रोमि 3 - नोयरी नोवलू नियम

परमेश्वरोओ न्यायोओ प्रतिरक्षा

¹ ओमे यहुदी की बोडाई अने सुंताआ की फायदू?

² हर एक प्रकारोओ जाअखो किबी पहीले ताहा ओ का परमेश्वरोओ वचन तियाहा देखाडले गोये.

³ केधी किबी विश्वासघात कोअनारा हुवे परमेश्वरोओ खोरो व्यर्थ ठरेल?

⁴ कदाचित नाहा नहाते परमेश्वर खोरो अने हर एक मांहु ठोग ठरेल, जेहलो लेखिलो होय, जीयेतीये तू आपाआ गोठीही धोर्मी ठोराव्योल्यो न्याय कोइलाआ टायमोमें तू विजयी पावेल.

⁵ याकोअता केधी आमाआ अधर्म परमेश्वरोओ धार्मिकता होय ताहा आमाहा नाहाकोत कोहू? नाहाकोत ओच का परमेश्वर जो राग कोअत्लू जुलूम कोअनारो होय? (ओ ताहा आय मांहाहा रीतीवाही कोयु होय)

⁶ कदाचित नाहा ताहा परमेश्वर केहलो जगोआ न्याय कोअही?

⁷ केधी माआ खोटो पणाच्या कारनोवाही परमेश्वरोओ खोरो तियाआ गौरव कोअता, जाह्खो ओतगोयु प्रगट उवी ताहा फासाडी काहा पापाहा एकहरको दंडाआ योग्य ठेरव्यो जात्लू?

⁸ “आमू काहा वाईट कोहू कायना का हाजो निघेल?” जेहलो का आमापो ए दोष लागाड्यू जात्लू, अने किबी कोयु का याआ कोअलो होय परंतु एहलो जे ठराविलु ते ठीक होय.

आखे पाप कोअये

⁹ ताहा की ओवयो? की आमाहा त्यापोरोत हाजो होय? केधीज नाहा; काहाके आमाहा यहुदी अने यूनानी उपोओ दोष लाग्यू होय का ते आखा आखे पापाआ वंश माय होय.

¹⁰ जेहलो लेखिलो होय “कोडूच धोर्मी नाहा, एक पोन नाहा”

¹¹ कोडू समझदार नाहा; कोडु परमेश्वरोओ होदनारू नाहा.

¹² आखे भटकिल्यो होय, आखे बिगर उपयोगी बोणीत गोये होय; कोडूच भलाई कोअनारू नाहा.

¹³ तियाआ गोलु उघडील्या कब्र होय, तिये आपाआ जिभेने छळ कोअयु होय तियाआ ओठमेहे हापोअ विष होय.

¹⁴ त्याआं सोब शापाने अने कड़वाहट सी पोअल्ये होय

¹⁵ त्याआं गुडू रक्त वाहाडीलो उतावळे उवे होय,

¹⁶ तियाआ वाटेमे नाश अने त्रास होय

¹⁷ तिये शांतीचा मार्ग ओलखिलो नाहा.

¹⁸ तियाआ डोआ आगाडी परमेश्वरोओ बिक नाहा

¹⁹ आमू ओलखे का नियमशास्त्र जे किबी कोयु होय, ते तियाहाज कोयु होय जे नियमशास्त्राआ आधीन होय यकोअता का हर एक सोब बंद कोल्यु जाय अने आखे जग परमेश्वरोओ शिक्षाआ योग्य ठेरती,

²⁰ काहाके का नियमशास्त्राआ कारनो कोईत कोडलो प्राणी तियाआ आगाडी धोर्मी ठराविलो नाहा, याकोअता का नियमशास्त्राआ त्यापोरत पापोओ ओळखत होय.

विश्वासों द्वारा परमेश्वरोओ धार्मिकता

²¹ पोन ओमे नियमशास्त्राआ अलग परमेश्वरोओ ती धार्मिकता प्रगट उवी होय ज्याआ साक्ष पवित्रशास्त्र अने भविष्यवक्ता आपत्ले,

²² अर्थात परमेश्वरोओ ए धार्मिकता जे येशु ख्रिस्तापो कोअता तियाअ विश्वास कोनाराकोता होय काहाके का किबी भेदभाव नाहा,

²³ याकोअता का आखाज पाप कोल्यु होय अने परमेश्वरोओ गौरवा रहित होय,

²⁴ पोन तियाआ अनुग्रह छुटकारु जो ख्रिस्त येशु माय होय नितीमुल्य धोर्मी ठेरव्यो जाय.

²⁵ तियाहा परमेश्वराने तियाआ रक्ताआ कारनोवाही एक एहलो प्रायश्चित ठेरव्यो जो विश्वास कोलाकोता कार्यकारी होय काजे पाप पहीले कोल्यु गोये अने ज्यापो परमेश्वराने आपाआ सहनशीलतेच्या काहाके लक्ष आप्लु नाहा तियाआ विषयामे तो आपाआ धार्मिकता प्रगट कोअही.

²⁶ नहाते तियाअ वेले तियाआ धार्मिकता प्रगट होय का जीयेतीये ते खुद धोर्मी ठरेल अने जे येशुपो विश्वास कोए नीतिमान ठरविनारु रोहू.

²⁷ ताहा खत कोअला का रोल्या? तियाआ ताहा जागेज नाहा कोडला नियमशास्त्राआ कारनोवाही? नाहा, नहाते विश्वासाआ नियमशास्त्राआ कारनोवाही नाहा.

²⁸ याकोअता आमाहा आव परिणामापो पुग्यु होय मांहु नियमशास्त्राआ कामोवांही जुदोज, विश्वासाद्वारे धोर्मी ओलखिणारा.

²⁹ नाहाकोत परमेश्वर फक्त यहुद्यांचाच होय? नाहाकोत अन्यजाति या नाहा? होय, दिहिरिजाती या पोन होय.

³⁰ काहाके एकुच परमेश्वर होय, जो नाहा सुंता कोअल्याहा, विश्वासा अने सुंता कोअल्याहा पण विश्वासाआ द्वारेच धोर्मी ठेरवीही.

³¹ ताहा नाहाकोत आमाहा नियमशास्त्राआ विश्वासाआ त्यापोरत व्यर्थ ठरर्विलो? कदापि नाहा नहाते नियमशास्त्राआ स्थिर कोअता.