प्रेरितो काम 6 - नोयरी नोवलू नियम

सात सुनाम सेवकोओ निवड

¹ त्या दीहो मेहे जाहा चेलाआ संख्या जाआखी वोदुहू लागी ताहा यूनानी भाषा गोगनारा इब्रानी भाषा गोगनारा पोन कुरकुर कोहू लागे का दाडीई दीहोओ सेवकाई मेहे आमाआ विधवाआ उपेक्षा उवती ओती.

² बारा प्रेषितांनी आखे चेलाआ मोडलीही एकठे हादीत कोयु, आमा कोअता परमेश्वरोओ वाचीलो त्या अतीरीक्त खायलाकाजे व्यवस्था कोअला योग्य नाहा.

³ ताहा पाही प्रतीष्ठीत पवित्र आत्माआ अने समझदार पुरो सात माहुउ निवोड को आमाहा याआ कार्याकोता तियाहा अधिकारी बानडह.

⁴ स्वताला प्रार्थनाम अने वचनाआ सेवाआ कामा कोअता समर्पित को

⁵ याआ गोठीही आखे मोडलील जाखो आनंद ओवयू ताहा तिये विश्वास अने पवित्र आत्मावांहि पुरो माहु स्तेफन अने फिलीप्प, प्रुखुरुस, निकानुर, तीमोन, पार्मिना अने यहुदी मांहो आखी वारुई लागाड अन्ताकियावासी याआ निवोड कोअयी.

⁶ अने याआ माहु फासी तिये प्रेषिताआ आगाडी उभे कोल्यु प्रेषितांनी प्रार्थना कोअयी अने तियापो आथे मेक्ल्ये.

⁷ ह्याप्रमाणे परमेश्वरोओ वचनाचा प्रचार ओवुहू लाग्यू अने यरुशलेमेरोत शिष्याची संख्याआ जास्तीज वोदतो गोयी याजकाआ एक वोडू जमाव पण याआ विश्वासाआ मानु लाग्यू.

स्तिफनुसोओ गिरफ्तारी

⁸ स्तेफन एक एहेलू माहहू ओतु, जो कृपा अने सामर्थ्य इये पुरोओत ओतु तो मांहो आगाडी वोडा-वोडा आश्चर्य काम अने अदभूत चिन्हे प्रकट कोईत ओतु.

⁹ परंतु लीबिर्तीन म्हणजे स्वातंत्र्य कोयु महुअ मंदिरो किबी मांहे कुरेनी अने सिकंदरिया त्यापोरोत, तेहलूज किलीकीय अने आशियापोरोत आवल्या यहुदी ओते ते स्तिफनुस विरोधाम चर्चा कोहू लागाडीत.

¹⁰ परंतु तो ज्या ओक्कल अने सामर्थ्यावाही गोगीत ओतु ते तियाआ आगाडी उभे रोहू सेकेले नाहा.

¹¹ फासाडी तिये किबी माहुंहु लालूच आपित कोहू लागाडीत, आमाहा मोशे अने परमेश्वरोओ विरोधाम यांहा निंदा गोगीलावेले होमल्यु होय.

¹² ह्याप्रमाणे तिये मांहोहो, मुख्य याजक यहुदी अधिकाऱ्यांना अने यहुदी धर्म शास्त्री ओते तियाहा भडकविलाआ फासाडी तिये आविलो तियाहा तोअल्यो अने सर्वोच्च यहुदी महा सभाआ आगाडी लाविले.

¹³ अने तिये नोकली साक्षीदार उभर कोल्यु, ते कोयु, ओ माहुहू याआ पवित्र स्थानाआ अने नियमशास्त्राआ विरूध गोगीलाआ सोडीत नाहा.

¹⁴ काहाके आमाहा तियाहा एहलो गोगीलावेले होमल्यु का ओ नासरी येशु नाव काढीत टाके अने मोशेई आपाहा लागाडी देदिलो परिपाठ बोद्लीत टाके.

¹⁵ तेहलाम न्यायसभाम बोहितरोलो आखे मांहे तिया जागे गोगीलो पालीत ओतलू तियाहा तियाआ मुख स्वर्गदूत सोबिहोस देखायो.