गलाती 2 - नोयरी नोवलू नियम

पौलुसोओ नेतृत्वोओ पृष्टि

¹ चोवदा वर्शाआ फासाडी आय बरनबासआ आरी फाशे येरुशलेम मेहे गोये अने तीतूसोहो बी आरी लेत गोया.

² माआ जाअलो परमेश्वरोओ प्रगटी कोइला प्रमाणोओ उवे; अने जी सुवार्ता आय अन्यजाति माय प्रचार कोअत्लू, आय तियाहा कोत आप्लु, पण एखलुज तियाहा जाअलो जे वोडो होमजाडीत ओते ते, काहाके एहलो न ओवो का माआ दोव्ड़ीलोओ व्यर्थ ओवे.

³ तीतूस बी मा आरी ओतु याअमे नाहा ताहा यूनानी फासाडीई गुगदीला पली व्यर्थ उवे.

⁴ अने अओ तिया ठोग पायहो वजेसी ओवयो, जे निकात कोइत आवित माय ओते, की तिया स्वतंत्रताहा जे मसीह येशुमेहे आमाहा जोड़ीही, फुट पाडित, आमाहा दास बोनावे.

⁵ ओते तिया झुटो पाही मुळे उवे जे चोरिवाही निहित आव्ये, का तियाअ स्वतंत्रतेला जो येशु ख्रिस्ता सुसमाचार सच्चाई जो आमाहा मिल्यू होय, भाग आपित आमाहा दास बोनाविही.

⁶ ताहरे जे मांहे काही समजीते ओते तेए केहले बी ओय, माहु तियासी कीज काम निमिले, परमेश्वर कोडाआ पक्षपात नि कोअत्लु तियाप माहु कीज प्राप्त नाहा ओवयो.

⁷ फासाडी ते मांहे जे होमजीत लेणारे ते सुसमाचार केहलो पण होय माहु याआरी किबी काम नाहा; परमेश्वर कोडलूच सुंता करत नाहा त्याआरी जे किबी होमज्ये जात ओते, मांहु किबी नाहा जोडयो उवे.

⁸ पोन याआ व्यतिरिक्त जांहा तिये पालील्यो का जेहलो सुंता कोइत लेदलो प्रेषित कोअता सुवार्तेचे काम पेत्राहा तीया देखाडले तेहलूज अन्य जाती न कोअल्याहा मांहु सुवार्ता होमलिलो तीया देखाडले गोये,

⁹ अने जाहा त्या कृपा जो माहू जोड्यो ओतो पेत्राची सुंता कोअल्यो गोयी मुळे याकूब, अने कैफा यूहन्ना कलीसिया खांबा काम वोदे प्रभाव आरीज कोईत लेधलो, तिये बरनबास अने माआ संगति पण अन्यजाति माय प्रभावशाली काम कोईत लेधलो,

¹⁰ अने जांहा तिये ते कृपादान जे माहु जोडयेहे, ओलखीत लेधलो जो याकोब, अने कैफा, अने योहान जे मोडली खांबे महांआ जात ओते, माहु अने बर्नबाला संगीताचा हुडू आथे आप्यू का आमाहा दिहरे जातीयां माय जालो अने तियाअ सुंता कोईओलो माय जालो.

अन्ताकीया मेहे पतरसोओ असंगति

¹¹ पोन जाहा कैफा अन्ताकीया आवयू, ताहा आय तियाआ सुबीपो तिया सामना कोअयु, काहाके तो दोषी ठरवील्यु ओतु.

¹² हेया याकोअता का याकोबा त्यापोरोत किबी मांहे आविलाआ पहीले तो अन्यजाति आरी खायलो ओतु, परंतु जांहा ते आव्ये ताहा सुंता कोईओलो माहुंहु भिईल्यो तो माघार लेदि अने जुदो गोल्यो.

¹³ तियाहा आरी बाकीह यहुदीयांनी पण कपट कोअयु होमेजा का बरनबास तियाआ कपटा माय पोडीत गोल्यो.

¹⁴ पोन तेहलाम आय पालीही का ते सुवार्ताच्या खोरावाही वागिलो निमिले, ताहा आय आखा आगाडी कैफाला कोयु, “जांहा तू यहूदी ओमेत तू दिहरे जातीयां सारखो वागिलो होय अने यहुद्यान सारखो नाहा ताहा तू अन्यजातिमे यहुद्यान सारखो सबाव काहा लागाडीत?”

विश्वास अने कार्य

¹⁵ आमू ताहा जन्मा जागेरो यहुदी होये, अने पापी अन्यजाति मायरोत नाहा.

¹⁶ तेबी पोन ओ होमजीत का मांहु व्यवस्था क्रुत्यांनी नाहा; पण फक्त येशु ख्रीस्तावर विश्वास कोइलाआ त्यापोरत धोर्मी ठरवील्यु होय, आमू पोन येशु ख्रिस्ता उपो विश्वास कोअयु का आमाहा शास्रामे कृत्यांनी नाहा, परमेश्वरोओ विश्वास मिकिलोओ कारनोवाही धोर्मी ठरू काहाके शास्रामे कृत्य कोअल्यानी कोडलूच मांहु प्राणी धोर्मी ठराविलो नाहा.

¹⁷ आमू जे ख्रिस्ता माय धोर्मी ठरू इच्छितात, केधी तुमुज पापी निकलीलू ताहा की येशु ख्रिस्त पापाहा सेवक होय? कदाचित नाहा.

¹⁸ काहाके जे काबी आय निसे पाडिलो केधी तियाहा फासी बोनाविही ताहा तियाहा अपराधी ठेरवीही,

¹⁹ आयताहा नियमशास्त्रा त्यापोरत नियमशास्त्रा याकोअता मोईतगोल्यू का परमेश्वरा याकोअता जगू.

²⁰ आय ख्रिस्ता आरी वधस्तभावर सोडवियू गोल्यो ओतू ओमे आय जिवंत रोला नाहा, पण ख्रिस्त मामेह जीवतु रोही; अने आय डीलोम जिवंत होय ताहा काहाके तियाअ विश्वासाआ मुळे जो परमेश्वरोओ पुत्रपो, जीआ मापो प्रीती कोअयी अने माआ याकोअता माह आपित आपे.

²¹ आय परमेश्वरोओ अनुग्रहाला व्यर्थ ठरावीत नाहा; काहाके केधी नियमशास्त्रा त्यापोरत धार्मीकता ओवती, ताहा ख्रिस्ता तियाआ मरण व्यर्थ उवे ओते.