रोमि 2 - नोयरी नोवलू नियम

परमेश्वरोओ धर्मी न्याय

¹ ओमे ऐ दोष लगाडनारा तू कोडू केहे ने होय तू निरन्तर होय काहाके जी गोठीई मेहे तू दिहरापो ओ दोष लागडल्यु होय तीज गोठीई मेहे आपाहा स्वतःहा दोषी थोरावत्ल्यु होय, याआ कोअता का तू जो स्वतःहा दोष लागतल्यु होय स्वतः बी तोज काम कोत्ल्यु होय.

² आमाहा मालूमे होय एहलो काम कोअनारापो परमेश्वारापोरोत ठीक दंडाओ आज्ञा उवे.

³ ओ महांआ, तू जे एहेलू एहलो काम कोअनारापो दोष लागाडीत अने तांहुज ओ काम कोअत्लू नाहाकोत ओ होमजीत्लू का तू परमेश्वरोओ दंडाओ आज्ञा पोरोत वचल्लू जाइअलो?

⁴ नाहाकोत तू तियाआ कृपा अने तियाआ सहनशीलता, धीरपणाने मालदार तुच्छ मोनोहो? नाहाकोत ओ समाजात नाहा का परमेश्वरोओ कृपा ताहु मोन बदुलुलो शिकाडीलो?

⁵ पोन तू आपाआ कठोरपणाने अने एकदम मोनोमेहे कारनोवाही तियाआ क्रोधाअ दिहोकोअता ज्याम परमेश्वरोओ खोरो न्याय प्रगट उवे, आपाहा राग मेलविलो होय.

⁶ तो प्रत्येकाहा ज्याआ तियाआ कामोबद्दल फोल आपही

⁷ जो सुकर्मामध्ये स्थिर रोत गौरव अने आदरा कोईत अक्षयताची होद कोत्ले, तिया फासाडी तो सार्वकालिक जीवोन आपही,

⁸ पोन जो वाद कोअनारू होय अने सत्याहा मानीत नाहा अने अधर्म मोनोहो तियापो राग अने खाकार पोडी.

⁹ अने त्रस अने संकट हर एक मांहु जो वाईट कोअत्लू तियापो आवे पहीले यहुद्यावर फासाडी यूनानीवर,

¹⁰ पोन गौरव अने सन्मान अने कल्याण प्रत्येकाहा जोडीत, जो पण सत्कृत्ये कोअत्लू पहीले यहुदी फासाडी यूनानीवर,

¹¹ काहाके परमेश्वर कोडाआज पक्षपात कोईत नाहा.

¹² याकोअता जिये नियमशास्त्र नाहा पण पाप कोल्यु ते बिना नियमशास्त्राआ नाहा पण होये जिये नियमशास्त्र नाहीत पाप कोयु तियाआ दंड नियमामेहे नुसार उवे,

¹³ काहाके का परमेश्वरोओ शास्त्रानुसार होमलिनारे धोर्मी नाहा पण शास्त्रानुसार चालणारो धोर्मी ठेरव्यो जाय.

¹⁴ जाहा अन्यजाति मांहे ज्याआ जागे नियमशास्त्र नाहा पण स्वभावमेह शास्त्राआ गोठी नुसार सालतेहे ताहा नियमशास्त्र तियापो नेअयताहा पण ते आपाहा खुद नियमशास्त्र होय.

¹⁵ ते नियमशास्त्राआ गोठी आपाआ-आपाआ मोनोमेहे लेखीतमेकली देखाडत्लू अने तियाआ विवेक पण साक्ष आपे अने त्याआं विचार परस्पर दोष लागाडीत नाहा ताहा निर्दोष ठराविलु

¹⁶ ज्या तेदीही परमेश्वर माआ सुवार्ते अनुसार येशु ख्रिस्ताच्या त्यापोरत मांहाहा गुप्त गोठीई न्याय कोअही तिया तेदीही ओ देखाईलो आवे.

¹⁷ केधी तू यहुदी म्हणविला जात्लू अने नियमशास्त्रावर विश्वास मेकतुल्यो अने परमेश्वरोओ विषयामे खत मेकोहो,

¹⁸ अने तियाआ इच्छा जाआत्लू अने नियमशास्त्राची शिक्षाम मिलवीत उत्तम गोथिहिई प्रिय मोनोहो,

¹⁹ अने आपापो विश्वास मेकोहो का आय आंदला वाटाडी अने आंदाराम पोडिजानारा प्रकाश,

²⁰ अने ज्ञानाना हिकाडनारो अने हाणाआ गुरु होय अने ज्ञान अने खराआ नमुना जे नियमशास्त्राम होय, माहु जोडयेहे होय.

²¹ आखरी; नाहाकोत तू दिहराहा हिकाडत्लू, स्वतःहा हिकाडीत नाहा नाहाकोत? नाहाकोत तू चोरी नाहा कोईलाकाजे उपदेश आप्तलू? अने खुद चोरी कोअत्लू?

²² तू जे कोत्लू, व्यभिचार कोहू नाहा, नाहाकोत तुमु पण व्यभिचार कोअता? तू मूर्तीचा विटाळा कोअत्लू, नाहाकोत खुद मंदिरोम लुटनारू?

²³ तू जे नियमशास्त्रामध्ये खत कोअत्लू, नाहाकोत नियमशास्त्राआ नाहा मानीत परमेश्वरोओ अपमान कोअत्लू?

²⁴ काहाके का तुमाआ कारनोवाही अन्यजाति मेहे परमेश्वरोओ नावाआ निंदा कोअयी जाहो, जेहलो लेखिलो पण होय.

खतनाआ फायदु निमिले

²⁵ केधी तू नियम शास्त्रानुसार सालनारू ताहा सुंतेने लाभ होय, परंतु केधी तू नियमशास्त्राआ मान्ये नाहा ताहा ताआ सुंता बिना सुंतेए दशा ठरेल.

²⁶ याकोअता केधी सुंता रोत्लू माहाजाती व्यवस्थाची दिहरो जोह मानीत जाय ताहा तियाआ कि बिना सुंतेए दशा सुंतेच्या आरी नाहा तोली जानारू?

²⁷ अने जो मांहु शारीरिक रुपोमे बिना सुतांआ रोही केधी ओ नियमशास्त्राआ पुरो कोअयेते नाहाकोत ताहु जो लेख मिळूहुजोवे अने सुंता कोहिताहा तेबी पण नियमशास्त्र पालीलो नाहा दोषी ठराविलो नाहा?

²⁸ काहाके यहुदी तो नाहा जो प्रगटात यहुदी होय अने नाहा ते सुंता होय जे प्रगटात होय अने डीलोमेहे होय.

²⁹ पोन तू यहुदी तो होय जो मोनामेहे, अने सुंता अने आत्माम रोत होय नाहा का लेखिलो एहलो का प्रशंसा माहामोरोत नाहा पोन परमेश्वारापोरोत ओये.