कुलुस्सी 3 - नोयरी नोवलू नियम

पवित्र जीवनों नियम

¹ अने जाहा तुमु मसीहा आरी जीवाडल्यु गोयो ओती स्वर्ग वस्तु होड़ में रोआ जीही मसीह विद्यमान होय परमेश्वराआ डाखरी वोगे बोहल्यु होय.

² होर्गामेऱ्ये वस्तू बद्दल विचार कोईत रो धरती सामानो कोअता विचार कोहू नाहा,

³ काहाके तुमु आखाआ जुनो व्यक्तिमत्व मोअये होय अने तुमाआ जीवोन ख्रिस्ता आरी परमेश्वरा मेहे लीकाल्यो होय.

⁴ जाहा ख्रिस्त, जे आमाहा जीवोन फासी प्रकट उवेताहा तुमु पोन त्याआरी महिमा प्रकट उवे.

⁵ याकोअता का तुमामे जे थोडे धरती होय तिया आखिर कोईत व्यभिचार, अशुद्धता, वासना, वाईट इच्छा, अने लोभीपण जे मूर्ती पूजा होए एक प्रकार होय.

⁶ याआ गोठीरी परमेश्वरोओ राग प्रकट उवनारा रोतो.

⁷ एक वेल ओती जोवे तुमु पण एहलो काम कोईत त्यामेरयो जीवोन जगत ओते.

⁸ पोन ओमे याआ आखे गोठीरी राग, झुंजलाहट, शत्रुता, निंदा भाव अने अपशब्द गोगीत सुडी देवा.

⁹ तुमु पेहला खोटो गोगू नाहा काहाके तुमु आपाआ जुनो जीवोन व्यक्तित्व तियाआ कामा आरी टाकीत आप्लु होय.

¹⁰ अने नवो व्यक्तित्व काल्ये होय जे आपाआ निर्माण कर्ता आ स्वरूप मेहे स्थिर ओत परमेश्वरोओ आखो ज्ञानात कायम नवो उवनारा जातेहे.

¹¹ परिणाम स्वरूप त्याजागे यूनानी अने गौर यहुदीयामेहे थोडे अन्तर रोला नाहा न कोडु सुंता युक्त अने सुंता रहित माय असभ्य अने स्कूती माय ऐ सेवक एक स्वातंत्र्य व्यक्तीम थोडे तेबी अंतर होय ख्रिस्त आखे कोय होय अने कोय विश्वासी माहुंमे तियाच निवासाहा होय.

मसीही जीवन

¹² काहाके तुमु परमेश्वरोओ पवित्र अने प्रिय निवडील्ये गोये होय याकोअता सहानुभूती दया नम्रपणा, कोमलता अने धीरज तोईत रो,

¹³ तुमु आपामेर्यो जाहा केधी कोडाआ थोडी मेहनत होय ताहा एक दिहीराहा सहन कोईत दया अने परस्पर एक दिहराहा क्षमा कोआतुमु दिहीराहा एहलो क्षमा को जेहलो परमेश्वराने तुमामे मुक्त पायहो वांही क्षमा कोयु होय.

¹⁴ आव गोठी व्यातीरिक्त प्रेमोमेहे पण रो प्रेम होय का आखाहा आपामे बांधीत सिक्के अने पुरोओत कोअत्लू.

¹⁵ तुमाआ मनापो ख्रिस्ता वोलरोत हाजो शांतीई अधिकार होय याआ याकोअता तुमामे तियाच डील हादाडल्यो होय कायम धन्यवाद कोईत रो.

¹⁶ आपाआ होपन्नाआरी ख्रिस्ताआ प्रचार तुमामे वास कोआ रोटू, महिमा, अने आत्माआ गीते गावित वोडो विवेका आरी एक दिहराहा शिक्षण अने निर्देश आपित रो.

¹⁷ अने तुमु जे वचन किंवा कोइलो ते आखे प्रभू येशुउ नावामेहे होय त्याज त्यापोरत तुमु हर एक टायमोमें आपाआ बाह्हू परमेश्वरोओ धन्यवाद आपित रो.

मसीह परिवारो कोअता नियम

¹⁸ हे बुईया, तुमाआ माट्योह आधीन एहला प्रमाणे रो जेहलो प्रभूहु योग्य होय.

¹⁹ ऐ माटिई, तुमु तुमाआ लाडीही प्रेम को त्याकोअता कडक ओवुहू नाहा.

²⁰ ऐ पोरयां, आखे गोठीमेहे आपाआ याह्ही बाह्हाआ आज्ञा पालीत को काहाके ओ प्रभूहु संतोश कारक होय.

²¹ ऐ डाया, आप आपाआ पोऱ्याहा आडीनारो अनु नाहा लेत आविलो ताहा ते खिन्न उवे.

²² ऐ सेवकांनो, आपाआ संसाराआ मालिकोओ कोअलो होमला फक्त माहुंहु प्रसन्न कोइला कोअता तियाआ वेले नाहा जाहा ते पालिलो पोन खोरो मोनाकोईत तियाआ होमला काहाके तुमु बित प्रभूआ आदर कोअता.

²³ तुमु जे थोडे मुडोपो आपाआ आखे मोनाकोईत ह्याप्रमाणे नाहा का तुमु तिया माहु कोअता पोन प्रभु कोअता ह्याप्रमाणे को,

²⁴ ह्याप्रमाणे ओर मेका का तुमामे प्रभूपासून वतन रूप प्रतीफोल जोडीत आपाआ मालिक ख्रिस्त याहा सेवा कोईत रो

²⁵ काहाके जो वाईट काम कोअनारू तियाहा तिया फोल जोडीत अने त्याकोता थोडो पक्षपात ने ओय.