गलाती 3 - नोयरी नोवलू नियम

विश्वासों कोअता धार्मिकता

¹ ओ बीगर बुद्धिई गलातियो कोडू मोनवीत लेद्लो होय तुमाआ ते जेहे मोन डोआआ आगाडी येशु ख्रिस्त क्रूस पोओं देखाडल्यु गोल्यु होय

² माहु तुमाही रोत एहलो जाईत लेअलो होय का तुमु आत्माआ वरदान कोडला व्यवस्थाच्या विधानाने आत्माआ जोडयो ओवयू ओतु का सुवार्ता होमलिलो अने तियापो विश्वास कोअल्यावाही?

³ की तुमु एवडे मूर्ख ओवुहू शकहू का ज्या जीवनाहा तुमु आत्माम रोत सुरवात कोअयी तियाहा ओमे आड मासाआ डीलोओ बळाने पुरो कोअनारू?

⁴ तुमु एहलो मेहनत कोल्यु ते की व्यर्थच लेधलो? माहु आशा होय का ते व्यर्थ निमिले.

⁵ परमेश्वर जो तुमामे जो आत्माआ आपोहो अने जो तुमा मेहे आश्चर्य काम कोअत्लू तो याकोअता कोअत्लू का तुमु नियमशास्त्र पालीत होय किंवा याकोअता का तुमु सुवार्ता कोअयु अने तियापो विश्वास कोअयु होय?

⁶ “ओ तेहलूज होय जेहलो का अब्राहमो विषय शास्त्र कोअतलो, तिये परमेश्वरोओ विश्वास कोअयु अने त्याकोता तो नीतिमान गणला गोल्यो.”

⁷ ताहा तुमु ओ जणू ल्या का अब्राहमोओ वंश ते ओच होय काजे विश्वास कोअता.

⁸ शास्त्रात पहिलुच कोयु होय का, परमेश्वर अन्य जाती माहुंहु पण तियाआ विश्वासा धोर्मी ठेरवीही अने याआ शब्दा आरी पेलरोत विश्वासु अब्राहमोहो सुवार्ता कोल्यी गोयी ओती “तुमाहा मेहे आखी जातिही आशीर्वाद जोड़े”

⁹ याकोअता काजे मांहे विश्वास कोअता ते विश्वासु अब्राहोमोरी आशीर्वाद मेलवीलो रोतेहे.

व्यवस्था द्वारा श्राप

¹⁰ पोन ते आखे मांहे जे नियमशास्त्राआ विधानाचे पालीत कोईत त्यापो निर्भर रोतेहे ते शापाधीन होय काहाके शास्त्रात एहलो लेखिलो होय तो हर एक माहहू शापित होय जो नियमशास्त्रा मेहे हर एक गोठीही पालीत कोईत नाहा.

¹¹ ओमे ओ स्पष्ट होय का नियमशास्त्रा द्वारे परमेश्वरा आगाडीही कोडोबी माहहू हाजू ठरव्ये नाहा काहाके शास्त्राआ त्यावाईहि धोर्मी माहहू विश्वासाआ साहाय्याने जीवे.

¹² पोन नियामशास्त्र विश्वास कोओ नाहा परंतु शास्त्रानुसार जो नियमशास्त्र गुगादिलो तो तियाआ सहायाने जीवे.

¹³ ख्रिस्ताने आपा शाप तियाप घेऊन नियमशास्त्रा द्वारे शाप पोरोत आपाहा सूडावयू शास्त्र कोतली, हर एक जोओ जो कोडु साडोपो टांगल्यो रोतो तो शापित होय.

¹⁴ ख्रिस्ताने आपाहा त्यकोता सूडाव्यू का आब्राहमोहो आपलू आशीर्वाद ख्रिस्त येशुच्याद्वारे अन्यजाति पण मिळूहुजोवे यकोअता विश्वासा आपु तियाअ आत्माहा जोडयो कोईओलो ज्याआ प्रतिज्ञा आप्लु होय.

स्थिर प्रतिज्ञा

¹⁵ ऐ पाही, ओमे आय तुमामे दारीजे च्या जीवना कोअता एक उदाहरण आपित होय पाला, कोडु एगदा मांहाहा त्यापोरत करार कोलाकोता नाहा तो रद्द कोअयु जात्लू अने नाहा तो कोम कोअयु जात्लू अने नाहा तो वाढविलो शकतो.

