मत्ती 16 - नोयरी नोवलू नियम

फरीसी द्वारा येशुहू फारक्या

¹ परुशी अने सदुकी तियाआ आहाने आवित ते तियाहा पारखुहु कोया आमाहा होर्गा काही निशानी देखाड.

² तिये तियाहा उत्तर आप्लु, हांजेपो तुमु कोतले, हवामान हाजो रोही, काहाके जुग तांबूस होय,

³ अने अगड ला कोतले आज आभाळ सुटे, काहाके का जुग तांबूस होय अने अगड होय तुमु जुगुओ लक्षण पालहु तिया स्वरूप कोहू शकहू, परंतु काळाआ लक्षणे काहा नाहा कोहू शकत?

⁴ आव दुष्टाआ अने व्यभिचार मांहे चिन्ह होदित होय, परंतु योनाआ चिन्हावाचून तियाहा फासी किबी चिन्ह न आप्लु जानारू अने ते तियाहा सोडीत निहित गोये.

फरीसी अने सदिकी खमीर

⁵ शिष्य गलीलो समुद्राआ तिवोल गोये, पण ते जेवण लेई विहरात गोये.

⁶ येशुनी तियाहा कोयु, पाला परुसी अने सदुकीच्या खमीर विषयी सावध रो.

⁷ ते आपसामेहे चर्चा कोहू लागाडीत, आमाहा रोटा नाहा लेताव्या याकोअता तो तेह्लू कोत्लू.

⁸ ओ ओलखीत, येशुनी तियाहा कोयु, अरे अल्प विश्वासी, तुमु आपसामेहे नाहाकोत चर्चा कोईत होय का आमा कढे भाकर नाहा?

⁹ के तुमु फासी नाहा होमज्ये? के तुमामे तियाअ पांच हजाराचे पांच रोटा स्मरण नाहा, अने तुमु केते टोपल्या विशी ओती?

¹⁰ अने तेहलूज ते च्यार हजारोहो सात रोटा, अने तेहलूज ओ का तुमु केतो टोपल्या पोईत लेदिओलो?

¹¹ तुमु काहा नाहा होमज्ये का आय तुमामे रोटा विषयी आय नाहा कोयु, पण ओ का परुशी अने सदुकीच्या खमीर विषयी सावध रो.

¹² तेहलाम शिष्यांहा होमज्ये का तियाआ रोटाहा खमीर विषयी नाहा, पण परुसी अने सदुकीयाआ शिक्षणाशी सावध रोअलाकाजे कोयु ओते.

पतरसो येशुहू ग्रहण कोअलो

¹³ येशु कैसरिया फिलीप्पी भागुम आवयू, अने आपाआ शिष्यांआ फुसिलो लाग्यू, मांहे माअहा पोऱ्याहा की कोतेहे?

¹⁴ शिष्यांनी कोया, केते योहान बाप्तिस्मे कोअनारू कोतले अने केते एलिया, अने केते यिर्मया कोयो संदेष्टामें वक्ता कोडु एक कोतेहे.

¹⁵ येशु तियाहा कोयु, पण तुमु माहु की कोतले?

¹⁶ शिमोन पेत्रा तियाहा उत्तर आप्लु, तू जिवंत परमेश्वरोओ पुत्र मसीह होय.

¹⁷ येशुनी तियाहा उत्तर आप्लु, अरे शिमोन, बार्योनाआ पुत्र, तू धन्य होय; काहाके मांस अने रक्त यांहि ताहा, पण माआ बाह्हू तो होर्गाम होय, ए गोठी तुमाहा प्रगट कोअली होय.

¹⁸ अने आय पण ताहु कोत्लू का तू पेत्र होय, अने आय आव दोणोपो आपाआ मंडली बोनाडनारू, अने अधोलोकाआ बायनाहा किबी सालनारू नाहा.

¹⁹ आय ताहु होर्ग्याआ राज्याआ किल्ली आपी अने जे किबी तू धोरतीपो मोकले कोअनारू, ते होर्गांम उगड्यो जाइअलो

²⁰ ताहा तिये शिष्यांआ चेतावनी आप्यू का कोडाआ नाहा कोलु का आय ख्रिस्त होय.

तियाआ मोअलो विषय मेहे येशुउ भविष्यवाणी

²¹ ते तियाअ टायमामोरोत येशु आपाआ शिष्यांआ कोहू लाग्यू, गरजेए होय का आय यरूशलेमाआ जात अने बाह्हू, अने मुख्य याजक अने शास्त्री याआ त्यापोरोत खूप दु:ख सोसावे, अने माअये जालो; अने तिसऱ्या तेदीही जिवंत उवे.

²² यापोरोत पेत्र येशुहू सेटे लेतावीत धमकाव्यो, अरे प्रभुजी देव न कोआ ताआ आरी एहलो केधी ने ओवो.

²³ येशु फासाडी फिरित पतरसोहो कोयु, हे शैतान, माआ आगला रोत सेटे घेऊन जातू ता कोअता ठेचचा काहाके होय; काहाके तू परमेश्वरोओ गोठीपो नाहा; ताहा मासाहा गोठीपो मोन लागाडीत होय.

येशुउ फासाडी जाअलो मतलब

²⁴ ताहा येशु आपाआ शिष्यांआ कोयु, जर कोडु माआ फासाडी आवहू इच्छा कोअत्ले, ताहा स्वताचा त्याग कोअही ताहा आपाआ क्रूस विसित, अने माआ फासाडी सालीलो.

²⁵ काहाके आपाआ जीव वासाडलो आलीही, तो तियाहा गोमावीत टाकही; अने जी कोडु माआ याकोअता आपाआ जीव टाकणारे, तो तियाहा जोडीत.

²⁶ जर मांहुहू आखा जगाला मेलविनारो, अने आपाआ जिवोअ नुकसान उठावनारो, ताहा तियाहा की लाभ? जर मांहु आपाआ जीवनाआ बदली की आपी?

²⁷ माअहा पोऱ्या आपाआ स्वर्गदूत आरी आपाआ बाह्हाआ महिमा आविलो, अने तियाअ टायमोमें तो आखाहा तियाआ कामाला प्रतिफोल आपी.

²⁸ आय तुमामे खर कोत्लू काजे इही उभे होय, तीयामरोत किबी एहलो होय का ते तोपोरोत माअहा पोऱ्याना तियाआ राज्याम आविलावेले न पालजी, तो पर्यंत मोईला अनुभव किदरेहे आविलो नाहा.