याकूब 4 - नोयरी नोवलू नियम

संसारोरी मित्रता

¹ तुमा मेहे लोढाय अने झगडे कारोत आवित गोयी की ते सुख विलासों से ते नाहा जे तुमाआ डीलोमेहे लड़त भिड़त होय?

² तुमु लोभ मिकत्ले, अने तुमामे मिलीलो अने; याकोअता तुमु घात कोत्ले तुमु लढाया अने विडालो कोअता तुमामे याकोअता नाहा मिलीलो का मागित नाहा.

³ तुमु मागतेहे पण मिलविलो नाहा, याकोअता का वाईट इच्छावाही मागतेहे, म्हणजे आपाआ चैनिकरीता खर्चीलोओ कोईत.

⁴ ऐ व्यभिचारनी, कि तुमामे नाहा मालुम का जनामे जोडीदार कोअला देवाआ दुश्मन ठरवतात? आखिर जो कोडु जगाआ हेगांति बोनहू पालोहो, तो आपाआ माह देवोहो दुश्मन ठेरव्यू होय.

⁵ कि तुमु ओ होमजीतेहे का पवित्रशास्त्र व्यर्थ कोत्लू, “ज्या आत्माहा तिये आमा माय बोहाड्यूहु, किते एहलो लालसा कोअत्लू की तिया प्रतिफोल ईर्ष्या होय?”

⁶ तो ताहा जाखा कृपा कोअत्लू, आव कारनो कोईत ओ लेखिलो होय, “देव गर्विष्टानी विरोध कोअत्लू, पण दिन पोओ कृपा कोअत्लू.”

⁷ यकोअता देवाच्या आधीन ओत जा; अने शैतानाआ सामना को, ताहा तो तुमाआ जागेरोत नाही जानारू,

⁸ देवाजागे आव ताहा तो पण तुमाआ जागे आविलो, ऐ पापी, ताआ आथ शुद्ध कोओ अने ओ दुचिता मांहे तुमाआ हृदय पवित्र कोआ.

⁹ दुखी व्हा, अने शोक को, अने रोडा तुमाआ ओहिलो दुखामेहे अने तुमाआ खुशीने नाराजो मेहे माय बोदलीत जानारू.

¹⁰ प्रभू आगाडी दिहे बन्यो ताहा तो तुमामे उसू कोआ.

¹¹ ऐ पाही, एक दिहराआ बदनामी नाहा कोअहू जे आपाआ पाहयोओ बदनामी कोअत्लु निते पाहयोप दोष लागाडत्लु, तो नियमह दोषी ठरर्विलो; अने जर तू नियमापो दोष लागाडीत, ताहा तू नियमापो चालणारो नाहा पण तियापो न्यायाधीश होय.

¹² नियम आपणारो अने न्यायाधीश ताहा एकुच होय, जो वासाडलो अने नष्ट कोअलाआ समर्थ होय पण तू कोडू होय; जो आपाआ आरी कोरयापो दोष लागाडीत?

भविष्यओ चिंता

¹³ तुमु ओ जे कोतले, “आज अने काल आमाहा कोडला तेबी नगर मेहे जात तीही एक वर्ष रोही, अने व्यापाराआ कोमाय कोहू.”

¹⁴ अने ओ नाहा होमजाडीत का काल कि उवे होमलित ते ल्या, तुमाआ जीवोन होय ताहा कि? तुमु ताहा वाफ सारखो होय, जे थोडो वेल देखात्ले फासाडी दिसेनाशी ओते.

¹⁵ यापोरोत तुमु ओ कोहू जोवे जर प्रभूऊ इच्छा होय ताहा आमाहा जीवित रोही, अने इही निते तीही काम बी कोअनारू.

¹⁶ पोन ओमे तुमु फुशारकी कोईत बोडाई कोअता; एहलो आखे बोडाई वाईट ओते

¹⁷ यकोअता जो कोडु हाजो कोअला कोअत्लू अने नाहाकोईत, त्याकोअता तोओ पाप होय.