रोमि 10 - नोयरी नोवलू नियम

इस्राएलोहो सुसमाचारोओ आवश्यकता

¹ ऐ पाही, माआ मोनाआ इच्छा अने तियाआ कोअता परमेश्वराहा माआ प्रार्थना होय का वे तियाहा उद्धार जोड़े.

² काहाके का आय तियाआ साक्ष आपोहो का तियाहा परमेश्वरा कोअता आशा होय, परंतु बुद्धीवाला आरी नाहा.

³ काहाके का परमेश्वरोओ धार्मिकतेची अनोळखाती नाहा ओतगोयु अने आपाआ धार्मिकतांनी अनोळखाती नाहा ओतगोयु अने आपाआ धार्मिकता स्थापित कोइला कोअता यत्न कोईत परमेश्वरोओ धर्मिक्ताआ आधीन उवे नाहा.

⁴ काहाके का हर एक विश्वास कोइला कोअता धर्मिक्ताआ नुसार ख्रिस्त येशु नियमशास्त्राचा आखिर होय.

⁵ काहाके का मोशेई ओ लेखिलो होय का जो मांहु तिया धार्मिकतेवर जे नियमशास्त्रा मेहे होय, चालातुलू, तोज त्यापोरोत जिवंत रोला.

⁶ पोन जी धार्मिकता विश्वासा होय ती ओ कोतली, तू आपाआ मोनोपोरे ओ कोओलो नाहा का होर्गाम कोडू चढेल? (अर्थात ख्रिस्ताहा उतारीत लाविलोकोता)

⁷ नाहा ताहा अधोलोकात कोडू उतरे? (अर्थात ख्रिस्ताहा मोल्यामरोत जिवंत कोईत उसे लाविलोकोता)

⁸ पोन ते कि कोतली, ओच का वचन तापो होय, ताआ सोबीमेहे अने ताआ मोनुमे होय, ओ तोज विश्वासाआ वचन होय जे आमाहा सुवार्ता कोत्लू,

⁹ का केधी तू आपाआ सोबिकोईत येशुहू प्रभू मानीत अंगीकार कोअनारू अने आपाआ मोन सी विश्वास कोअनारू का परमेश्वराने तियाहा मोल्यामरोत जिवंत कोल्यु होय, ताहा ताहु निच्छित उद्धार जोडे.

¹⁰ का धार्मिकता कोअता मोनामोरोत विश्वास कोअयु जात्लू, अने उद्धारासाठी सोबिवांही अंगीकार कोअयु जात्लू

¹¹ काहाके का पवित्रशास्त्र ओ कोतली, “जो कोडु तियापो विश्वास कोअही, तो केधी लाजआली उवे नाहा”

¹² यहुद्यामे अने यूनानी माय किबी भेद नाहा याकोअता का तो आखाआ प्रभू होय, अने आपाआ आखा कोअता जे तियाआ नाव लत्ले उद्धार होय.

¹³ काहाके का जो कोडु प्रभूऊ नाव लेही, तो उद्धार पावेल.

इस्राएल सुसमाचारोहो नाकारलोओ

¹⁴ फासाडी ज्यापो तिये विश्वास कोअयु नाहा, ते तियाआ नाव केहलो लेही? अने त्याविषयी होमल्यु नाहा तियापो केहलो विश्वास कोआ? अने घोषणा विना केहलो होमीजीलो?

¹⁵ अने केधी मोकल्ये जानारू नाहा ताहा केहलो घोषणा कोआ जेहलो लेखिलो होय, तियाआ गुडू केतो मनोरम होय, जो हाजा गोठीई सुवार्ता होमलाड्यू

¹⁶ पोन आखाज तियाअ सुवार्तेपो कान लागाडले नाहा, त्यांकोअता यशायाह कोत्लू, “ओ प्रभू, कोडु आपाआ सुवार्तेपो विश्वास कोअयु होय?”

¹⁷ अने विश्वास होमलिलो अने होमलिलो ख्रिस्ताच्या वचन सी ओवत्लो.

¹⁸ पोन आय कोत्लू, कि तिये होमल्यु नाहा? होमल्यु ताहा होय काहाके का लेखिलो होय “तिया स्वर आखे धोरतीपो अने तियाआ वचन जुगाआ शेवटपोरोत पुग्या होय”

¹⁹ आय फासी कोत्लू, नाहाकोत इस्राएल माहु ओलखे निमिले? पहीले ताहा मोशे कोत्लू, आय तीआद्वारे जी जाती नाहा तुमाआ मोनामे जागे पोचाडिलो, आय एक मुळ जातीई त्यापोरत तुमामे इर्ष्येस पेटाळीदेही.

²⁰ फासाडी यशायाह जाअखो कोत्लू ओतगोयु कोत्लू, “जे माहु होदिअलो नाहा, तिये माहु जुळाविते, अने जे माहु विचारोम पण निमिले, तियापो आय प्रगट ओतगोयु गोल्यू”

²¹ पोन इस्राएलाआ विषयी तोओ कोत्लू, “आज्ञा न माननारू अने वाद कोअनाऱ्या प्रांताकडे आय आखे दीही आपाआ आथे जर्विनारू होय.”