ทอางปฆ้า 11 - Northern Pwo Karen Thai Bible

แท๊ซ้ะอวีง ลู่ง ทอางกีล้างซ้ะ ดี๊ กแช่แยว้

ท้อง ลู่ง โพล้ง ซ้ะอวีงแท๊ อคู, ดาเว อ เท่อ

¹ จ โอ คุ้ซูง ลู่ง กแช่ยาเว, ฌ้อง แบทเล้?, นซื๊ง ซีงลแพ ม ไคล้ ดี๊ แย้ บี่อี้ง, “เกม๊า ไจไฆวะ ลี้ ลู่ง ทลู่ง คู ด้องซุ้ ทู นอ

² เมะเว๊ แคว่เซ้อ, โพล้งอ้าโพล้งซ๊าง, ไพทาง คลีง ดี๊ แม้นี่ คลีงแช เชทาง เว๊ อ พลี้งล้อง เย้า บี่ซุ้ ม ค้ะฆ้าง เว๊ ทไค้ะซ๊า พ้า, เกม๊า อ แบ โพล้ง พี่ อ เกิ้งอแบ

³ ท อ ฌี่ง คางไท้ะ, เมะ แบ ทแม้เฌ๊ฌ้องไฆวะ เย้า นอ โพล้ง ทแบกแช่แยว้อซ้ะ, ม แม้ ทเม้งเล้ ซี?”

⁴ กแช่ยาเว โอ ลู่ง อ เว่งฮ๊าง พี่ อฌี้อแอว้ พ้า กแช่ยาเว อ ล่างชี๊น้าง โอ ลู่ง ทมุ้คู กแช่แยว้ อ เมะคลี๊ง แคว่ เท่อ, ดี๊ แม้แคว่ดุ้ กโพล้ง กุ้แฌ้ อ ซ้ะ

⁵ กแช่ยาเว แม้แคว่ดุ้ โพล้ง ทแบกแช่แยว้อซ้ะ, ดี๊ โพล้งอ้าโพล้งซ๊าง ซ้ะ ดี๊ กแช่แยว้ แช๊เมะไฌ๊ซ้ะ ดี๊ โพล้ง, พี่ อ เอ ทอชองอจุ้

⁶ กแช่แยว้ ม ลู๊งล้าง ดุ้ โพล้งอ้าโพล้งซ๊าง, ดี๊ มีอีอ้า ดี๊ มีอ้าแพลแช๊ ลี้งเฌ๊ พี่ อ อาง เท่อ นอ, ม เก อเว๊ อ ทนี่แบ ล น้าง

⁷ เมะเว๊ กแช่ยาเว นอ อเกิ้งอแบ, ดี๊ เอ ทไพ้ะทแม้ พี่ ทแบกแช่แยว้อซ้ะ โพล้ง พี่ อโต้อล้อง นอ, ม แด กแช่แยว้ อ เมะ