मत्ती 19 - नोयरी नोवलू नियम

तलाको प्रश्न

¹ जहा येशु ऐ गोठी कोत देही ते गलील भाग मेहे जातु रोयु अने यरदोन खाड़ीई ती वूगे यहूदिया देसामेहे आयु.

² तेहलाम वोडी गोर्दी तिया फासाडी आवीत ओती, अने तिये तीइही तियाहा हाजो कोल्यु.

³ तेहलाम परुसी तियाआ परीक्षा पालीला कोअता जागे आवीत कोइत्लु लागाडीत, कोडनीबि कारणोपोरोत आपाआ लाडीही छेळने हाजो होय?

⁴ तिये उत्तर आप्लु, नाहाकोत तुमु नाहा वाचले का जिये तियाहा बोनाडल्ये, तिये सुखातीहीज नर अने लाडी बोणाडीत कोयु,

⁵ तिया होआता मांहु आपाआ याह्ही बाहाची अलग ओतगोयु आपाआ लाडीआरी रोही अने ते बेन एक डील होय?

⁶ यामुळे ते ओमे बेन नाहा, ताहा एक डील होय कोईत ज्याहा देवूही जोडीत होय, तियाहा मांहु अलग नाहा कोईओलो.

⁷ तिये तियाहा कोयु, फासाडी मोशेई ओ काहा ठेरवीही का सूटपत्र आपित तीही सोडीत आप?

⁸ तिये तियाहा कोयु, मोशेई तुमाआ मोनोमेहे कोठोर पणावाही तुमामे आपाआ-आपाआ लाडीही सोडीत द्यायची आज्ञा आप्लु, पण सुरवातीती एहलो नाहा उवनारा.

⁹ अने आय तुमामे कोत्लू, का जो कोडु व्यभिचार कोईत अने जारकर्माच्या कोईलाकोता आपाआ लाडीही सोडीत दिहरि आरी वेहवाल कोअनारू, तो व्यभिचार कोअत्लू; अने जो तियाअ टाकल्या बुई आरी वेहवाल कोअनारू, तो पण व्यभिचार कोत्लू.

¹⁰ शिष्यांनी तियाहा कोयु, जर अमे एहलो संबंध होय, ताहा वेहवाल न कोयु हाजो.

¹¹ तिये तियाहा कोयु, आखे ओ वचन स्वीकारीत शकत नाहा, फक्त जे ज्याहा ओ दान आप्या गोये होय.

¹² काहाके किबी नपुसक होय, ते याह्ही उदरी एहलो जनम्यो; अने किबी नपुसक एहलो होय, जाअलो मांहुहू नपुसक बोनाडल्ये; अने किबी नपुसक एहलो होय, जीयाहा होर्गा राज्याकोअता आपाआ खुदला नपुसक बोनाडहि ओयतो तियाहा ग्रहण कोहू शकतो, तिये ग्रहण कोईओलो.

सोआहा आशीर्वाद

¹³ तेहलाम माहु पोऱ्याहा जागे लाविलो का तो तियापो मेकीत प्रार्थना कोईली, पण शिष्यांनी तियाहा धमकाव्यो.

¹⁴ येशु कोयु, पोऱ्याहा माआ जागे आवहू देवा, अने तियाहा नाहाकोत कोहू नाहा काहाके स्वर्गाचे राज्य तिया सारखा होय.

¹⁵ अने तो तियाआ उपो आथे मेकीत तीहीरोत निहित गोयू.

धनी जवानो महत्वाआ प्रश्न

¹⁶ एक मांहु येशु जागे आवयू अने तिये कोयु, ओ गुरुजी, आय कोठले हाजो काम कोहू का सार्वाकलिक जीवोन मिलुजोवे?

¹⁷ तो तियाहा कोयु, तू माहु हाजा विषयी काहा विचारतोस? हाजू एहलो एकाच होय, पण तेबित जीवनामे प्रवेश कोहू इच्छितोस, ताहा आज्ञा पालाहा.

¹⁸ तो तियाहा कोयु, कोडली आज्ञा? येशु कोयु, ओ का खून नाहा कोअहू, व्यभिचार नाहा कोहू, चोरी नाहा कोहू, झुटी साक्ष नाहा आपुहू,

¹⁹ आपाआ बाह्हू अने आपाआ याह्ही चा सन्मान को, अने आपाआ आरी कोरयापो प्रेम को.

²⁰ तो जुवान तियाहा कोयु, ओ आखे ताहा आय पोड्ये होय; ओमे मामेह कोडला गोठीई धाकनाय होय?

²¹ येशु तियाहा कोयु, जर तू पुरो ओवुहू इच्छितो ताहा जा, आपाआ माल वेचितो गोरब्योहो आप, अने ताहु होर्गाम धन जोडीत; अने चाला माआ फासाडी आव.

²² पोन तो जुवान ए गोठी होमलित नाराज ओतगोयु निहित गोल्यो, काहाके तो जाखो श्रीमंत ओतु.

²³ फासाडी येशु आपाआ शिष्यांआ कोयु, आय तुमामे खोरो कोत्लू का पोस्यावालो होर्ग्याआ राज्याम प्रवेश कोअला कठीण होय.

²⁴ तुमामे फासी कोत्लू का परमेश्वरोओ राज्याम धनवानाआ प्रवेश कोईत घेणे यापोरोत उटडाहा हुयीइ नास्कामेरोत जाअलो सोपो होय.

²⁵ ओ होमलित शिष्य जाअखो थक्क होतगोयो कोयु, फासाडी कोडाआ तारण उविलो शक्य होय?

²⁶ येशु त्याआरोत पालीत कोयु, महांआ त्यापोरोत ताहा ओ नाहा ओवुहू शकत, पण देवोहो ताहा आखे किबी ओवुहू सेकोहो.

²⁷ यापोरोत पेत्र तियाहा कोयु, पाला, आमाहा ताहा आखोज सोडीत ताआ फासाडी आवयू होय ताहा आमाहा नाहाकोत जुळणार?

²⁸ येशु तियाहा कोयु, आय ताहु खर कोत्लू का नवूजीवन आय जांहा माअहा पोऱ्या आपाआ गौरवाच्या राजासनापो बोहोनारो, ताहा तुमु पण माआ फासाडी चालते आविलो, बारा सिहासनापो बोहित इस्राएलोओ बारा वशांआ न्यायनिवाडा कोअनारू.

²⁹ अने ज्या कोडु कोअ, पाही, बोईही, बाह्हू, याह्ही, लेकर-बाळ खेतोमे माआ नावाकोअता सोडीत आप्लु होय, तियाहा होव पट मिलून, अने ते सार्वकालिक जिवनाआ अधिकार जोडीत

³⁰ पोन जे पहीले होय, शेवटयो उवे; अने जे शेवटयो होय, ते पहीले उवे.