प्रेरितो काम 9 - नोयरी नोवलू नियम

शाउलो ह्रदय परिवर्तन

¹ शाऊल जो ओमे जांह प्रभुउ चेलाहा धोमकाडीलाआ धुंनदीई मेहे ओतु अने तो महायाजकाआ आहने ओतु

² अने तिये दमिष्काआ प्रार्थना सभागृहातून तियाआ नावाआ मांग अधिकार पत्र मागित लेधलो तीयावाही त्याजागे कोडु याआ पंथाचा कोडु शिष्य मिल्यू फासाडी तो माहु होय का बुई तेबी तो तियाहा अटक कोहू गोयो अने फासाडी फासी तो यरुशलेम माय घेऊन जाइअलो.

³ जांहा तो सालता-सालता तो दमिष्काआ जागे पुगित गोयू, तेहलाम अचानक तियाआ आगाडी फासाडी जुगोमोरत प्रकाश पसरला,

⁴ अने तो धरतीपो पोडीत अने तिये एक आवाज होम्लालू तीयाम तो कोयु, “शौला, ओ शौला” तू माआ छळ काहा कोअत्लू?

⁵ शौलाआ फ़ुस्ल्याआ, “प्रभू तू कोडू होय? आय येशु होय ज्याचा तू छळ कोईत होय.”

⁶ परंतु ओमे तू उबु रो, अने नगरामेहे जा, त्याजागे ताहु सांगण्यात आवे का ताहु नाहाकोत कोईओलो होय.

⁷ जे माहु त्याआरी यात्रा कोईत ओते ते स्तब्ध उभे ओते तिये आवाज ताहा होम्लालू परंतु कोडु पालील्यो नाहा.

⁸ फासाडी शौल धरतीपो रोत उबु रोला परंतु जांहा तिये आपाआ डोआं उगड्यो तेहलाम तो काहीही पाल्हू शकला नाहा तेहलाम ते तिया आथे तोईत ते तियाहा दमिष्कांत घेऊन गोये.

⁹ तीन दीही पर्यंत तो काहीही पाल्हू शकला नाहा अने काहीही खादे नाहा, अने काहीही पीइलो नाहा.

शाउलो बाप्तिस्मा

¹⁰ दमिश्कामेहे हनन्या नावाआ एक शिष्य ओतु प्रभूऊ ताह दर्शन आपित कोयु, “हनन्या, तेहलाम तो प्रभूहु बोलतुल्यो, प्रभू आय इही होय”

¹¹ प्रभूऊ तियाहा कोयु, “उबु रो अने सिद्ध नावोओ वाटेपो जा अने यहुदांआ कोआ तार्सस शौल नावोओ माअहा होद को काहाके तो प्रार्थना कोईत होय”

¹² तिये तियाआ दर्शनाआ पालील्यो होय का हनन्या नावाआ होमला माहुई कोआ आविलो तियापो आथे मेकिलो होय याकोअता का तियाहा नजर जोडयो उवे.

¹³ हनन्या तियाहा उत्तर आप्लु, प्रभू आय याआ माहुबारामे जाखो माहापो रोत होमल्यु होय, यरुशलेम माय ताआ पवित्र संता आरी तिये वाईट काम कोल्यु होय ते आखे आय होमल्यु होय,

¹⁴ अने इही पण ओ मुख्य याजका पोरोत ताआ नावापो विश्वास कोअनाराहा अटक कोअलाआ अधिकार घेऊन आवयू होय.

¹⁵ परंतु प्रभूऊ तियाहा कोयु, तू जा काहाके याआ माअहुहू अन्य जाती, राजा अने इस्राएलाआ माअहाआ आगाडी माआ नाव घेण्यासाठी एक पत्र च्या रुपोमे आय निवडिले होय.

¹⁶ आय स्वता तियाहा ओ आखे कोअही होय जे तियाहा माआ नावामेहे सहन कोईओलो लागे होय.

¹⁷ तेहलाम हनन्या जाऊ लाग्यू अने तियाअ घराजवळ पुगीतगोयू अने शौलावर तिये आथे मेकिलो अने कोयु, “पाही, शौला, प्रभू येशु माहु मोक्ल्यीत होय जो ताआ वाटेमे प्रकट ओवयू ओतु यकोअता का ताहु नजर जोडयो उवे अने पवित्र आत्माम रोत पुरो उवे.”

¹⁸ फासाडी लागेज तियाआ डोआमरोत खपल्या हारखी वस्तु पोड्यी अने तियाहा फासी देखालो लागाडीत तो उबु रोला अने तिये बाप्तिस्मे लेदो,

¹⁹ फासाडी तिये थोडोज रोटू कोईलानंतर तिये आपाआ शक्ती फासी जोडयो कोअयी तो दमिश्कामे चेलाआरी किबी टाईमापोजा रोला.

शाउलो द्वारा येशु मसीहाआ प्रचार

²⁰ फासाडी तो हीदू यहुदी मंदिरो गोल्यो अने येशुउ प्रचार कोहू लाग्यू, तो बोलतुल्यो, ओ येशु परमेश्वरोओ पोऱ्या होय.

²¹ जिये कोडु तियाआ ओ होमल्यु, चक्कित उवे अने गोग्या, कि ओ तोज नाहा, जो यरुशलेमेरोत येशुउ नावामें विश्वास कोअनाराहा तो नष्ट कोईत ओतु अने कि ओयाहा तोओला कोता अने मुख्य याजकाआ आगाडी घेऊन जाहु आवयू नाहा ओतु?

²² परंतु शौल अधिकाधिक ताकतवालू उवनारा जातलू ओतु अने दमिश्कात रोणाआरा यहुद्यांमे ओ प्रमाणित कोईत आपित ओतु का येशु ओच ख्रिस्त होय अने तियाहा जकीत ओतु.

