मरकुस 8 - नोयरी नोवलू नियम

येशु द्वारा पाच हजार मांहोहो खवाडलोओ

¹ त्या दीहो मेहे जाहा फाशी वोडी गोर्दी एखठी टोलवात गोई अने त्यापोओ कीज खाहु ने ओतो ते तो तियाआ चेलाहा आहने हादीत तियाहा कोयो,

² माहु आव माहाहूपो दया आवयू होय, काहाके ते तीन दिवसापोरोत माआ आरीज होय अने तियापो खाहुं किबी नाहा जर आय याहा फुकल्यो कोआ मोकलित आप्लु, ताहा वाटेपो थुकीत रोत जाइअलो; काहाके यामेहे किबी सेटेरोत आव्ये होय.

³ जर आय याहा फुकल्यु कोआ मोकलित आप्लु, ताहा वाटेपो थुकीत रोत जाइअलो; काहाके यामेहे किबी सेटो रोत आव्ये होय.

⁴ तियाआ शिष्यांनी तियाहा उत्तर आप्लु, “इही जंगल माय ओतो रोटा कोडू कोरात लेतआवही का ओ तृप्त होय?”

⁵ तिये तियाहा फ़ुस्ल्याआ; तुमाही केतो रोटा होय? “तिये कोयु,” “सात.”

⁶ ताहा तिये माहुंहु धरतीपो बोहीला कोअता आज्ञा आप्यी, अने तियाअ सात रोटा लेदिओलो अने आशीर्वाद आपित तोडीअते, अने आपाआ शिष्यांआ आपित गोल्यो का तियाआ आगाडी मेक्ल्ये, अने ते मांहाहा आगाडी वोदित आप्लु

⁷ तियाआ जागे थोडी हानू मासे पण ओते; तिये आशीर्वाद आपित तियाहा पण मांहाहा आगाडी मेकुहू आज्ञा कोअयी

⁸ ते खात तृप्त होतगोयो गोये अने शिष्यांनी उरील्योओ तुकडावाही आरी सात टोपल्या पोईत विसित

⁹ अने मांहे च्यार हजारोंओ आरी ओते, ताहा तिये तियाहा मोकल्ये,

¹⁰ अने तो लागेज आपाआ शिष्यांवाही आरी नावेपो सोडवीत दलमतुता प्रदेशाम निहित गोल्यो.

फरीसी द्वारा चिन्हों मांग

¹¹ फासाडी परुशी आवीत तियाआ आरी वाद-वाद कोहू लागाडीत, फासाडी तियाहा तोपासित पालीला याकोअता तियाआ त्यापोरोत होर्गाआ चिन्ह माग्ये.

¹² तिये आपाआ आत्मा मेहे दुखी ओतगोयु लेत कोयु, “आव वेळेसचे मांहे काहा? चिन्ह मागतले? आय तुमामे खोरो कोत्लू का आव वेळेसचे माअहारोत याकोअता नाहा चिन्ह नाहा आप्लु जाइअलो.”

¹³ अने तो तियाहा सोडीत फासी नावेपो सोडवीत बोहयु अने तिवोल निहित गोल्यो.

फरीसी खमीर

¹⁴ शिष्य रोटा लेई विहराइत गोये ओते, अने तियाआ नाव पोओ एकुच भाकर ओती.

¹⁵ तिये तियाहा जोतडाहि “पाला परुशियाहा खमीर अने हेरोदाआ खमिरापोरोत सावध रो.”

¹⁶ ते आपसामेहे विचार कोअला लागाडीत “आमा पोओ भाकर नाहा.”

¹⁷ ओ होमजीत येशु तियाहा कोयु, तुमु काहा आपसामेहे ओ विचार कोईत होय, का आमापो रोटा नाहा? नाहाकोत ओमे पर्यंत तुमामे नाहा मालुम नाहा होमजे? कि तुमाआ मोन कठीण होतगोयो गोये होय?

¹⁸ कि डोआं ओमेत नाहा पालीत, अने कान ओमेत नाहा होमलित? अने कि तुमामे स्मरण नाहा

¹⁹ का आय ओयो चोर हजारांकोअता पाच रोटा तोडीअते ओती ताहा तुमु तुकडाआ केतो टोपाली पोईत विशी तिये तियाहा कोयु, “बारा टोपल्या.”

²⁰ “अने ताहा च्यार हजारां कोअता सात रोटा लेदिओलो ताहा तुमु तुकडाआ केतो टोपल्या पोईत विसली?” तियाहा कोयु, “सात टोपल्या.”

