प्रकाशितवाक्य 7 - नोयरी नोवलू नियम

एक अंतराल

¹ याआ फासाडी आय धरतीई ई चारू कोडावोर चार स्वर्गदूत उभे रोयला देख्यू ती धरतीई चारू भागोमेऱ्या ह्वांना उबराखल्या ओते काहाके का धोरती नाहा ताहा दर्या नाहा ते कोडला साडोपो वारू नाहा चालते.

² फासाडी आय एक फासी स्वर्गदूत जिवंत परमेश्वरोओ शिक्का माग्ल्यू पूर्वे पोरोत उतरित तीयापो आवातल्या पालील्यो; तियाआ तियाअ चारू स्वर्ग तोहो ज्याहा धोरती अने समुद्राआ नुकसान कोअलाआ अधिकार आप्यू गोल्यो ओतु, उचो शब्दामे आयडीत कोयु,

³ जो पर्यंत आमू आपाआ परमेश्वरोओ दासाच्या सामर्थ्यापअ शिक्के न लागाडी आपित, तो पर्यंत धोरती अने दर्या अने साडोओ नुकसान रोखू कोअतू.

ईस्राएलोओ 1, 44,000 मांहे

⁴ ज्यापोओ शिक्का लागाड्यू गोल्यो आय तियाआ मोजीलोओ कोअयु, अर्थात इस्राएल संतानानाचे आखे वाडवडील माय एक लाख चौरेचाळीस हजारोपो शिक्का देदलो गोल्यो.

⁵ यहूदाच्या वंशामेहे बारा हजारोपो शिक्का मारीलो गोल्यो; रुबेनाच्या वंशामेहे बारा हजारपोओ, गाद च्या वंशामेहे बारा हजारोपो.

⁶ आशेरच्या वंशामेहे बारा हजारापो, नपतालीच्या वंशामेहे बारा हजारापो, मनश्शेच्या वाडवडील मायरोत बारा हजारापो,

⁷ शिमोनाच्या वंशामेहे बारा हजारापो, लेवी गोत्र मेहे रोत बारा हजार पोओ इस्साकार च्या वाडवडील मायरोत बारा हजारापो,

⁸ जबूलूनही वाडवडील मायरोत बारा हजारापो, योसेफाच्या वंशामेह बारा हजारापो अने बन्यामीनच्या वाडवडील मायरोत बारा हजारोपो शिक्का मारीलो गोल्यो.

क्लेश सी एक वोडी गोर्दी

⁹ याआ फासाडी आय जग पाल्यू, प्रत्येक जाती-जाती अने कुल अने भाषा अने मधु एक एहली गोर्दी जीही कोडु गोनिलो शकत ओतु, पाडो कापडे रीगडल्यो अने आपाआ आथोमेहे खजुराओ डाली मागल्यो सिहासना आगाडी अने कोकऱ्याच्या आगाडी उबी होय,

¹⁰ अने वोडा शब्दामे आयडीत कोतली, “उद्धारो याकोअता आमा परमेश्वरोओ, जो सिहासनापो बोहयु होय, अने कोकऱ्याचा जयजयकार होय.”

¹¹ अने आखे स्वर्गदूत तियाअ सिहासन अने प्राचीनांना अने चारू प्राणी सोमकीर सेटे उभे होय; फासाडी ते सिहासना आगाडी उबडो पोडीत गोये अने परमेश्वरोओ नमन कोईत कोयु,

¹² आमेन आमाआ परमेश्वरोओ स्तुती अने गौरव अने ज्ञान, धन्यवाद अने सन्मान अने सामर्थ्य अने शक्ती कायम रोही आमेन.

¹³ यामरोत प्राचीनान मायरोत एकाम माहु कोअहो, “ओ धवले कापडे पेईत कोडू होय? अने फासी कोयु तू किहीरोत आवयू होय.”

¹⁴ आय तियाहा कोयु, ओ स्वामी, तांहुज ओलखे होय “तियाआ माहु कोयु,” ओतो होय, जो तियाअ वोडा दुखो मेहे रोते निहिल्यु निहित आवयू होय; तिये आपाआ कापडे कोकऱ्याच्या रक्ता मेहे तोवीत धवले कोल्यु होय.

¹⁵ याज कारनो कोईत ते परमेश्वरोओ सिहासना आगाड़ी होय, अने तियाआ मंदिरोम दीही रात तियाआ सेवा कोअता, अने जो सिहासनापो बोहयु होय, तो तियाआ उसे आपाआ तंबू बोनाविही.

¹⁶ ते फासाडी केधी फुकल्यो अने तोरह्यु नाहा रोनारे अने नाहा रोय, तीयापो तोप नाहा कोडली उष्णता पोअनारू

¹⁷ काहकी कोकरा जो सिहासनाच्या विसमे होय तियाआ होंबाला कोअही, अने तियाहा जीवोन रूप पाअयोंआ झऱ्या जागे लेतजात रोही; अने परमेश्वर तियाआ डोआमरोत आखे आहवे नुसित देय.