गलाती 5 - नोयरी नोवलू नियम

मसीह मेहे स्वतंत्रता

¹ मसीहई स्वतंत्रताआ कोअता आमाहा स्वतंत्र कोअयुहु ओमे यामेहेच स्थिर रोवा अने दासत्वआ जुवाला मेहे फासा मा जुपाहा.

² पाला, आय पौलुस तुमामे कोत्लू केधी सुंता कोअही, ताहा ख्रिस्ता माय कोडलूच लाभ उवे नाहा.

³ तेबी आय एक फाशी सुंता कोनारो जतवून आपोहो का तियाहा नियमशास्त्रा प्रमाणोओ मानेतू लागे.

⁴ तुमु ज्या नियमशास्त्राने धोर्मी ठरू इच्छिता, ख्रिस्तापोरोत अलग अने कृपा पासून निसे पोडये होय.

⁵ काहाके आत्माआ कामा वाहे आमाहा विश्वासा, आशा कोअली धार्मिकतेची वात पालल्ते.

⁶ ख्रिस्त येशु नाहा सुंता अने ने सुंतारहित किबी कामा होय, परंतु फक्त विश्वास, जो प्रेमा त्यापोरत प्रभाव टाकोहो.

प्रेम द्वारा व्यवस्था पुरो ओवयो

⁷ तुमु ताहा हाजिकोये भक्ती माय गुगदीत ओतु ओमे तिये तियाहा उबेराखेहे का सत्याहा माणू नाहा.

⁸ एहली हिकवन तुमाआ हादनारा त्यापोरोत नाहा.

⁹ थोडोज खमीर आखे मळवाओल्ये लोट फुगाडली टाकोहो.

¹⁰ आय प्रभूहु तुमाआ विषयामे भोरुसो मेकोहो का तुमाआ कोडलूच दिहरु विषय रोही नाहा; परंतु जो तुमामे बिवाडत्लू, तो कोडलूच काहा न दंड पावेल.

¹¹ परंतु ओ पाही; केधी आय ओमेजा सुंतेचे सुवार्ता कोअत्लू, तो ओमेजा ऐ त्रास आप्यू जात्लू क्रूस ची ठोकर खायलो रोही.

¹² हाजो उवे काजे तुमापो डाव मेकात्ले ते आपाआ अंगच वाडीत टाकत्लू.

¹³ ओ पाही तुमु स्वातंत्र्य उविला कोअता हादाडल्यो गोये होय; परंतु एहलो न ओवो का ओ स्वातंत्र्याच्या शारीरिक कामा कोअता वावा आपुहू नाहा, नहाते प्रेमोवाही एक दिहराआ दास बन्यो.

¹⁴ काहाके आखे व्यवस्था, “नहाते प्रेमोवाही याआ एकुच गोठी माय पुरोओत जाहो तू आपाआ आरी कोरयापो आपाआ एकहरको प्रेम को.”

¹⁵ पोन तुमु एक दिहराआ चावता अने खात टाकिलो ताहा परस्परांच्या आथोवाही एकादिहरा संहार ओत कायना कोईत होस कोईते मिकिलो.

आत्मा अने मानव-प्रकृर्ती

¹⁶ पोन आय कोत्लू, आत्माआ अनुसार साला ताहा डीलाआ देह वासना कोडला रीतीवाही पुरो नाहा कोनारो.

¹⁷ काहाके डील आत्माआ विरोदात अने आत्माआ डीलोओ विरोधाम (लालसायुहू) कोअत्लू, अने ओ एक दिहरा विरोधाम होय, याकोअता काजे तुमु कोहू इच्छितात ते कोहू सेकेहे नाहा.

¹⁸ अने केधी तुमु आत्माआ चालवनयाने सालतेहे ताहा नियम शात्राच्या आधीन नाहा.

¹⁹ डीलोओ काम ताहा प्रगट होय, अर्थात व्यभिचार, खोराबे काम, लुच्चे पणा,

²⁰ मूर्ती पूजा, जादू, वैर, झगडू, ईर्ष्या, खोत, विरोध, फुटी, विधर्म,

²¹ हेवा, होरो, रिकामीहोये अने याहा सारखो फाशी काम होय, याआ विषया माय तुमाआ वरून कोत आपोहो, काहाके पहीले कोयु होय का एहलो-एहलो काम कोअनारे परमेश्वरोओ राज्याआ वारीस उवे नाहा.

²² पोन आत्मा तियाआ फोल प्रेम, आनंद, शांती, धीर, कृपा, हाजोपण, विश्वास,

²³ नम्रता अने सौम्यता होय; एहलो-एहलो कामा विरूध नियमशास्त्र नाहा.

²⁴ अने जे ख्रिस्त येशु तियाआ होय, तिये डीला तियाआ लालसायुहू अने वासना आरी वधस्तमभा उपो सोडवीत आप्लु होय.

²⁵ केधी आमाहा आत्मा त्यापोरत जिवंत होय, ताहा आत्मा च्या अनुसार चाल्यो.

²⁶ आमू कोठी होतगोयो नाहा पण एक दिहीराहा चिडवू कायना अने दिहरापो हेवा कोहू नाहा.