रोमि 11 - नोयरी नोवलू नियम

इस्राएल पोओ परमेश्वरोओ दया

¹ याआ कोअता आय कोहो, का काय परमेश्वर त्या आ प्रजाआ टाकित देहलू होय केदाई नाहा आय बीते इस्राएली ई होय अब्राहमो वंश अने बिन्यामीन गोत्र मेहेरोत होय.

² देवूही आपाआ तियाअ माहुंहु टाक्ये नाहा ज्याहा तिये पहिलुच समजीलुजे जोवेकाय तुमामे मालुम नाहा का पवित्रशास्त्र एलियाआ विषयाम नाहाकोत कोयो का ते इस्राएलाआ विरोधाम देवापो विनंती कोअता?

³ ऐ प्रभू तिये ताआ संदेष्ट्याना जीवे माअये अने ताआ वेदी वाला पोडीत मेकल्या अने आयुज एखल्यू वाचायलू होय अने ते माआ पण जीव लेअलाकाजे पालीत होय राजा.

⁴ पोन देवापो तियाहा कि उत्तर जोडयेहे,? आय आपाहा याकोअता सात हजार माहु मेकल्यी होय जिये बाल्मुर्तीला गुडघे टेकलू नाहा.

⁵ ठीक आव रीतीवाही आव टायमोमें पण कृपेच्या निवडीला प्रमाणे किबी मांहे बाकी होय.

⁶ जर ओ कृपेणे होय ताहा कर्मांनी नाहा नहाते कृपा फासी कृपा रोली नाहा.

⁷ यकोअता परिणाम नाहाकोत उवे, ओ का इस्राएल ज्याआ होदिअलो लेहो तो तियाहा मिल्यू नाहा परंतु निवाडीत मिल्यू अने वरकड बधीर उवे.

⁸ जेहलो लेखिलो होय, देवूही तियाहा आज दीही पर्यंत हाजा निंदोम टाकीत आप्लु होय अने एहलो डोआं आप्लु जे पालील्यो नाहा अने एहलो कान जे होमलित्ला नाहा.

⁹ अने दाविद कोत्लू, त्याआं मेज अने तियाहा फांस अने सापळा अडखळण अने प्रतिफोल एहलो ओवो.

¹⁰ तियाआ डोआपो आंदारो आवे म्हणजे ते पालनारू नाहा, अने तू कायम तियाआ वाढीला टूगंवालीत मेकह.

इस्राएलो नाकारलोओ आखरी निमिले

¹¹ अने आय कोत्लू, त्याआं पतन उवे कोईत ते अन्य अडखळले कि? कदाचित नाहा, ताहा तियाआ तियाहा ईर्ष्या निर्माण उविला कोअता तियाआ अन्य जाती तियाआ तारण उवे होय.

¹² यकोअता तियाआ पोडलो जगो कोअता धनदौलत अने तियाआ अन्य जाती मांहो कोअता साधन होय ताहा याआ भरपुरीने नाहाकोत किबी उवे नाहा.

¹³ आय तुमामे अन्य जाती महाहा ए गोठी कोत्लू का जर का आय दिहीरा देशावाला खातोर प्रेषित होय ताहा आय आपाआ सेवेला गौरव आपोहो,

¹⁴ म्हणजे कोडला रीतीवाही आय आपाआ जातीई माहुंमे ईर्ष्या उत्पन्न कोईत त्यामेरोत केतेके तारण कोओ.

¹⁵ अने जांहा तिया त्याग ओवयू तेहलाम जगाआ मेल ओवयू नाहाकोत तियाहा ग्रहण कोलाकोता मोल्यामरोत जिवंत उठ्यु आरी नाहा उवे?

¹⁶ जाहा भेट चा पेल्लु भाग पवित्र ठरल्या ताहा पुरो मळलेला पण पवित्र होय अने जांहा मुळ जर पवित्र ठरेल ताहा डाली पण पवित्र ठराविलो.

