गलाती 6 - नोयरी नोवलू नियम

आखारी भलाई कोआ

¹ ऐ पाही जर कोहू माहू कीबी अपराध मेहे तोआत बी जाय ते तुमु आत्मिक होय नम्रता आरी एहलाहा पाला अने आपाआ बी चौकसी मेका का तुमु बी परीक्षा में ने पोड़ो.

² तुमु एक दिहराआ वोझो वीसे, अने या रीती ख्रिस्ताची नियमोहो पुरो को.

³ काहाके जो कोडु किबी नि ओत बी आपाआ माह किबी होमजाडीत होय, ताहा आपाआ माह ठोगनारू.

⁴ पोन हर एक जोओ आपाआ ए कामा याकोअता तोपासित पाला, फासाडी तेहलाम दिहरा विषयी नाहा पण आपाआ विषयी तियाहा अभिमान कोअलाआ जागू जोडीत.

⁵ काहाके आखेज माहहू आपाज वोझो उसली नारो.

जीवन खेत बोनोहे तेहलो होय

⁶ जे वचनाने शिक्षण लत्ले, ते आखे हाजलो वस्तुपो हिकाडनारो भागिदार कोअनारू.

⁷ दोखू मा खाहा; परमेश्वर मुर्खात नाहा जोडीलू जात, काहाके मांहु जो काही उरे तोओज वाडे.

⁸ काहाके जो आपाआ डीलाकोता पेअत्लू, तोज डीलोओ व्दारे विनाशो कोमाय वाडे अने जो आत्मा कोअता कोए, तो आत्माआ व्दारे सार्वकालिक जीविले वाडीलो कोअनारू.

⁹ आमू हाजो काम कोइला कोअता मदत कोय दिही सोडीत, काहाके जर आमाहा मोकले नाहा होय ताहा त्या टायमोहो वाडीलो कोअनारू.

¹⁰ आव होआता जोपोरोत प्रसंग मिले आमाहा आखाहा आरी हाजो कोईओलो, विशेषता विश्वासाम बंधून आरी.

आखरी चेतावनी अने शुभकामना

¹¹ पाला आय केहलो वोडा अक्षरांआ आय तुमामे आपाआ आताई लेखिलो होय.

¹² जे मांहे डीलो देखाडीले कोअता तोज तुमाआ खतना कोइला कोअता दबाव टाकतले, फक्त याकोअता का ते ख्रिस्ताच्या क्रूसच्या कारनो कोईत तोओल्यो नाहा जालो.

¹³ काहाके लेहा आवता कोअनारे खुद हीन नियमशास्त्र पाळीत नाहा, पण तुमाआ संता याकोअता कोइला कोअता पालत्लू का तुमाआ डीलो दशापो अभिमान बाळगा.

¹⁴ पोन एहलो नाहा ओवो का आय दिहरे कोडला गोठीई अभिमान सबालोहो, फक्त आमाआ प्रभू येशु ख्रिस्ताच्या क्रूसच्या ज्याआ व्दारे संसार माआ दृष्टीट अने आय संसारच्या नजरेम वंधस्भावर सोढया गोल्यू.

¹⁵ काहाके नाहा सुंता अने न सुंतारहित किबी होय, पण नवो जग महत्वपूर्ण होय.

¹⁶ ऐताके नियमापो सालनारू तियापो, अने परमेश्वरोओ इस्राएल पोओ शांती अने दया आवीत रोही.

¹⁷ आगाडी पोरोत कोडु माहु दु:ख नाहा आपी, काहाके आय येशुउ खुनाला आपाआ डीलोम लेत फिरनारो.

¹⁸ ऐ पाही, आमा प्रभू येशु ख्रिस्ताची कृपा आमा आत्मा आरी राहो आमेन.