ya' ba' tsa' loq'uiyob filisteojob, yic'ot Caftorim.

¹⁵ Canaán jiñʌch i tat Sidón jiñi ñaxan bʌ i yalobil, yic'ot Het,

¹⁶ yam bʌ i yalobilob jiñobʌch: Jebuseojob, amorreojob, gergeseojob,

¹⁷ heveojob, araceojob, sineojob,

¹⁸ arvadiojob, zemareojob, yic'ot hamateojob. Ti wi'il tsa' pam pujquiyob ti' mojt ti' mojt i p'olbal Canaán.

¹⁹ I lumal cananeojob tsa' tejchi ti Sidón, ya' ti' tojel Gerar c'ʌlʌl ti Gaza; yic'ot ti' tojel Sodoma yic'ot Gomorra, ti Adma, yic'ot ti Zeboim, c'ʌlʌl ti Lasa.

²⁰ Jiñobʌch i yalobilob Cam ti jujunmojt i p'olbal yic'ot ti jujunchajp i t'añob ti jujump'ejl i lumal ba' tsa' majliyob.

²¹ Che' ja'el Sem, i yʌscun Jafet, tsi' yilayob pañimil i yalobilob, jiñʌch i p'olbal pejtelel i yalobilob Heber.

²² I yalobilob Sem jiñobʌch: Elam, Asur, Arfaxad, Lud yic'ot Aram.

²³ I yalobilob Aram, jiñobʌch: Uz, Hul, Geter, yic'ot Mas.

²⁴ Arfaxad jiñʌch i tat Sala. Jiñi Sala jiñʌch i tat Heber.

²⁵ Heber tsi' yilayob pañimil cha'tiquil i yalobilob jiñi ñaxan bʌ tsi' yotsʌbe i c'aba' ti Peleg, come ti jim bʌ q'uiñ tsi' t'oxbeyob i bʌ jiñi lum ti' mojt ti' mojt; jiñi yijts'in jiñʌch Joctán.

²⁶ Joctán jiñʌch i tat Almodad, Selef, Hazarmavet, Jera,

²⁷ Adoram, Uzal, Dicla,

²⁸ Obal, Abimael, Seba,

²⁹ Ofir, Havila, yic'ot Jobab; ti' pejtelelob ili wiñicob jiñobʌch i yalobilob Joctán.

³⁰ Jiñi lum ba' tsa' chumleyob mi' tejchel ti Mesa c'ʌlʌl ti Sefar ba'añ ca'bʌl wits ya' ti' pasibal q'uiñ.

³¹ Jiñobʌch i yalobilob Sem ti jujunmojt yic'ot ti jujunchajp i t'añob yic'ot i lumal tac ba' tsa' p'ojliyob.

³² Jiñobʌch i p'olbal wiñic bʌ i yalobilob Noé ti jujunmojt ti' lumal tac ba' tsa' majliyob. Jiñobʌch tsa' bʌ pam pujquiyob ti pejtelel pañimil che' bʌ tsa' ñumi but'ja'.