मत्ती 17 - नोयरी नोवलू नियम

येशुउ रूपान्तर

¹ सोव दिहो फासाडी येशु पतरसाहा अने याकूब तियाआ पाही यूहन्नाहा तियाआ आरी लेदो अने तियाहा एखलामेहे ऐखु उचा डूगोपोओ लेत गोयु.

² तीही तियाआ आगाडी तिया रुप बोदलीत गोयो अने तियाआ सोब सूर्याहोस चमकील्यो अने तियाआ कापडे खूब सोमकुहु लागाड़ीत.

³ अने मुसा अने एलिया येशु आरी गोठी अतांवाही तियाहा देखायो.

⁴ तियाअ वेले पेत्र येशुहू कोयु ओ प्रभू आमाहा ईहि रोहिलो हाजो होय जर ताआ इच्छा होय ताहा आय इही तीन मंडप बनाविलो एक ताकोता एक मोशे याकोअता अने एक एलिया याकोअता.

⁵ तो बोलताआ ओतु एक उजळलेल्या वादलावाही तियाहा टापित टाक्ये अने तियाअ वादलामरोत ओ शब्द आव्ये ओ माआ परम प्रिय पुत्र होय या आय प्रसन्न होय तियाआ होमला.

⁶ तीन शिष्य ओ होम्लाडित सोबाडीपो पोडये अने जाखो बितगोये.

⁷ येशु तियाहा जागे आविलो स्पर्श कोल्यु अने बोलतुल्यो बित नाहा.

⁸ तेहलाम तिये आपाआ डोआं उगाडीत येशुहू सोडीत कोडोबी पालील्यो नाहा.

⁹ जांहा ते टेम्बापरोत उतरीलो ओते तेहलाम येशु तियाहा ए आज्ञा आप्यी जो पर्यंत माअहा पोऱ्या मोल्यामरोत उठाडीते जाईतांहुंजा जे तुमु पहीले ते कोडोबी कोहू नाहा.

¹⁰ तियाअ उपो तियाआ तीन शिष्यांनी तियाहा फ़ुस्ल्याआ का शास्त्री काहा कोतले का एलीयाचे पहीले आविला आवश्यक होय?

¹¹ तिये उत्तर आप्लु एलिया आवे अने आखोज हूदरेहे.

¹² परंतु आय तुमाहा कोत्लू का, एलिया आविलो गोल्यो अने माहु तियाहा ओलखे नाहा परंतु जेहलो जोवे तेहलूज तियाआ आरी कोल्यु एहलो रीतीवाही माअहा पोऱ्या पण तियाआ आरी दु:ख सोसेल.

¹³ तेहलाम शिष्यांआ होमज्ये का तिये आमापोरोत योहान बाप्तिस्मे आपनाऱ्या विषयी कोयु होय.

मिर्गीई पीडीत सोआहा हाजो कोअलोओ

¹⁴ जाहा ते गोर्दी आगाडी पुग्या, ताहा एक मांहु तिया जागे आवयू अने गुडघे टेक्यू कोहू लाग्यू,

¹⁵ ओ प्रभू माआ पोऱ्यापो दया को काहाके फेकरे कोआ येत अने तियाहा जाखो त्रास ओतू अने फासी-फासी आगीम अने फासी-फासी पाअयोम पोडीत जात्लू.

¹⁶ अने ते ताआ शिष्यापोरोत लाविले ओते पण ते तियाहा हाजो नाहा कोहू सेकेले.

¹⁷ येशु उत्तर आप्लु ओ विश्वास नाहा अने कुटील पिढी आय काजा त्याआरी असू? काजा तुमाआ सोसू? तियाहा इंही माआरी लेतआव.

¹⁸ ताहा येशु दुष्टात्मा धमकावयू, ताहा तो त्यामेरोत निहित गोये अने तियाआ घटकेरोत पोऱ्या हाजू ओवयू.

¹⁹ ताहा शिष्य एकलुज येशुआरी आविलो कोयु आमाहा दुष्टत्मा काहा काढता आव्ये नाहा?

²⁰ तो तियाहा कोयु तुमाआ कमीथोडा विश्वासामेरोत काहाके आय तुमामे खर कोत्लू काहा जर तुमाआ माय मोहरी दाना विश्वास एह्लू ताहा याआ डोगोहो ईहिरोत तीही हारके एहलो तुमु कोअया तो हरकले तुमामे किबी असाध्य उवे नाहा.

²¹ पोन यी जातीई पुत्डु बिगर प्रार्थना अने उपासाआ ने निकलित्ली होय.

तियाआ मोअलो विषय मेहे येशुउ इजी भविष्यवाणी

²² जांहा येशु अने तिया शिष्य गालीलामे ओ एकठे एकटा ओतुताहा येशु तियाहा कोयु माअहा पोऱ्या माहूक आथे तोईत आपी होय,

²³ ते तियाहा जीवे माये अने तिसऱ्या तेदीही तो उठावलो जाइअलो तेहलाम ते जाअखो खिन्न उवे.

मंदिरोंओ फालू लेअलोओ

²⁴ जांहा येशु अने तिया शिष्य कफर्णहुम शहर आवेताहा मंदिर पट्टीइ पोशाआ वसूल कोअनारे पेत्राई आविलो कोयु तुमाआ गुरु मंदिराआ पट्टीइ पोशाआ आपित नाहा नाहाकोत?

²⁵ तिये कोयु होय आपत्ले फासाडी पेत्र कोअमे आवेताहा तो गोगीला आगाडी येशु कोयु, शिमोन, ताहु नाहाकोत लागेहे? पृथ्वीपो राजे जकात किंवा कर कोडापोरोत लत्ले? स्वतःआ पोऱ्यापोरोत का परक्यांपासून?

²⁶ परक्यांपासून ऐ तिये कोयूताहा येशु तियाहा कोयु ताहा पोऱ्ये मोकलो होय.

²⁷ तेबी आपु तियाहा अडथळा अनु कायना कोईत तू जात गलीलो समुद्राम गळ टाक अने पेल्लो उपो आवे तो मासू तोईत-तोईत तियाआ सोब उघड म्हणजे ताहु बेन रुपयाह नाणे जोडे ते घेऊन माबद्दल अने ताआ बद्दल तियाहा आप.