इब्रानि 13 - नोयरी नोवलू नियम

ग्रहोन योग्य सेवा

¹ पाही चाराआ प्रीति बोनीत रोय.

² पावनाय कोअला विहारायलो नाहा काहाके याच्याद्वारे किबी माहु मालुम नसताना स्वर्गदूताआ सेवा कोअयी होय.

³ बंदीई एहलो राखावली को का जेहलो की तुमु पण बंदी होय अने तियाआरी वाईट वागणुक कोअयी जाहो तियाआ आरी पण एहली वागणुक को का आमाहा पण डील होय.

⁴ वेहवाल आखाम मान योग्य रोहू अने पातारीपो निर्दोष रोहू काहाके परमेश्वर व्यभिचार अने जारकर्म कोआनाराआ न्याय कोअनारू.

⁵ तुमाआ स्वभाव द्रव्य लोभ रोहू जुवे अने जे तापो होय तीयाम संतोष माना; काहाके तिये स्वतः कोयु होय, “आय ताहु खोरोज सोडविणारू नाहा अने केधीज टाकही नाहा”

⁶ याकोअता आमाहा धैर्याने कोत्लू, “प्रभू आमाआ मदत कोअनारू होय आय नाय बिही, मांहु माआ की कोहू सेकेहे”

⁷ जे तुमाआ अगुवे ओते अने जिये तुमामे परमेश्वरोओ वचन कोत्लू होय तियाआ ओर को; अने लक्ष्य लागाडी तियाआ वागणुक पो रत आखिर पालीत तियाआ विश्वासाआ अनुकरण को.

⁸ येशु ख्रिस्त काल, आज अने कायम एक सारखू होय.

⁹ अनेक एहलाम अने गलत शिकाडत्ळू बहकून जाऊ नाहा काहाके मोनोमेहे कृपेणे मजबुते रोहिलो हाजो होये ताहा तियाअ खाअलोओ वस्तुआरी तियाआरी काम मिकनाराहा किबी फायदा ओवयू नाहा.

¹⁰ आमाआ एक एहली वेदी होय तीयापो रोत खालो अधिकार तियाअ मांहोहो नाहा जे मंडपाआ सेवा कोअता.

¹¹ काहाके ज्या जनावरे च्या रक्ताआ महायाजक पापार्पनासाठी पवित्र स्थानात घेऊन जात्लू ह्याआ डील तळा बारथे जात्लूके येत.

¹² यामुळे येशु पोन मांहोओ आपाहाज रक्ताआ पवित्र कोइला कोअता फाटाआ बारथे दुख सहन कोल्यु.

¹³ त्यापोत साला, तियाआ निंदा आपापो घेऊन तोडी आरी बारथे त्याजागे निहित जाऊ.

¹⁴ काहाके इही आमाहा कोडलो स्थानिक नगर नाहा पण आमाहा आवनाराआ नगराआ होदित होय.

¹⁵ त्यापोत आपु तीयावाही स्तुतीचे बळी म्हणजे तियाअ ओठांचे फोल जे तियाआ नावाआ ग्रहण कोअता परमेश्वरोओ सर्वकाल चोडावीत रोअलो.

¹⁶ हाजो कोअला अने दान आपनारु विहारायलो नाहा काहाके परमेश्वर एहलो बलिदानो कोअता खुश ओतू.

प्रार्थनाआ निवेदन

¹⁷ आपाआ अधिकाऱ्याआ आज्ञा माना अने तियाआ अधीन रो काहाके ते त्यासारखो तुमाआ जीवोअ रक्षणाकाजे जागतू रोत्ले ज्याहा हिशोब आपा लागे तियाआ ओ काम आनंदावाही कोईलो कण्हत-कण्हत कोहू कायना काहाके आव परीस्थीतीम किबी फायदु नाहा.

¹⁸ आमा कोअता प्रार्थना कोईत रोवा कारण आमुंहु वारुज होय का आमाहा बुद्धी शुद्ध होय अने आमाहा आखे गोठीमे हाजो वागणुको इच्छा होय.

¹⁹ प्रार्थना कोइला कोअता उत्साहित कोअहो, याकोअता की आय तुमा जागे मामर आवित सेको.

आशीर्वाद

²⁰ ओमे शांती आपणारो परमेश्वर जो आमा प्रभू येशुहू जो मेंढरा वोडू रखवालू होय सार्वकालिक कराराच्या रक्ताआ गुनु होये मोईलामरोत जिवंत कोईत घेऊन आवयू,

²¹ तुमामे हर एक हाजा गोठीमे पुरो उविलो होय याकोअता तुमु तियाआ इच्छा पुरो कोईलो अने जे किबी तियाहा गोमतो येशु ख्रिस्ताच्या त्यापोरत आमा माय निर्माण कोईलो तीयाआज गौरव कायम उवनारा रोअला आवे आमेन.

²² ऐ पाही, आय तुमामे विनंती कोअत्लू का आव हिकाडीलो गोठी कोअता सहन कोईत ल्या काहाके आय तुमामे जास्तीज थोडोजे लेखिलो होय.

²³ तुमामे ओ मालुम उवूंहू जोवे का तीमुथियुस जो आमाआ पाही सुटी गोयुहु अने तो वेगु आविलो जानारू ताहा आय त्याआरी तुमामे मिलीलो.

²⁴ आपाआ आखे अधिकाऱ्यांना अने पवित्र माहुऊ नमस्कार कोहो. इटलीइ मांहे तुमाहा नमस्कार कोताहा.

²⁵ तुम्हाआ आखाप कृपा ओवती रोय आमेन.