रोमि 8 - नोयरी नोवलू नियम

पवित्र आत्माआ द्वारा जीवन

¹ ओमे जाहा जो मसीह येशुमेहे होय तियाआ पोओ दंडो आज्ञा नाहा काहाकी ते शरिराआ अनुसार नि सालत्ले पोन आत्मा अनुसार सालत्ले.

² काहाके जीवोन आत्माआ नियमापो मुक्त कोल्यु मसीह येशु मे माहु पाप अने मृत्यु व्यवस्था सी स्वतंत्र कोई देदु.

³ काहाके जे काम नियमशास्त्र डीलो स्वभावा मुळे दुर्बल ओत न कोल्यु गेत्लो देवूही कोल्यु अर्थात स्वतःआ पोऱ्याहा पापी डीलोहोसे देहाने अने आबा हक अते मोक्ल्यीत देहामेहे दंडाज्ञा कोअयी.

⁴ याकोता का व्यवस्था रिती आमापो डीलो सारखे नाहा ताहा आत्माआ नुसार सालतेहे पुरो कोल्यु जालो.

⁵ काहाके डीलो स्वभावाचा माहहू जल्मामेहे आवली गोठीरी मन लागाडीलो लागाडीत आध्यात्मिक आत्मिक गोठीरी मन लागाडीलो लागाडीत.

⁶ डीलो मन लागाडीलो लागडनारो ताहा मरण होय, परंतु आत्मा पोओ मन लागाडीलो लागडनारो ताहा जीव अने शांती टिक कोइलो होय,

⁷ काहाके डीलोपो मन लागाडीलो लागडनारो ताहा देवोरी वैर होय काहाके नाहा ताहा देवाच्या नियमशास्त्राआ आधीन होय अने नाहा ओवुहू शकत,

⁸ अने जो डीलो दशा मेहे होय ते देवोहो संतुष्ट कोईत नाहा.

⁹ पोन ओमे देवाआ आत्माआ तुमामे वास कोअत्लू ताहा तुमु आगीम आधीन नाहा पोन आत्माआ डीलो होय जर कोडाही ख्रिस्ताआ आत्माआ नाहा ताहा तो तिया नाहा.

¹⁰ जर ख्रिस्त तुमामे होय ताहा देह पाप पनकाहा मोइली होय परंतु आत्माआ धर्माच्या कारनोवाही जिवंत होय.

¹¹ जर तियाच आत्माआ जिये येशु ख्रिस्त मोल्यामरोत जिवंत कोल्यु तो तुमाआ डीलोहो पण आपाआ आत्माआ त्यापोरत जो तुमामे वास कोअत्लू जिवंत कोअही.

आत्मा द्वारा मसीहाआ वारिस

¹² याकोअता ऐ पाहीही, आमू डीलोओ कर्जदार नाहा का डीलोओ अनुसार दीही गोये,

¹³ काहाके जर आमाहा डीलोओ अनुसार जोगे ताहा मोअनारू जर आत्माआ अनुसार जोगे ताहा जीवोन रोहू.

¹⁴ याकोअता का जेवडे मांहे देवाच्या आत्मावांहि चालते होय तोज देवोओ पुत्र होय.

¹⁵ काहाके तुमामे दासत्व पणाच्या आत्माआ नाहा मिल्यू का फासी बीइलो बाळगावी, पोन दत्तक पणाचा आत्माआ मिल्यू होय ज्याआपोरोत आमाहा ओबा, बाह्हू कोईत आवाज देत्लू.

¹⁶ आत्माआ स्वतः आपाआ आत्माआ आरी साक्ष आपोहो का आमाहा देवाची पोऱ्ये होये,

¹⁷ अने जर पोऱ्ये होये ताहा वारीस पण होये परंतु देवोओ वारीस अने ख्रिस्ता आरी वारीस होय का ओमे आमाहा तियाआ आरी दुख पालोह, ताहा तियाआ आरी गौरव भी जोड़े.

कष्ट सी महिमा जाआ

¹⁸ काहाके के आय होमजीत्लू का आव वेलाआ दुख अने त्रस तियाअ वैभवाच्या आगाडी जे आमापो प्रगट उवे होयकी नाहा होय.

¹⁹ काहाके जग अत्यंत उत्कंठेने नजरेने देवाच्या पुत्राच्या आविलाआ वात पालीलो होय.

