प्रेरितो काम 28 - नोयरी नोवलू नियम

माल्टा द्वीप मेहे पौलुसोओ स्वागत

¹ जाहा आमू वासित निकल्या ताहा मालुम पोडयो का ओ द्वीप माल्टा नावोओ होय.

² यीजागेपोरोत मुळ निवासी ओते तिये आमा आरी असाधारणआ कृपा हाजो व्यवहार कोल्यु काहाके हिवाळा ओतु अने पाई आवीत ओतु त्याकोता तिये आगी पेटाळयी अने आमू आखाआ स्वागत कोल्यु.

³ पौलाने काडाहू एकठे कोईत बाधल्यो अने तियाअ कातकाहा आगीपो मेकल्यु एतांम उष्णता हितगोल्यो एक विषारी हाप बारथे आवयू अने तिये तियाआ आथ चाविलोओ.

⁴ तेहलाम तीही निवासि जांहा तियाआ आथोपो लोटकील्यू हाप पेल्लु, तेहलाम आपसामेहे गोगू लागाडीत, खरोज ए ओ माहहू खुनी होय ओमे ओ समुद्रा सी वासित होय परंतु न्यायदेवता याहा जगू आपित नाहा.

⁵ पोन तिया हापोहो आगीम फोकडीत आप्लु अने पौलाहा कोडनीबि प्रकाराआ लाग्यो उवी नाहा.

⁶ मांहे विचार कोईत ओते का याहा हुज आवे अने तो धरतीपो पोडीत मोईत जाइअलो परंतु जाखो वेल वात पाहिलाबादमे अने तिये ओ पालील्यो का तियाहा असाधारणआ किबी लाग्यो उवी नाहा तेहलाम तिये आपाआ युक्ती बोदल्यो अने ते कोयु, ओ ताहा कोडु देवला होय.

⁷ तियाअ ठिकानाही तियाअ ठिकाणाहा प्रधान अधिकारी पुबल्यीका खेतू होयल तियाहा आपाआ कोआ घेऊन गोल्यो अने आमाहा स्वागत-सत्कार कोल्यु तिये तीन दीही आमाआ आदरा कोईत पावनाहा खावाडीलो कोअयु.

⁸ पुबलियुस बाह्हू चादरामे ओतु तो ताव अने आंबवट रक्ताआ मांदवाड्यू पोडीत ओतु पौलुस तियाहा मिलनेकोता जागे गोल्यो अने तिये प्रार्थना कोअयी अने तिये आपाआ आथे तियापो मेकल्ये अने तो हाजू ओवयू.

⁹ आव घटनेबदमे तियाअ बेटापो होयतो आखे माद्वाड्यो त्याजागे घेऊन आव्ये अने ते हाजो उवे.

¹⁰ तिये आमाहा जुदेजुदे प्रकारे मानपान आप्लु अने तिहीरोत जांहा निहीलावेले आमाहा होडीकडे जात ओतुताहा तीही तिये आमाहा आवश्यक ओनाआरी आखे वस्तु आमाहा लेतआवीत आप्यी.

माल्टा द्वीप रोत रोमो वोल

¹¹ तीन मोयना नंतर सिकन्दरिया होमला जहाजमे बोहित आमाहा तियाआ जागापो निहयू इयाच बेटापो नाव जडाम अडकली ओती नावेए आगाडी भागुम बेनपोट पाही चिन्ह देखाडये ओते.

¹² फासाडी आमू सराकूस जात पुग्यु जीही आमाहा तीन दीही थोबित ओतू.

¹³ तिहीरोत आमाहा डूगाव्दरे रेगीयोन पुग्यु अने आगाडी तेदीही पुतीयोली पोत्यु.

¹⁴ त्याजागे आमाहा किबी पाही जोडयेहे अने तिये आमाहा त्याजागे सात दीही थोबुह कोयु अने ह्याप्रमाणे आमाहा रोम माय आवयू.

¹⁵ जांहा तियाअ ती जागेरोत पायहोहो आमाआं सुचला जोड़ी तेहलाम ते अपियाची बाजार अने तीन उत्तर शाळा येथपर्यंत आमाहा आगाडी आव्ये पौलाने ओ जांहा पालील्यो तेहलाम परमेश्वरोओ धन्यवाद आपित ते जास्तीज उत्साहामे उवे.

¹⁶ जांहा आमाहा रोम इंही पुग्यु तेहलाम होमला शिपायाआ पहाराम पौलाहा अलग रोइला कोअता परवानगी आप्यी.

