रोमि 16 - नोयरी नोवलू नियम

बअह्ही फिबाहा अभिवादन

¹ आय तुमाहा फीबे ऐ कोअता जी आमाआ बोईहही अने किंख्रिया आ मंडलीई सेविका होय, विनती कोओहो का

² का तुमु जेहलो का पवित्र माहुंहु जोवे तियाहा प्रभूमे ग्रहण को अने ज्याहा कोडला गोठीमेहे तियाहा तुमाआ गोरोज होय तियाआ मदत करा कारण ते पण जाअखो माहुंहु अने माहु पण उपकाराआ कोनारी रोली.

रोमोओ संतोहो अभिवादन

³ प्रिस्का अने अक्वीला यास ख्रिस्त येशुमेहे माआ मोदत कोयु होय सलाम कोआ.

⁴ तिये माआ जीवाकोता आपाआ जीव धोक्यात टाक्यू ओतु, अने फक्त आयुज नाहा ताहा अन्य जाती मंडळ्या तीयाहाभी तियाआ धन्यवाद कोअता.

⁵ तिया मंडली पोन सलाम जे तियाआ कोआत होय माआ प्रिय इपैनितुस जो ख्रिस्तासाठी आशियातील पेल्लु फोल होय सलाम.

⁶ मरियम ला जीयी तुमा कोअता जास्तीज श्रम लेधलो सलाम.

⁷ अन्द्रोनिक अने युनियातील जे माआ कोऱ्या मेहे होय अने माआआरी कैद उवे ओते अने प्रेषितामेहे नामांकित होय अने माआ पहीले ख्रिस्तामध्ये ओते सलाम.

⁸ अम्पलियातुस जो ख्रिस्तामध्ये माआ प्रिय होय सलाम

⁹ उरबानुस जो ख्रिस्तामध्ये आमाआ मोदत कोल्यो होय अने माआ प्रिय इस्तखुसोहों सलाम.

¹⁰ अप्पिलोसोहो जो ख्रिस्तामध्ये खोरो निघाल्यू सलाम अरिस्त बुलच्या कोमेऱ्या सलाम.

¹¹ माआ कुटुंब हेरोदियान याहा सलाम नरकिस्सुसच्या कोमेऱ्या जे प्रभूमे होय तियाहा सलाम

¹² तृफेना अने तृफोसा याहा जे प्रभूमे श्रम कोअता सलाम प्रिय पिरसिस हिला जीयी प्रभूमे जास्तीज श्रम कोल्यु सलाम.

¹³ रूफुस याहा जो प्रभूमे निवडावेह होय अने तियाआ याह्हीही जी माआ याह्ही होय बेनुहू सलाम.

¹⁴ असुक्रीत अने फ्लागोन, हर्मेस, पत्रबास, हर्मास यांहा अने तियाआ आरी जे पाही होय तियाहा सलाम.

¹⁵ फिलगन अने यूलिया अने निरीय अने तियाआ बोईही अने ओलुपास अने तियाआ हेगांति आखे पवित्र माहुंहु सलाम.

¹⁶ एकमेकाआ पवित्र चुंबनाने सलाम कोआ तुमा ख्रिस्ताच्या आखे मंडली बहिदेखून सलाम.

विभाजनकारी मांहोओ त्याग

¹⁷ ओमे ओ पाही, आय तुमामे विनंती कोअत्लू काजे मांहे आव चूडीविलो विरूध जी तुम्हू लेदि होय फुटी अने अडखळण लेतावणारे ओये तियापो लक्ष्य मेका अने त्यापोरोत सेटे रो.

¹⁸ काहाके एहलो मांहे आमू प्रभू ख्रिस्ताचे नाहा परंतु आपाआ पेटोकोता सेवा कोअता, अने गुल्यो अने लोभा भाषणाने भोळ्या भाबड्यांची मोनो मांहोहो बेह्कावत्ले.

¹⁹ तुमाआ आज्ञा मानिलो चर्चा आखे महुमेहे फेलितगोई होय यकोअता आय तुमाआ विषया माय आनंद कोअत्लू परंतु माहु लागेहे का तुमु हाजाकोअता शहाणे परंतु खाराब कोअता हाजो बोणीत रो.

²⁰ शांतीचा देव शैतानाहा तुमाआ गुडानिसे वेगुज तडवी आपूह प्रभू येशु ख्रिस्ताची कृपा तुआ होय.

पौलुसोओ मित्रोसी अभिवादन

²¹ माआ मोदत कोयु तीमुथियुस अने माआ होगवाड्ये लूकियुस अने यासोन अने सोसिपतेर ओ तुमामे सलाम फासाडी.

²² ओ पत्र लेखित आपणारो तर्तीय चा पण प्रभूमे तुमामे सलाम.

²³ गयुस जो माआ मंडली आतिथ्य कोअनारू होय तिया पण तुमामे सलाम नोगरोमेहे कारभारी इरास्तुस अने पाही क्वर्त यांआ तुमामे सलाम.

²⁴ आपाआ प्रभु येशु ख्रिस्त याआ कृपा तुमाआ आखाआ आरी होय आमीन.

आशीर्वाद

²⁵ ओमे जे तुमामे माआ सुवर्तेहस अर्थात येशु ख्रिस्ताचे संदेशाच्या प्रचाराच्या नुसार स्थिर कोहू शकतो तियाअ भेदच्या उजवोडोओ अनुसार जे कायम गुप्त मेक्ल्ये ओते,

²⁶ पोन ओमे जोडयो ओतगोयु सार्वकालिक देवाची आज्ञानी पवित्र संदेष्टाआ पुस्तकामेहे त्यापोरत आखे जातीही कोइतलु गोये होय का विश्वासानी ओमे होमजीलो ओतगोयु जा,

²⁷ तियाआ एकमात्र ज्ञानी देवाची येशु ख्रिस्ताच्या त्यापोरत कायम महिमा रोय आमेन.