²¹ तो तियाहा कोयु; “नाहाकोत तुमु ओमे पर्यंत होमज्ये नाहा?”

आंदलाहा हाजु कोअयु

²² ते बेथसैदा मेहे आव्ये; अने मांहे एक आंदलाहा लेत आव्ये अने तियाहा विनंती कोअयी का तियाहा स्पर्श को.

²³ तो तिया आंदलाआ आथे तोईत तियाहा गावोओ बारथे लेत गोल्यो अने तियाआ डोआम थुकीत तियापो आथे मेकलू, अने तियाहा फ़ुस्ल्याआ “नाहाकोत तू किबी पालत्लू काहा?”

²⁴ तिये डोआं उगाडीत कोयु, “आय मांहाहा पालीत होय; ते माहु सालतावाही साडोहोस देखात्ले.”

²⁵ तेहलाम तिये दिहरावाही तियाआ डोआपो आथे मेकलू, अने आंदलाहा व्यवस्थित पहिल्यो हाजू ओवयू अने आखे किबी स्पष्ट-स्पष्ट पालुहू लाग्यू

²⁶ तिये तियाहा ओ कोत कोआ मोक्ल्यीत, “आव गावोओ सेटे गुडू पण मेक चा नाहा.”

पतरसो द्वारा येशु मसीह ग्रहण कोअलो

²⁷ येशु अने तियाआ शिष्य कैसरिया अने फिलीपिया आव गावून निहित गोये वाटेपो तिये आपाआ शिष्यांआ फ़ुस्ल्याआ, “मांहे माहु कि कोतेहे?”

²⁸ तिये उत्तर आप्लु, “योहान बाप्तिस्मे आपणारू, पण कोडु-कोडु एलिया अने कोडु-कोडु संदेष्टाहा मायत्यू एक होय एहलो कोतेहे.”

²⁹ तिये तियाहा फ़ुस्ल्याआ, परंतु तुमु माहु नाहाकोत कोतेहे? “पेत्राई तियाहा उत्तर आप्लु,” “तू ख्रिस्त होय.”

³⁰ ताहा तिये तियाहा धमकाव्यो आपित कोयु का माआ विषयी ओ कोडोबी कोहू नाहा.

येशु तिया मृत्यु विषय मेहे कोयु

³¹ कोईत तो तियाहा हिकाळूहोता लाग्यू का माअहा पोऱ्याकोअता आवश्यक आग का तो जाअखो दु:ख सोसेल अने बाह्हू मांहे अने मुख्य याजक, अने शास्त्री तियाहा तुच्छ होमजीत माईत नटाके एने तो तीन दिहोम जिवंत उवे.

³² तियाआ गोठी तियाहा खर खोरो कोत आप्यी आव याकोअता पेत्र आंगेज जागे जात धमकाव्यो लाग्यू,

³³ पोन तो फिरीत आपाआ शिष्यानकडे पालहु अने पेत्राहा धमकाव्यो कोयु, “ओ शैतान, माआ आगला रोत सेटे जा; काहाके तू परमेश्वरोओ गोठीपो नाहा, परंतु मांहाहा गोठीमे मोन लागेहे.”

चेला बनलो अर्थ

³⁴ तियाआ गोर्दी आपाआ शिष्यांवाही आरी जागे हादीत तियाहा कोयु, “जो कोडु माआआरी आवी इच्छितात, तिये आपाआ त्याग कोईओलो अने आपाआ क्रूस विसित, माआ फासाडी आव.

³⁵ कोईत आपाआ जीव जो वाचाआडयो पालत्लू तो तियाहा वासाड़े, पण जो कोड़ो मापो सुवार्ता प्रसार याकोअता आपाआ जीव टाकालू तियाहा तो वासाडे

³⁶ जर मांहु आखा जगाला जिंकीते अने आपाआ आत्माआ नाश ओवयू ताहा तियाहा नाहाकोत लाभ उवे

³⁷ माहु आपाआ जीवोओ बद्दल की आपे?

³⁸ जो कोडु व्यभिचारनी अने पापी जाती च्या माय माआ त्यापोरोत अने माआ गोठी त्यापोरोत बाले, माअहा पोऱ्या पण जांहा ते पवित्र दूताआ आरी आपाआ बाह्हाआ महिमा आरी आवे, तियाआ पोरोत बालीलो.”