ทอางปฆ้า 126 - Northern Pwo Karen Thai Bible

ท ดิ้นี่เก้านี่ ดี๊ ท เซิงฆวี๊งซ้ะโย้

แท๊ซ้ะอวีง เจ่ เว๊ ลู่ง ลี้ทาง ซ้ะอวีงแท๊ น๊างมู๊ง

¹ พี่ กแช่ยาเว เกม๊า ซีโยง โอฌี้โอแอว้ไท้ บี่ซุ้ อ ล่างๆ เฆ้อ ก เก บี่ซุ้ดี๊ โพล้ง พี่ อางมี๊งม่าง เท่อ

² ก นุ้ นี่ นี่งควีนี่งได้ เมาน่าง ดี๊ ก พลี้ นี่ กุ้ซย้ะ ลู่ง ซองลี้ เซิงมึซ้ะมึ เท่อ ฌ้อง นอ โอ ดี๊ ทไคล้ ซกุ้ โละซ้ะ, ลู่ง โพล้ง กุ้ที๊งกุ้ค่าง อ โป้ง พ้า บี่อี้ง “กแช่ยาเว แม้ เอะ อซื๊งเว๊ อ เท่อ อดูอโท๊”

³ กแช่ยาเว แม้ เอะ ก เท่อ ลู่ง อดูอโท๊ เฆ้อ ก โอ ดี๊ ท เซิงมึซ้ะมึ

⁴ จ กแช่ยาเว-เอ้อ, เกม๊าเต้ เฆ้อ ซีงลแพ โอฌี้โอแอว้ไท้ บี่ซุ้ อ ล่างๆ ด้องซุ้ ที๊ง แยว้ล้าง อ กยองล่าง ลู่ง เนเกะ พ้า

⁵ โพล้ง พี่ ฆวีงล้าง เท่อ ดี๊ เมะที๊ง นอ ม นี่ ดิ้นี่เก้านี่ เว๊, ดี๊ อ ลู่ง ซองลี้ เซิงมึซ้ะมึ เท่อ

⁶ โพล้ง พี่ อ ฌาง ไจทาง ลู่ง อ โฌ๊งทาง ท อ คลี๊ง, บี่ซุ้ ม ฆวีงล้าง เว๊ นอ ม ไท้ อ เด้า ดี๊ อ ลู่ง ซองลี้ เซิงมึซ้ะมึ เท่อ ลู่ง อ เฌ๊ไท้ โฌ๊ง ดี๊ บืงโด ปะ