²³ जाखो दीही उवलानंतर यहुदीयाआ तियाहा मोयईला डाव रर्च्योहो.

²⁴ परंतु तियाआ योजनाबद्दल शाऊलोहो मालूमे उवे का ते नगर बाअणाम रातेदीही तियाहा घात कोईलाकाजे फिरीत ओते यकोअता तियाहा माईत टाकीलो.

²⁵ परंतु तियाआ शिष्यांनी रातीई टायमोमें तियाहा टुपला मेहे लेतगोल्ये अने पाठाडीई गोवोजागे तियाहा निसे सोडीत उताऱ्ये.

यरूशलेम मेहे शाउल

²⁶ फासाडी जांहा तो यरुशलेम माय पुगीतगोयू तो तियाअ शिष्यांआ मिळीलो प्रयत्न कोहू लाग्यू परंतु ते तियाहा आखे बित ओते, तियाहा विश्वास उवनारा ने ओतू का तो पण एक शिष्य होय.

²⁷ परंतु बरनबास तियाहा प्रेषितांपो घेऊन गोल्यो अने तिये तियाहा कोयु का शौलाआ आपाआ वाटेमे येशुहू केहलो पाअल्योहो प्रभू त्याआरी केहलु बोलतुल्यो अने दमिश्कात तिये काहाकअता निर्भयतावाही येशुउ नावाआ प्रचार कोअयु.

²⁸ फासाडी शौल त्याआरी यरुशलेम माय स्वातंत्र्य पुर्वोज आवीत जात ओतु तो धैर्याने प्रभूउ नावामेहे प्रवचन गोगीत ओतु,

²⁹ तो यूनानी भाषा-भाषात यहुद्यांआरी गोगीत अने चर्चा कोईत परंतु ते ताहा तियाहा मोयईला प्रयत्न कोईत ओते.

³⁰ परंतु पायहोहो जांहा ए गोठी मालुम उवी तेहलाम तियाहा कैसरात घेऊन गोये अने तियाहा तरसुस पोटाळये.

³¹ ह्याप्रमाणे योग्य यहुदी, गालील अने सामरिया याआ मोगलीलो तो समय शांततेहे गोल्यो तियाअ मंडळ्या जाखा शक्तिवान उवनारा गोयी काहाके तियाअ मदतीकोअता मांहे प्रभूहु घाबरील्यो आपाआ जीवोन जगत ओते अने पवित्र आत्माआ तियाहा फासी जाखा प्रोस्ताहीत कोल्यु ओते, तेहलाम तियाआ संख्याआ वोदिते गोयी.

एनियासोओ चंगाय

³² फासाडी तिया योग्य क्षेत्रात फीरत्लू पेत्र लुद्दा गावून जे पवित्र मांहे ओते तियाहा मिलनेकोता आवयू.

³³ त्याजागे तियाहा अनियास नावाआ एक माहहू मिल्यू जो आठ वर्षापोरोत खाटलापो ओतु, तियाहा लखवा ओवयू ओतु.

³⁴ पेत्राई तियाहा कोयु, “अनियास, येशु ख्रिस्त ताहु हाजो कोईत होय, उबु रो अने आपाआ पातारीपो ठीक को तेहलाम तो लागेज उबु रोला”

³⁵ फासाडी लीद्दा अने शारोन माय रोणारे आखे माहु तियाहा पालील्यो अने ते प्रभूपोरोत वोलोलो.

दोरकासोहो जीवनदान

³⁶ याफा माय तबीता नावाआ एक शिष्या रोत ओती (ज्याचा अनुवाद होय दोर्कास अर्थात कुटार) ती कायम हाजो-हाजो काम कोईत ओती अने गोरब्योहो दान आपित ओती.

³⁷ तियाआ ती मांदवाड्यू पोड्यी ओती अने मरण पाव्यी तिये तिया प्रेताला उंगलीलो कोआडीत माडीपोऱ्या खोलीम मेकल्ये.

³⁸ लीद्दा ओ गाव याफा जागेज होतो ताहा शिष्यांनी ओ होमल्यु पेत्र लीद्दा माय होय, तेहलाम तिये तिया जागे बेन माहहू मोक्ल्यीत का ते तियाहा विनंती कोईत वेगुज वेगु आमाही आवे.

³⁹ तेहलाम पेत्र तीयार ओतगोयु त्याआरी निघाल्यू, अने जांहा पेत्र तीइही पुगीतगोयू तेहलाम तियाहा माडीपोऱ्या खोलीम घेऊन गोये तीइही आखे रोंडाली दु:ख कोईत अने तीई कुर्ते अने दिहरे कापडे ज्याहा दोरकास लेतजा जांहा ती त्याआरी ओती बोनाडल्ये ओते पालीत तिया आगाडी फासाडी उबी रोली.

⁴⁰ पेत्राई प्रत्येकाहा बारथे काढीत आप्लु, अने माडापे आविलो तिये प्रार्थना कोअयी फासाडी प्रेताकडे बोहित तिये कोयु, “तबीता उठ”, तेहलाम तीही आपाआ डोआं उगाड्ये अने पेत्राहा पालीत उठित बोही.

⁴¹ फासाडी पेत्राई तीही आथे आपित उबी कोअयी अने फासाडी पवित्र मांहे, रोंडाली हादीत तीही तियाहा होफहोपिन आप्लु.

⁴² आखे याफा माय प्रत्येकाहा मालुम उवे अने जास्तीज माहु प्रभूपो विश्वास कोअयु.

⁴³ फासाडी याफामे शिमोन नावोओ एक कातड्या कोमवीनारा चांभाराआ इंही पेत्र जास्तीज दीही उबलु.