रोमि 7 - नोयरी नोवलू नियम

¹ ऐ पाही काम तुमु नाहा जाआना (आय व्यवस्थाआ जानाराहा कोहो) का जाहा जाआ माहू जीवतु रोतलू होय ताहा जाआ तियाआ पोओं व्यवस्थाआ प्रभुता रोतली होय?

² काहाके का वाजेवाले बुई नियमशास्त्राआ अनुसार आपाआ माट्योह जीवाना मेहे तियाआ आरी बांधीत मेकली होय परंतु केधी माटी मोईत जाइअलो, ताहा ती माट्योह नियामा मेहे रोते हुटोत गोयी.

³ याकोअता केधी माट्योह जिवंत ओयताहा ती कोडला दिहरा माट्योओ होतगोयो गोयी, ताहा व्यभिचार म्हटल्या जाइअलो, परंतु केधी माटी मोईत गोल्यो ताहा ती तियाअ व्यवस्था मेहे रोते हुटोत गोयी, इही पर्यंत का केधी कोडु दिहरा माट्योओ होतगोयो गोयी तेबी व्याबिचारी कोअनारू नाहा.

⁴ तेहलूज माआ पाहीही तुमु पण ख्रिस्त देह्च्या झर नियमशास्त्रासाआ मोल्या बोणाडीत गोये, का तियाअ दिहरा जो मोअलाम रोत जीवतो ओवयुहु आमाहा परमेश्वरा कोअता फोल लेतावुहु जुवे.

⁵ काहाके का जाहा आमू शारीरिक ओते, ताहा पापोओ अभिलाषा जे नियमशास्त्राआ व्दारे ओती, मोईतगोल्यू तियाआ फोल उत्पन्न कोइला कोअता आमा डीलामेहे काम कोईत ओते.

⁶ पोन ज्याआ बंधनामेह आमाहा ओते त्यांकोअता मोईत, ओमे नियमशास्त्रातून एहलो हुटोत गोये, का पालीत लेखनो जुनो रिती उपो नाहा, नहाते आत्माआ नवो रीतीपो सेवा कोअता.

व्यवस्था अने पाप

⁷ ताहा आमाहा नाहाकोत कोडु नाहाकोत नियमशास्त्र पाप होय न्यावडीनारो नाहा नहाते विना नियमशास्त्राआ आय पाप नाहा उलखित्लू नियमशास्त्र केधी नाहा कोयु का लालूच कोहू नाहा ताहा आय लालच्य ओलखे नाहा.

⁸ पोन पापुमे संधी साधून आज्ञा व्दारे मामेह आखे एहलाम लालूच उत्पन्न कोल्यु, काहाके का विना नियमशास्त्राआ पाप मोल्या होय.

⁹ आयताहा नियमशास्त्राआ विना जिवंत ओतू, परंतु जांहा आज्ञा आवयी, ताहा पाप जिवंत उवे, अने आय मरण पावलो.

¹⁰ अने तेज आज्ञा जी जीवना कोअता ओती माकोअता मोअली काहाके ठर्विल्यो

¹¹ काहाके का पापण्या संधी साधून आज्ञा व्दारे माहु बोह्कावी अने त्याज व्दारे माई टाक्ये.

¹² याकोअता नियमशास्त्र पवित्र होय, अने आज्ञा पण ठीक अने हाजी होय.

पाप सी वासाडुहू व्यवस्था असमर्थ

¹³ ताहा नाहाकोत ती हाजी ओती, माकोअता मोईतगोल्यू ठरव्येहे केदिज नाहा, परंतु पाप तियाआ हाजा वस्तूआ व्दारे माकोअता मोल्या उत्पन्न कोअनारू ओवयू का तियाआ पाप उवे प्रगट उवे, अने आज्ञा व्दारे पाप बहुमच पापमय ठरव्येहे.

¹⁴ आमू ओलखीत्लू का नियमशास्त्रातर आध्यात्मिक होय पोन आय कोअत्लू शारीरिक अने पापाआ आय वेचीलो होय.

¹⁵ जे आय कोअत्लू तियाहा उलखित्लू नाहा, काहाके काजे आय इच्छितो ते नाहा कोअत्लू, परंतु जीयेतीये माहु हेष लागेहे तोज कोअत्लू.

¹⁶ केधी जे आय नाहा इच्छितो तोज कोअत्लू ताहा आय मानीत लेहो का नियमशास्त्र उत्तम होय.

¹⁷ ताहा एहला देशोमेहे माय तियाआ कोअनारू आय नाहा, नहाते पाप ओ मामेह बोहितरोलो होय.

¹⁸ काहाके का आय ओलखीत्लू का मामेह अर्थात माआ डीलो कोडली हाजी वस्तू वास नाहाकोईत इच्छा ताहा मामेह होय, परंतु हाजो काम माकोता बोणीत नाहा जात.

¹⁹ काहाके का ज्या इच्छा का माहा आय हाजो कोअत्लू, तो ताहा नाहाकोईत, परंतु ज्या चुकीने हाजो नाहाकोईत, तोज कोअतुज रोतलू.

²⁰ आखरी केधी आय तोज कोअत्लू ज्याआ इच्छा नाहाकोईत ताहा तिया कोअनारू आय रोयोजे नाहा परंतु पाप जे मामेह बोहितरोलो होय.

²¹ याज प्रकारे आय ओ नियमशास्त्र मिलवीत लेहो का जांहा हाजो कोअला इच्छा कोअत्लू, ताहा वाईट माआ जागे येत.

²² काहाके का आय मायतो माहुहू ताहा परमेश्वरोओ नियमशास्त्रातून जाखो प्रसन्न रोतलू.

²³ पोन माहु आपाआ डीलोमे दिहरा प्रकाराआ नियमशास्त्र देखाईलो येत जे माआ बुद्धी नियमशास्त्रातून चुलाल्यु अने माहु पापाआ बंधनामेह टाकत्लू जे माआ डीलोरी होय.

²⁴ आय केहलु किबी मांहोहो होय माहु याआ मृत्युच्याआ देहाणी कोडू सोडवे?

²⁵ आमू प्रभु येशु ख्रिस्ताच्या व्दारे परमेश्वरोओ धन्यवाद ओवो याकोअता आय आपाआ दिमाआके परमेश्वरोओ नियमशास्त्रातून परंतु डीलोवाही पापाआ नियमोमेहे सेवा कोअत्लू.