²⁰ काहाके जग आपाआ इच्छावाहि नाहा ताहा आधीन कोअनारा वोलरोत व्यर्थतेच्या होपित आशा कोअयी गोयी

²¹ काहाके जग पण नश्वरतेच्या दासत्व मह रोत मुक्त ओतगोयु देवाच्या पोऱ्या गौरव युक्त मुक्तता जोडीत.

²² काहाके आमाहा मालुम होय का आखे जग ओमेजा मिलून कण्हत अने तारास भोगीत होय.

²³ अने फक्त तोज नाहा ताहा आमाहा पण ज्याआ जागे आत्माआ पहीले फोल होय अने खुद स्वतः पालीत ओतलू आपाआ डीलो छुटकारा वाट जुवत्ला.

²⁴ आव आशेच्या त्यापोरत आपाआ तारण उवे होय परंतु ज्या वस्तूअ आशा कोअयी जाहो ओमे ती जर देखाओल्यी ओते ताहा फासी आशा का रोली ओते? काहाके ज्या वस्तूउ कोडु पालीत होय तियाआ आशा कि कोअनारू?

²⁵ पोन आ वस्तूउ आमाहा नाहा पालीत ताहा तियाआ आशा मेकोहो धीरज सी तियाआ वात पालीत पण होय.

²⁶ आव रीतीवाही आत्माआ पण आमा दुर्बळते मुळे मदत कोअते काहाके नाहा आमाहा मालुम का प्रार्थना कोडला रीतीवाही कोअयी जोवे, परंतु आत्माआ स्वतः आपाहा विनंती कोअत्लू,

²⁷ अने अंतर्यामी पार्खिलो ला मालुम होय का आत्माआ मनोभाव कि होय काहाके ते पवित्र मांहो कोअता देवाच्या इच्छावाहि विनंती कोअत्लू.

²⁸ आमाहा मालुम होय काजे मांहे देवापो प्रेम कोअता त्यांकोअता आखे गोठी मिलून हाजा उत्पन्न कोअता अर्थात याकोअता जे तीयावाही हादिलो होय.

²⁹ काहाके जिये तियाहा पहीले होमजीत लेधलो होय तियाहा पहिलुच ठेरवीत लेधलो होय का तियाआ पुत्राच्या प्रति प्रमाणे बोनाळीलो म्हणजे तो जास्तीज पायहोम तिये जेष्ठ एहलो उवे.

³⁰ इहिजा ज्याहा पहिलुच नेमित आप्लु तियाहा हादिलो पण, अने ज्याहा धर्मी ठेरव्यो तियाहा गौरव पण कोल्यु.

परमेश्वरोओ अनंत प्रेम

³¹ सासोल्यू आमाहा आव गोठीइ विषयाम नाहाकोत कोहू? जर देव आमा आरी होय ताहा आमाआ विरोध कोनारो कोडू ओवुहू शकतो?

³² जीयाई आपाआ पोऱ्याहा राखीत न मेक्ल्ये तो आमाहा आखे किबी काहा नाहा आपी?

³³ देवाआ निवडिले ताहा दोष कोडू लागाडनारू? देवोओ होय जो तियाहा धर्मी ठेरविनारू होय.

³⁴ फासाडी कोडू होय जे दंडाज्ञा आपी? ख्रिस्ताच होय जो मरण पाव्यू परंतु मोल्यामरोत जिवंत पण उठ्यू अने देवाच्या हाजावोगे होय अने आमा कोअता विनंती पण कोअत्लू.

³⁵ ताहा कोडो आमाहा ख्रिस्ताच्या प्रेमा पासून अलग कोअनारू? नाहाकोत त्रास किंवा संकट का आप्पती का तरास का यातना का उपास जोखिम, का तलवार?

³⁶ असे लेखिलो होय, ता कोअता आमाहा दीही न दीही वध उवनारा होय आमाहा वध कोअनाऱ्या मेंढाहोस गणतलू गोये होय.

³⁷ पोन आव आखे गोठीमेहे आमाहा तियाआ त्यापोरत जिये आमापो प्रेम कोल्यु ते जयवन्त पोओ रोत वोडो होय.

³⁸ काहाके माहु खात्री होय का मरण, जीवोन, न स्वर्गदूत, न अधिपती, न वर्तमान, न भविष्य, न सामर्थ्य, न उचु,

³⁹ न पाताल अने न कोडली एहली सृष्टी आमाहा देवाच्या प्रेमोवाही जो आमाआ प्रभू येशु ख्रिस्तामध्ये होय, अलग कोहू सेकेहे.