लूका 16 - नोयरी नोवलू नियम

चतुर प्रबंधक

¹ फासाडी येशु आपाआ शिष्यांआ कोयु, एक श्रीमंत माहुहू ओतु तिया एक कारभारी ओतु तियापो आरोप ओतु का तो धन सेलाडीत होय.

² तेहलाम तिये हादल्यो अने कोयु, तोहबारामे आय ओ नाहाकोत मानत्लू? आपाआ कारभाऱ्याआ हिशोब आप, काहाके या आगाडी तू कारभारी रोला नाहा.

³ यापो कारभारी लेतजा मोनोमेऱ्यो मोनामे कोयु, माआ मालिक मापोरोत कारभारी काम मागीत होय ओमे आय नाहाकोत कोहू? माआ जागे ओमे एवडी शक्ती रोली नाहा का, आय खेतुम जात खोदिलो गालीला काम कोहू शकतो अने मांगुई माहु लाज लागेहे.

⁴ हाजो ओमे होमज्ये का माहु नाहाकोत कोअला हवे का ज्यावाही जांहा माहु कारभारी पदोपोरोत काढीत टाक्ये जानारू तेहलाम मांहे आपाआ कोअमे माआ सत्कार कोअनारू.

⁵ तेहलाम तिये मालिक च्या हर एक आपणाराहा हादाडये, पाल्या माअहुहू तिये फ़ुस्ल्याआ, माआ मालकाआ ताहु केतो कर्ज आपलो होय?

⁶ तिये कोयु होव माप जेय्तुनचे तेल, यापो तो बोलतुल्यो ओ ले ताआ रोख, अने बोहित वेगु याहा पन्नास कोईत आप.

⁷ फासाडी तिये दिहीराहा कोयु अने ताहु केतो कर्ज आपलो होय? तिये कोयु, होव खाड्डा गवोओ, तो तियाहा कोयु ओ ले ताआ थोबाडा अने होव तियाआ ऐशी कोईत आप.

⁸ यापो तियाआ मालक्योओ तिया अधर्मी कारभारीई प्रशंसा कोअयी काहाके तिये चतुराईवाही काम कोल्यु ओते संसारो माहहू आपा होस माहहू मुळे व्यवहारूम आध्यात्मिक माहुपेक्षा जाखा चतुर ऐ.

⁹ आय तुमामे कोत्लू का, अधर्म मालमत्ता याकोअता आपाआ हेगांति बोनाडा काहाके जांहा धनदोव्लत सेलाय तेहलाम सार्वकालिक निवास तुमाआ स्वागत कोआ.

¹⁰ जे मांहे ज्यापोओ थोडाकोआता विश्वास कोअयु जाइअलो अने याआ प्रमाणोओ ते थोडाकोआता बईमानी ओवुहू सेकतेहे तो जाखा पण बईमानी ओवुहू शकतो.

¹¹ ह्याप्रमाणे जर तुमु सांसारीक मालमत्तापो भोरुसो मेकही नाहा, ताहा खोरो धना विषयी कोडू अल्पविश्वसी विश्वास मेकही?

¹² जे कोडु दिहरा होय जर तुमु त्यांकोअता विश्वासाआ पात्र नेशेय ताहा जे तुमाआ होय ते तुमामे कोडू आपी?

¹³ कोडोबी सेवक दिहे मालकाआ सेवा कोहू शकत नाहा तो एकाहा द्वेष कोअही अने दिहीराहा प्रेम कोअही तो एकाहा तोईत रोही अने दिहीराहा तुच्छ मानही तुमु धन अने परमेश्वर आव बेन जोआआ सेवा एकहरको ओतगोयु कोअता आविलो नाहा.

परमेश्वरो राज्योंओ मूल्य

¹⁴ ओमे जांहा लोभी पुजारी परुश्यांहि ओ होमल्यु, तेहलाम तिये येशुउ जाखो मजाक कोअयी.

¹⁵ आवे तिये तियाहा कोयु, तुमु एहलो होय जे मांहा आगाडी धोर्मी देखाडणारु का तुमु जाखो हाजो होय परंतु परमेश्वर तुमाआ मनाहे ओलखीत्लू मांहे ज्याहा-ज्याहा जाखो किमती होमजीतेहे ते परमेश्वरा कोअता ते तुच्छ होय.

