प्रकाशितवाक्य 20 - नोयरी नोवलू नियम

शैतानोहो 1,000, वर्ष कोअता अथाह कुण्ड मेहे टाकलोओ

¹ ताहरू आय एक स्वर्गदूत होर्गामरोत उतरिता पालील्यो, ज्याआ आथोमेहे अथाह कुण्ड किल्ली अने एक वोडू हाकूल ओतु.

² तिये तिया अजगर, म्हणजे सुन्या सापाला, जो दियाबल अने शैतान होय, तोईत हजार सालो कोअता बांदी देदु,,

³ अने तियाहा म्हणजे अथाह कुण्ड अंग टाकीत बंद कोईत आप्लु अने तियाआ शिक्का लागाडी जाति-जाति तो ठोगनारू तिया फासाडी अवश्य होय का तो कोमी टाईमो फासी उगड्यो जालो.

मसीह आरी 1,000 साल जाआ राज कोअलोओ

⁴ ताहरू आय सिहासन देखल्यी, अने तियापो मांहे बोहित गोये, अने तियाहा न्याय कोईत अधिकार आप्लु गोये, आय तियाआ आत्माहा पण पहीले, तियाआ मुंडको येशुउ साक्ष आपलो अने देवाच्या वचनाआ कारनो कोईत वाडीलो गोये ओते, अने जिये पण तियाअ पशुउ, अने तियाआ मूर्तीइ उपासना कोअयी नाहाओती अने न तिया छाप आपाआ निडोपो अने आथोपो लेदि ओती, ते जिवंत होतगोयो ख्रिस्ता आरी हजार वर्ष पर्यंत राज्य कोईत रोल्या,

⁵ जोपोरोत ओ हजार वर्ष पुरो न ओवो तोपोरोत बाकी मोल्यामरोत जिवंत नाहा उठनारू ओ ताहा पहीले पुनरुत्थान होय.

⁶ धन्य पवित्र ते होय, जे पहीले आव पुनरुत्थानाचे गोवाद्या होय एहलापअ दिहरी मोअली किबी अधिकार नाहा, पण ते देवोओ अने ख्रिस्ताचे याजक उवे अने तियाआ आरी हजार सालपोईत राज्य कोअनारू.

शैतानोओ विनाश

⁷ जांहा हजार वर्ष पुरो उवेताहा शैतान बंदि ओ तीही सोडीत आप्लु जानारू.

⁸ तो तिया जातीही जे धरतीई चारीपो होय, म्हणजे गोगहो अने मागोगला ज्याआ संख्याआ समुद्राआ रेटायेत केहे उवे, ठकवा वयास लळागोयो एकठे कोइला कोअता निकले.

⁹ ते आखे धोरतीपो फैलावीत पवित्र लोकांची छावनी अने प्रिय नगरीला कोंडीत लेही; अने आग होर्गामरोत उतरित तियाहा नष्ट कोअनारू.

¹⁰ तियाहा भटकाडनारू शैतान आग अने गंधकाच्या झील मेहे, ज्याम तो श्वापद अने ठोग संदेष्टा पोन होय टाक्ये जानारू; अने ते रातेन दीही कायम पिडामेह तोडपितू रोय.

धव्लू महा सिहासन अने आखरी न्याय

¹¹ ताहरू आय एक वोडो धव्लू राजासन अने तियाहा, जो तियापो बोहयु होय, पाला; तियाआ आगला रोत धोरती अने जुग पोडीत गोये, अने त्यांकोअता जागू नाहा जोड़ी.

¹² फासाडी आय हानू वोडो आखे मोल्यो तीहीरोते राजासना आगाडी उभे पालील्यो, अने पुस्तके उघाडित गोयी; ईजि फासी एक पुस्तक उघाडित गोयी, म्हणजे जीवनोओ पुस्तक; अने जेहलो तियाअ पुस्तकाम लेखिलो ओते, तेहलूज तियाआ का मापोरोत मोल्यो तीहीरोते न्याय मिल्यू.

¹³ समुद्राआ तिया मोल्याहा जे तियाआमे ओते आपित आप्लु, अने मोईतगोल्यू अने अधोलोकांनी तिया मोल्याहा जे ज्याम ओते आपित आप्लु, अने तीयामरोत हर एक जोआ का मापोरोत तिया न्याय कोअयु गोल्यो.

¹⁴ अने मरण अने अधोलोक आगीई झील मेहे टाक्ये गोये ए आगी आरी सरोवर दूसरी मृत्यु होय;

¹⁵ अने कोडा नाव जीवनाआ पुस्तकाम लेखाल्या नाहा जोडल्यो ते आगीई झील मेहे टाकी देदु.