मरकुस 3 - नोयरी नोवलू नियम

उगालाआ आथोवालू मांहो हाजु ओवलोओ

¹ येशु फाशु मंदिरोमेहे गोयु तीही एक माहू ओतो तियाआ आथ पांगलू ओतु,

² अने तियापो दोष मेकीलू कोईत शब्बाथ तेदीही तो तियाहा हाजो कोअत्लू का कि ओ पालुहू ते निकाइत बोह्ये ओते.

³ तेहलाम तिये आथे उगाला माहुंहु कोयु, उठ, अने उबु रो

⁴ फासाडी तो तियाहा कोयु, शब्बाथ तेदीही हाजो कोअला किंवा वाईट कोअला, जीव वाचाडिलो किंवा जीव घेणे यामरोत कोठले सशास्त्र होय? पण ते उगेच रोल्या

⁵ फासाडी येशु रागामे भरात आखांही पालील्यो अने तियाअ माहुंहु आथे सेटू को; तिये आथे सेटू कोअयु अने तो हाजू ओवयू.

⁶ फासाडी परुसी बारथे जात येशुउ घात केहलु कोईओलो याविषयी लागीस हेरोदिया आरी त्याविरुद्ध मसलत कोईत बोह्ये.

गोर्दी येशु जागे आवयी

⁷ येशु आपाआ शिष्याआरी गालील च्या तलावोही निहित गोल्यो अने गालीलामे वोडू जमाव फासाडी-फासाडी निघाल्यू,

⁸ यरुशलेम, यहुदिया, ईदोम अने यार्देनचा तीवोगर्यु भाग अने सोरव सिदोन याआ आसेपासेए भाग यामरोत वोडू जमाव जी वोडवोडी काम कोईत ओतु त्याविषयी होमलित तिया जागे आवयू.

⁹ तेहलाम गर्दीवही आपु चेंगरून जाऊ कायना कोईत तिये शिष्यांआ आयती नाव तीयार कोईलाकाजे कोयु.

¹⁰ काहाके तिये दिहराहा हाजो कोल्यु ओते कोईत जे रोगोम पिडलेले ओते ते आखे तियाहा स्पर्श कोईलाकाजे तियाआ डीलोपो पोडीत ओते.

¹¹ जाहा-जाहा अशुद्ध आत्मा तियाहा पालीत ओते तेहलाम ते तियाआ गुडू पोडीत कोयो का तू परमेश्वरोओ पोऱ्या होय

¹² अने तो तियाहा धमकाव्यो आपित कोयु एहलो का याविषयी गोगू नाहा.

येशु द्वारा बारा प्रेरितो निवड

¹³ फासाडी तो डोगोप सोडित गोल्यो अने तियाहा हवे ओते तियाहा हादाडये अने ते तिया जागे आव्ये.

¹⁴ तेहलाम तिये बारा जणोपो नेमणूक कोअयी; यकोअता का, अने ते तियाआ आरी-आरी रोये अने तो तियाहा मोकले का प्रचार कोआ

¹⁵ इये आपाआरी रोहू अने दुष्टात्मा काडीला अधिकार आपित उपदेश कोईलाकाजे तियाहा मोकल्यु.

¹⁶ तिये याआ बारा जाणाहा नेमणूक कोअयि अने शिमोनाहा पेत्र ओ एक नाव आप्लु

¹⁷ जब्दीचा पोऱ्या याकोब, अने याकोबाआ पाही योहान याहा बोआनेर्गेस म्हणजे गर्जनेआह पुत्र ओबी नाव आप्लु,

¹⁸ आंद्रिया, फिलीप्प बरतुल्मै, मतय, थोमा, अल्फीई पोऱ्या याकोब तद्दै अने शिमोन कनानी,

¹⁹ अने तदद्य शिमोन कनानी अने तियाहा तोईत आपणारो यहुदा इस्करियोती.

येशु अने बालजबुल

²⁰ फासाडी तोअ कोअ आवयू तेहलाम फासी एवडे मांहे एकटा का तियाहा खायलाकोत ए वेल मिळेना.

²¹ ओ होमलित तियाआ होगवाड्ये तियाहा तोइलाकजे निकलीलू काहाके तियाहा गांडवायू लागाडीत होय एहलो त्याआं कोईओलो ओते.

²² यरूशलेमामेरोत आवल्या शास्त्री कोयो ओते का तियाहा बालजबुल लाग्यू होय तो तिया दुष्ट आत्माआ ओ सरदाराआ अने तियाआ मदतीवाही दुष्टआत्मा काडत्लू

²³ ताहा तो तियाहा आपाआरी हादीत दृष्टान्त कोनू लाग्यू का, शैतान शैतानोहो केहलो काढे?

²⁴ अने जर आपसामेहे फुट पोडल्ये राज्य तिकतो नाहा जर राज्यामेहे फुट पोडे ते राज्य उजाड ओतगोयु जाहो अने फुट पोडे ते कोअमें केहे टिकनारो?

²⁵ आपसामेहे फुट पोडल्ये कोए टीकीत नाहा

²⁶ शैतान खुद्पो उठ्यू अने तीयाम फुट पोड्यी ताहा तोए टीकीत नाहा तिया आखिर उवे.

²⁷ ताकदवान माहुंहु पेल्योओ बांधल्यावांही कोडोबी तियाआ कोअमे शिरून तियाआ धनदोलत तियाहा बांधल्यापोज तियाआ को लुटेलो आवे.

²⁸ आय तुमाहा खचीत कोत्लू का मानवपुत्राआ आखे एह्लाम पापापो अने निंदा कोईओलो दुर्भाशनाआ क्षमा उवे,

²⁹ पोन जो कोडु पवित्र आत्माआ निंदा कोआ तियाहा क्षमा नाहाज ताहा तो सार्वकालिक पापाआ दोषी होय.

³⁰ तियाहा अशुद्ध आत्माआ लाग्यू होय, एहलो ते कोयो ओते कोईत तोओ बोलतुल्यो.

येशुउ याह्ही अने पाहि

³¹ तेहलाम तियाआ याह्ही अने तियाआ पाही आव्ये अने बारथे उभे रोत तिये खोबोर मोकलित तियाहा हादाडये.

³² त्यापरोत खूप मांहे बोह्ये ओते ते तियाहा कोयु पाला, बारथे आपाआ याह्ही अने आपाआ पाही आपाआ होद कोईत होय

³³ तिये तियाहा उत्तर आप्लु कोडू माआ याह्ही अने कोडू माआ पाही?

³⁴ फासाडी जे तियाआ भोवती बोह्ये ओते त्याआरोत पालहु तो कोयु, पाला, ए माआ याह्ही अने ओ माआ पाही

³⁵ जो कोडु देवाच्या इच्छेवही वागीलो तोज माआ पाही, तेज माआ बोईही अने तेज माआ याह्ही.