¹⁷ पोन जर किबी डाली तोडीत मेकल्या अने तू रानटी जैतून ओतलू तियाआमे तीयाजागे कलम रूपे लागाड्यू गोल्यो अने जैतुनाआ मुळाचा सहभागी ओवयू,

¹⁸ ताहा डालीपो बोडाई कोहू नाहा अने जर तुमु बोडाई देही ताहा सोमजा का मुलोहो नाहा ताहा मुळ ताहु सम्भात्लू.

¹⁹ फासी तू कोअही, डाली यकोअता तोडीत मेकल्या का माआ कलम लागीलो.

²⁰ ठीक होय ते ताहा अविश्वासाआ कारनोवाही तोडीलो गोयी परंतु तू विश्वासानी रोतलू यकोअता अहंकारी ओतगोयु नाहा परंतु भिईलो बाळग,

²¹ काहाके जर देव मुळच्या डाली राखिल् नाहा ताहा ताहु पण सोडविणारू नाहा.

²² यकोअता देवाची कृपा अने द्या पाला जे पोडीत गोये तीयाम रोनारुके, नाहा ताहा तू पण वाड्यू जानारू.

²³ ते पोन जर अविश्वासी माय नाहा रोल्या ताहा कलम रूप लागाड़ने आवे काहाके देव तियाहा फासी कलम तियाहा आवे.

²⁴ का जर तू जैतूननी, जे मुलोमेहेरोत रानटी साड होय वाड्यू गोल्यो ताहा ओ जे तियाआ मुळच्याच डाली होय आपाहाज जैतुनमेहे नाहाकोत नाहा कलम लागाड़ने आवे.

²⁵ पाही मिलित किबी एहलो न ओवो का तुमु आपाआ स्वतःहा शहाणे होमज्यू कायना यकोअता माआ इच्छा नाहा का तुमु आव कोडाकोता अनोळखाती नाहा रोअलो का जोपोरोत अन्य जाती मांहे पुरो रीतीवाही प्रवेश जाण कोईत लेही, तोपोरोत इस्राएल चा एक भाग ऐहलेच कठीण रोही.

²⁶ अने आव रीतीवाही पुरो इस्राएल तारण पावनारू, एहलो लेखिलो होय, मुक्ती आपणारो सियोनातून आवत्लुके अधर्मी ला याकोबापो रोत सेटे कोअनारू,

²⁷ तियाआ आरी माआ ओच करार उवे का जांहा का तियाआ पापोहो सेटे कोईत आपी.

²⁸ सुवार्ते भाव सी तो तुमा कोअता, परमेश्वर जे दुश्मन होय पोन निवडित आवीगियो भाव सी वेगुडायो प्रिय होय.

²⁹ काहाके देवोओ कृपादान अने पाचारण अनुताप उवनारा नाहा

³⁰ कोईत जेहलो तुमु पहीले देवाची आज्ञा महांआ नाहा पोन ओमे तियाआ आज्ञा न माननाराआ तुमापो दया उवी,

³¹ तेहलेच तिये पण ओमे आज्ञा कोयु नाहा का तुमापो जी दया उवनारा होय तीयावाही तियापो आपा ओवो.

³² कोईत देवूही आखाज आज्ञा भांगाच्या होपित कोईत मेकल्ये होये आखापो दया कोईली.

³³ अहाहा परमेश्वर धनदौलत अने वृद्धी अने ज्ञान ए केतो अगाध होय तियाआ विचार केतो गहन अने तियाआ मार्ग केतो अगम्य होय

³⁴ प्रभूच्या बुद्धीला कोडु समजाडीला? अने तिया मंत्री कोडू ओतु?

³⁵ काहा कोडु तियाहा पहीले तियाहा किबी आप्लु होय ज्याआ तियाहा फेड कोईत आप्लु जानारू?

³⁶ कोईत त्यापोरोत अने त्याज त्यापोरत अने त्यांकोअता आखे किबी होय तियाआ गौरव कायम ओवती रोय, आमेन.