पौलुस रोम मेहे

¹⁷ तीन दिहीआ पौलाने यहुदी अधिकाऱ्यांना हादाडये अने ते एकठे आव्ये तेहलाम तो तियाहा कोयु, ऐ, पाहीही, जर आय आपाआ जात किंवा आपाआ आगाडी डाये याआ विधी विधानांविरुद्ध किबी कोल्यु नाहा तेबी पण माहु यरुशलेम माय माहु अटक कोईत रोमीआ होफहोपिन आप्लु.

¹⁸ तिये माआ चौकशी कोअयी अने माहु सोडीत आपलो ठेरव्यो, काहाके एहलो किबी आय कोल्यु निमिले का तीयावाही माहु मृत्यूदंड आपा.

¹⁹ परंतु तेहलाम यहुदीयाआ विरोध कोअल्यावांहि कैसरापो न्याय मागिलो माहु भाग पोडये परंतु याकोअता नाहा का आय आपाआ माहाहूपो दोष देखाडीही.

²⁰ ओच काहाके ओते का ज्यावाही तुम्हीही मिते अने तुम्हीही गोगीला ओते काहाके इस्राएलाआ ओच भोरुसो होय का तियाआ कोताज आय हाकलीकि बादितमेल्यु होय.

²¹ तेए तियाहा कोया, नाहा आमाहा ताआ विषय मेहे यहुदीप रोत चिट्ठी जोड़ी अने नाहा पायहोम रोत आवित ताआ बाराम काही कोया, अने नाहा वाईट कोया.

²² किबी पत्र जोडयेहे नाहा अने तिहीरोत आवल्यावाही कोडुबी तुमा विषयी विसारपूस कोअयी नाहा किंवा तोह्बारामे कोडु वाईट कोयु नाहा.

²³ ताहा तोओ तिया कोअता एक दिह ठेरावयु, अने ईस्तेज मांहे तिया जागे एकठे ओवये, अने तोओ परमेश्वरोओ राज्यओ गवाही कोतु जात, अने मूसाआ व्यवस्था अने भविष्यवक्ताआ पुस्तक मेहेरोत येशु विषय मेहे सोमजाडीत वेग्र्यु ते हासती वेले जाआ वर्णन कोअतु रोयु.

²⁴ तेहलाम तिये त्याआरी एके तेदीही विश्वास कोअयु अने फासाडी ते ज्या जागापो ते थोब्यो ओते तियाअ जागापो वोडो संख्या मांहे एकठे जमा उवे ओते, मुस्साहा व्यवस्था अने संदे ग्रंथापासून येशु विषयी होमजाडीकोअता अने खात्री कोईत आपित तिये परमेश्वरोओ राज्याविषयी आपाआ साक्षी आप्यी तो वेगीई त्यापोरोत हांजेपो पर्यंत ओच होमजाडीकोअता पुरो वेल कालीत.

²⁵ पौलुस तिये जे किबी पवित्र कोयु ओते यशायाह भविष्यद्वक्ता तीयाम किबी मांहे सहमत उवे परंतु कोढीबी विश्वास कोअयु नाहा,

²⁶ फासाडी आपसामेहे सहमत उवे, अने तियाअ ती जागेरोत जाऊ लागाडीत तेहलाम पौलाने एक गोठी फासी कोल्यी, यशया भविष्यवक्ताच्या त्यापोरत पवित्र आत्मावांहि तुमामे ठीक कोयु ओते,

²⁷ जात याआ माहुंहु कोअलो, “तुमु होमलीनारू पण होमजीहि नाहा, कदाचित; तुमु पालीत रोही, परंतु केधीज देखाय नाहा”

²⁸ अने तुमु जाआ, की परमेश्वरोओ एए उद्धारो कथा अन्यजाति जागे मुकल्युहु, अने तेए होमले.

²⁹ जाहा तोओ कोयो ते यहूदी आपसामेहे जाआखी वादावाद कोहू लागे अने तिहीरोत जाते रोये.

³⁰ तो एहलो गोगीत ओतलू यहुदी वारुज वेल वादविवाद कोईत निहित गोये,

³¹ अने जे तिया जागे आवते ओते, तिया आखाहा मिलतू रोयू अने बिगुर रोक-टोक खूब निडर ओत कोईत परमेश्वरोओ राज्योओ प्रचार कोअतु अने प्रभु येशु मसीह गुठ्या हिकाडतु रोयू.