¹⁶ तेहलूज आब्राहम अने तियाआ चालू वंश याहा आरी कोअयी गोयी प्रतिज्ञाच्या संदर्भात पण होय (पाला, शास्त्र एहलो कोयु नाहा, तियाआ वंशज ला जर एहलो ओते ताहा जाखीलीलापओ संशय ओतलू परंतु शास्त्रात होमला वाचनारू प्रयोग होय शास्त्र कोतली, अने ताआ वाडवडील, जो ख्रिस्त होय).

¹⁷ माआ कोईओलो एहलो होय का ज्या कराराओ परमेश्वराने पेलरोत सुनिश्चित कोअयु होय तियाहा चारहोव तीस वर्षानंतर आवनारू नियामशास्त्र बोदलीलो शकत नाहा अने न तो तियाआ वचनाआ नकार आपुहू शकतो.

¹⁸ काहाके वतन जर नियमशास्त्रा द्वारे जोडयो ओते ताहा या आगाडी प्रतिज्ञा सी उवे नाहा पण आब्राहमोहो देवूही ते कृपेणे प्रतिज्ञा सी तियाहा आप्लु होय.

व्यवस्थाआ उद्देश

¹⁹ ताहा फासाडी नियामशास्त्र काहयो कोअता? आज्ञा न पाल्य हत्याआ अपराधाने नियमशास्त्राआ प्रतिज्ञा जोडीत आप्लु याकोअता का याकोअता वचन आपलो आव्ये होय तियाअ वंश च्या आवेतांहजा ते रोअलो नियमशास्त्राआ प्रतिज्ञा एक विसमेहेस रुपोमे मुस्साआ सहायाने स्वर्गदूत त्यापोरत आप्लु गोये होय.

²⁰ ओमे पाला, मायतोमे ओ बेन जोओ माय रोतो परमेश्वरोओ एकुच होय

²¹ की याआ अर्थ एहेलू होय का नियमशास्त्राआ प्रतिज्ञा परमेश्वरोओ वचनाचा विरोध कोनारो होय? निच्छित नाहा काहाके जर एहलो नियमशास्त्राआ प्रतिज्ञा आप्लु ओते जे माहुंमे जीवना कोअता नितीमत्व खरोज शास्त्राद्वारे जोडयो उवे ओते.

²² पोन शास्त्राआ घोषणा कोअयी होय का ओ आखे संसार पापाआ शक्तीचे अधीन होय याकोअता येशु ख्रिस्तामध्ये विश्वास कोओ जे प्रतिज्ञा आप्लु होय ते विश्वासी माहुंहु मिलुजोवे.

²³ याआ विश्वासाआ आविलो पेले आमाहा नियमशास्त्राआ प्रतिज्ञाआ मेहे याआ आवनाराआ विश्वासापर्यंत आमाहा कैदी कोईत ओते.

²⁴ ह्याप्रमाणे नियमशास्त्र आमाहा ख्रिस्तापोरोत घेऊन जांहु एक कडक बल रक्षक ओतु याकोअता का आपाआ विश्वासाआ आधारापो आमाहा धोर्मी उवे

²⁵ ओमे जांहा ओ विश्वास प्रकट ओवयू होय ताहा आमाहा तियाअ कडक बल रक्षकच्या आधीन नाहा.

सुउ अने वारिस

²⁶ येशु ख्रिस्ताच्या विश्वासाआ मदतीवाही तुमु आखे परमेश्वरोओ पोऱ्ये होय

²⁷ काहाके तुमु आखाज जो ख्रिस्ताआ बाप्तिस्मे लेदो होय कोईत ख्रिस्तामध्ये आवयू होये.

²⁸ ओमे केडामेहे किबी अंतर रोल्या नाहा न कोडु यहुदी रोला, न यूनानी, न सेवक रोला, न स्वांतत्र्य, न माहु, न बुई, काहाके ख्रिस्त येशु माय तुमु आखे एक होय.

²⁹ काहाके तुमु ख्रिस्ताचे होय ताहा तुमु अब्राहमोओ वंशज होय अने परमेश्वरोओ जे वचन अब्राहमोहो आप्लु ओते तिया प्रतिज्ञा वारीस होय.