¹⁶ योहानाईहीजा नियमशास्त्र अने संदेष्टाआ मुख्यता ओती तियाआ फासाडी परमेश्वरोओ राज्याआ सुवार्ता प्रचार कोअयी जात होय अने हर एक मांहे वोडो प्रमाणामेहे तिया जागे खेच्ये जात होय.

¹⁷ स्वर्ग अने धोरती नष्ट उवे शक्य होय परंतु नियम शास्रामे एक बिंदू ची शक्ती न तुटणारी होय.

¹⁸ जो हर एक कोडोबी आपाआ लाडी सोडीत दिहरो वेहवाल कोअत्लू तो व्यभिचार कोअत्लू ह्याप्रमाणे जो आपाआ आज्ञाप रोत सोडित देदल्यो कोडाआ लाडीआरी वेहवाल कोअत्लू तो पण व्यभिचार कोईत रोतो.

धनवान मांहो अने गरीब लाजर

¹⁹ ओमे पाला, एक माहुहू ओतु तो जाखो श्रीमंत ओतु तो जाबलो तलम कापडे काले एहलो अने हर एक दीही थातामाटाम जिवनाआ आनंद लेत ओतु.

²⁰ तियाआ जागापो लाजर नावाआ एक गरीब दुखी तियाआ बाअनाजागे पोडीत रोत ओते तियाआ डील फोडक्याआ जखमोवाही पोअल्ये ओते,

²¹ तियाअ श्रीमंत माहांआ उष्टे पोडीतरोल्या तियाआ पेट पोअन्याकोता तो तोडपित ओतु इहिंजा का कुत्रो आवीत ओते अने तियाआ जखमोंहा साटीत ओतु.

²² अने फासाडी एहलो उवे का तो गरीब माहुहू मोल्यु तेहलाम स्वर्गदूत आविलो तियाहा घेऊन गोये अने आब्राहम च्या गोदमध्ये जात बोहाडील्ये तो श्रीमंत माहुहू पण माईत गोल्यो तियाहा जमिनोम गालीलो,

²³ अधोलोक जांहा तोडपित ओतलू जाहा तिये आपाआ डोआं उपो कोअयी तेहलाम आब्राहम जाखो सेटे देखाहे ओतु परंतु तिये लाजराहा तियाआ गोदमध्ये पालील्यो.

²⁴ तेहलाम तिये आवाज आपित कोयु, अब्राहमोओ, मापो दया को अने लाजराहा मोकोल का तो आपाआ अंगठी बुडालीत माआ जीभ हेलो कोईत आपीली काहाके आय याआ आगीम तोडपित होय.

²⁵ पोन अब्राहम कोयु, ओ माआ पोऱ्या, ओर कोतू ताआ जीवोन सहवासाम आपाआ हाजी वस्तु मेलवी अने परंतु लाजराहा वाईट वस्तूच जोड़ी ओमे तो इही आनंद कोईत होय अने तू त्रास कोईत होय.

²⁶ अने याआ आखे परीस्थीतीम आमा अने तुमाआ माय एक वोडी दोरी होय याकोअता का जर कोडु तुमापोओ आवहू इच्छितो तेबी तियाहा जाता आविलो नाहा अने तिहीरोत कोडाआ इही आवीत आविलो नाहा.

²⁷ तिया श्रीमंत माहुहु कोयु, ताहा फासाडी ओ बाह्हा आय ताहु विनंती कोअत्लू का लाजराहा माआ बाह्हाआ कोआ मोकोल,

²⁸ काहाके माआ पाच पाही होय तो तियाहा चेतावणी आपही याकोअता का तिये तेबी याआ त्रास दासी जागापो आवहू कायना.

²⁹ पोन अब्राहम कोयु, त्याजागे मोशे होय अने संदेष्टे पण होय तियाहा त्याआं होमला आप.

³⁰ श्रीमंत महुहू कोयु, नाहा अब्राहमोओ, जर कोडु मोल्यामरोत तियापो जाइअलो ताहा ते मोन फेरविनारू.

³¹ आब्राहम लेतजा तियाहा कोयु, जर ते मोशे अने संदेष्टे याआ होमलित नाहा ताहा जर कोडु मोल्यामरोत जिवंत ओवुहू तियाआ जागे जाइअलो तेबी ते मानणारु नाहा.