प्रकाशितवाक्य 17 - नोयरी नोवलू नियम

बुई अने लाल रंगोंओ पशु

¹ जो सात स्वर्गदूताआ जागे ते सात कोटोरा ओते, तियामेहे रोत एक आविलो माहु ओ कोयु, इही आव, आय ताहु एक वोडी वेश्या त्याचां दंड देखाळीत, जी जाअखो पाअयोप बोही होय,

² ज्याआ आरी पुथ्वीच्या राजांई व्याभिचार कोअयु; अने पृथ्वीइ रोहिलो तिया व्याभिचार हारखी मदिरा आरी मस्त उवनारा गोये ओते.

³ तेहलाम ते माहु आत्मा माय जंगलूम मेहे लेत गोल्यो, अने आय लाल रंगाचे पशु उपो, जो खाडीइ नावामे पोल्यो ओतु अने ज्याआ सात मुंडको अने दहा हिगों ओते निंदा, होमला बुई ला बोहित रोल्यू देखल्यी.

⁴ ती बुई जाबलो अने लाल रंगोओ कापडे काल्ये ओते, अने हुनो अने बहुमूल्य मणि अने मोत्यांनी होबाडलेली ओती, अने तिया आथोमेहे एक बेनाआ वाटी ओती जी मळीन वस्तूनि आणि तियाआ जारकर्मांनी अशुद्ध सामाने पोल्यो ओतु.

⁵ तिया माथ्यापो ओ नाव लेखिलो ओते, “वोडी बाबेल पृथ्वीई वेश्या अने अशुद्ध याह्ही.”

⁶ आय तिया बुई ला पवित्र मांहोओ रक्त अने येशुउ साक्षीचे रक्तामेहे मस्त उवली देखल्यी; तीही पालीत आय चकित उवनारा गोल्यू.

बुई अने पशुउ अर्थ

⁷ ओमे तिया स्वर्गदूतांवाही माहु कोयु तू काहा चकित ओवयू? आय तियाअ बुई अने तियाअ पशु, ज्यापो ती बोही होय अने तियाआ सात मुंडको अने दहा हिगों होय, ताहु भेद देखाडत्लू.

⁸ तो पशु तू पाल्यू, तो पहीले ताहा ओतु पण ओमे नाहा होय, अने अथाह कुण्ड मेऱ्यो निहित विनाशात पोडी; अने पृथ्वीई रोणारे ज्याआ नाव जुगाआ समया पोरोत जिवताज पुस्तकाम लेखिलो नाहा गोये, या जनावर एए दशा पालीत का पहीले ओतु ओमे नाहा होय फासाडी फासी आवीत जाइअलो आश्चर्य कोआ.

⁹ तिया बुद्धीसाठी राज्याम ज्ञान होय, एज वेल होय ते हेगांति मुंडको सात डोगो होय ज्यापो ती बुई बोही होय.

¹⁰ ते सात राजे पोन होय, पाच ताहा उवे होय, अने एक आवयू होय, अने एक ओमे पर्यंत आवयू नाहा, अने जांहा आवेताहा किबी टायमोआ पर्यंत तियाआ रोहिलो पण आवश्य होय

¹¹ जो पशु पहीले ओतु, अने ओमे नाहा होय, तो खुद ओर होय अने तियाअ सातीन माय उत्पन्न ओवयू विनाशात पोडी.

¹² जे दहा हिगों तू पालील्यो ते दहा राजा होय तिये ओमे पर्यंत राज्य नाहा मिलन्ये, पण या पशु आरी थोडो टायमोआ पर्यंत च्या याकोअता राज्याआ सारखू अधिकार मिलवीही

¹³ ते आखे एक मोन होय, अने ते आपाआ-आपाआ सामर्थ्य अधिकार तिया पशु आपित आपे.

मेंडाआ कोअता जित

¹⁴ ते कोकऱ्या आरी सुलाए, अने कोकरा यापो जय मिलवीही, काहाके का तो प्रभून चा प्रभू राजांचा राजा होय, “अने जे हादले होय अने निवडाविले अने विश्वासी होय ते तियाआ आरी; तेबी जय प्राप्त कोए.”

¹⁵ फासाडी तिये माहु कोयु, जे पाई तू देख्यू, ज्यापो वेश्या बोही होय, ते ताहा मांहे गोर्दी अने जातीही लेतावे भाषा होय.

¹⁶ जे दहा हिगों तू पालील्यो, ते पशु तियापो वेश्या आरी द्वेष कोअता, अने तीही उजाड अने नग्न कोईत आपे, अने तीई माहा खात टाकीदेय, लेतावे तीही आगीम पेटाडीत टाकीदेय.

¹⁷ काहाके का परमेश्वर तियाआ मोनुमे ओ टाकही का ते याआ जोवे पुरो कोअही, अने जाहा पर्यंत परमेश्वरोओ वचन पुरो न उवनारा जाइलो तो पर्यंत एक मोन उवनारा आपाआ-आपाआ राज्य पशु आपित आपा.

¹⁸ ती बुई, जीही तू पालील्यो होय, तो वोडू नगर होय जो धरतीई राजासनापो होय.