तीतुस 2 - नोयरी नोवलू नियम

खोरी शिक्षाआ अनुसरण

¹ पोन तू ऐहली गोठी कोईत जे खोरे उपदेशकाआ योग्य होय.

² डाया माहाआ शिक्षण आप का ते नेमस्त अने मापो जे नियंत्रण मिकत्लुके बोनाळीलो, ते जाखोज, विवेकी, प्रेम एने विश्वास यामेहे दृढ अने धैर्य पूर्वक सहनशील उवे.

³ एहला प्रमाणे डायी बुईही पोन हिकडा का ते पवित्र जाहा योग्य अने उत्तम व्यवहार कोअनाऱ्या उवे निंदा कोअनाऱ्या न बनाविलो, तेहलूज जाखो जाखा द्राक्षरस पिहीलोओ सवय तियाहा कायनाहा, तिया हाजी-हाजी गोठी हिकाडनारी जुवे.

⁴ याकोअता जुवान्या आप आपाआ पोऱ्याहा अने डोहाहा प्रेम कोईलाकाजे हिकाडीलो,

⁵ अने सयंमी, पवित्र, आपा-आपीही कोआ देखरेख कोनारी, दयालु, आपाआ माट्योह आज्ञा माननारू ज्याआपोरोत परमेश्वरोओ निंदा न उवे.

⁶ ह्याप्रमाणे जुवान्याहा हिकडा का ते सयंमी बोनाळीलो.

⁷ तुमु स्वतःहा हर एक गोठीमे आदर्श बोणीत,

⁸ एहली सद्वाणीचा वापर को ज्याआ आलोचना (वाईट न गोगे) न कोअयी जायलो यकोअता ताआ विरोध कोनारो लाजवाला उवे काहाके त्याजागे ताआ विरोधाम वाईट कोअला किबी नाहा.

⁹ सेवकोहो हिकडा का ते हर एक गोठीमे आपाआ मालख्यओ आज्ञा पालीत कोईलो तियाहा खुश कोईत रोअलो उलटू मा बुलीही,

¹⁰ चोर चालाखा कोहू कायना पोन आखो विश्वास नियताचा प्रदर्शन कोईलो याकोअता का आमाआ उद्धारकर्ता परमेश्वरोओ संदेशाचा हर एक प्रकाराआ होबा वोडाव.

¹¹ काहाके परमेश्वरोओ कृपा प्रगट होय आखे मांहोओ उद्धारोओ कारण होय.

¹² यावांही आमाहा शिकायलो जोडे का आमू परमेश्वरोओ ऐहिक वासनांना अने सांसारीक इच्छाहा निषेध कोईत एहलो जीवोन जिविलो जो संहार हाजू, भक्तीमेहे पोल्यो अने पवित्र उवे आजे जगमेहे,

¹³ धन्य आशाआ दीहीओ वात पालीत रोहिलो जांहा आमाआ परमेश्वर अने उद्धारकर्ता येशु ख्रिस्ताआ गौरव प्रकट उवे.

¹⁴ तिये स्वतःहा आमा कोअता आप्लु, याकोअता का तो आखे प्रकाराआ अधर्म आमाहा वाचाडयो गोयो अने आपाआ निवाडल्या मांहाहा रुपोमे आपाहा शुद्ध कोईलो, आमाहा जे उत्तम काम कोइला कोअता लालायीत होय.

¹⁵ याआ गोठीही पुरो अधिकाराआ कोअलो, अने होमजीत लेत जा, उत्साहामे कोईत रो अने कोडु ताहू तुच्छ नि जाअहु जुवे.