प्रेरितो काम 18 - नोयरी नोवलू नियम

कुरिन्थि मेहे पौलुस

¹ तियाआ फासाडी पौलुस एथेंस सोडीत कोईत कुरीन्थुस मेहे आव्यू.

² त्याजागे तो पुन्तुस तियाआ रोणारे अक्वीला नावोओ यहुद्याला मिल्यू तो तियाआ वेले आपाआ लाडी प्रिस्काला आरी अरीतीमिसचे आवयू ओतु तिये इटाली यकोअता सोडये ओते का क्लौदियुस लेतजा आखे यहुदी मांहोहो रोम मायरोत निहित जांहु आदेश आप्यू ओतु तेहलाम पौलुस तियाहा मिलीहू गोल्यो.

³ काहाके तिया काम धन्दु एकुच ओतु तेहलाम तो त्याआरी रोला अने काम कोहू लाग्यू तिया धदू तंबू बोताडीलाआ ओतु.

⁴ हर एक शब्बाथ तेदीही तो यहुदी मंदिरो माय वादविवाद कोईत यहुद्यांमेहे अने यूनानी माहुंहु खात्री कोईत आपित एहलो.

⁵ जांहा ते मकिदुनिया रोत सिलास अने तीमुथियुस आव्ये तेहलाम पौलाने आपाआ आरन्यो वेल वचन प्रचार कोइला कोअता लागाड्यू ओतु तो यहुद्यांमे ओ प्रमाणित कोईत ओतु का येशु ओच ख्रिस्त होय.

⁶ जांहा तिये तिया विरोध कोअयु अने तियाहा अपशब्द गोग्या तेहलाम तिये तियाआ विरोधाम आपाआ कापडे फोकडीत तियाहा कोयु, तुमाआ रक्त तुमाज माथ्यापो पोडे तीयाम आय निर्दोष होय ओमे आय आगाडी अन्यजातिपो जानारू.

⁷ ह्याप्रमाणे पौलुस तीजागेपोरोत निहित गोल्यो अने तीतुस-यूस्तुस नावोओ कोआ आवयू तो परमेश्वरोओ भक्ती कोअनारू ओतु त्याआं को यहुदी मंदिरोहो लागीत ओते.

⁸ क्रिस्पुस जो यहुदी प्रार्थना सभा-स्थानाचा अधिकारी ओतु आपाआ योग्य परीवाराआरी प्रभूमे विश्वास कोअयु ओतु त्याआरी तियाअ खूप करिंथकरांआ जिये पौलाचे वचन होमल्यु ओते तिये विश्वास कोईत बाप्तिस्मे लेदो.

⁹ होमला राती होपनाआ प्रभूने पौलाहा कोयु, “बित नाहा, गोगीत रो अने ठावकू रोहू नाहा”

¹⁰ काहाके आय ताआरी होय ताआरी लोढाई कोईत कोडु पण ताहु नुकसान पोताळिहि नाहा काहाके याआ नगरामे माआ खूप मांहे होय.

¹¹ तीही पौलुस दीड सालपोईत परमेश्वरोओ वचन तीयाम हिकाडतो रोला

¹² जांहा अख्यायाहा राज्यपाल गलीलो ओतु तेहलाम यहुदी एकजूट ओतगोयु पौलापो सोडवीत आव्ये अने तियाहा तोईत न्यायालयात घेऊन आव्ये,

¹³ अने गोग्या, ओ माहुंहु परमेश्वरोओ उपासना आशा प्रकारे कोत बहकवीत होय काजे नियमशास्त्राआ बारथेए होय.

¹⁴ पौलुस ओमे आपाआ सोब उगाडनारू ओतु तेहलाम गलीलो लेतजा यहुद्याला कोयु, ऐ यहुदीया, जर ओ विषय कोडनीबि जाखोज अपराधाआ रोला ओतलू ताहा तुमाआ होमलिलो माकोअता न्यायहेगांत ओते.

¹⁵ कोईत ओ विषय शब्द नाव अने तुमाआ नियमामे प्रश्नाआ संबधित होय याकोअता याहा तुमुज पालीत ल्या, याआ न्यायी माहु लेऊ नाहा.

¹⁶ अने तिये तियाहा न्यायालयामरोत बारथे काढीत आप्लु.

¹⁷ तेहलाम तिये प्रार्थना सभास्थानआ अधिकारी सोस्थिनेस ला तोईत दाबल्यो, न्यायालयाआ आगाडी तियाहा माआहि लागाडीत परंतु गलीलो याहापा थोडो पण लक्ष्य आप्लु नाहा.

अन्ताकीया मेहे आवलोओ

¹⁸ जाखो दिहेजा पौलुस तियाअ जागापो उबलु ओतु फासाडी पायहोरी प्रिस्काला तेहलूज अक्वीला पण ओते पौलाने किंख्रिया आपाआ सिंज्ये वाड्यो, ताहरू तोओ सीरिया जातु रोयू काहाके तिये एक मांता लेधलो ओते.

¹⁹ फासाडी ते इफिसुस पुग्या अने पौलाने प्रस्कीलाआ अने गोगत्ले तियाअ ठिकाणीहा सोडये अने तुमु प्रार्थना सभास्थाना माय जात यहुदीयाआरी गोठ्याकोंहु लागाडीत,

²⁰ जांहा तियाअ जागाआ माहु तियाहा किबी दीही फासी थोबुह कोयु तेहलाम तिये तियाहा नकार आपित आप्यू,

²¹ परंतु तिये जाआत्लू कोयु, जर परमेश्वरोओ इच्छा होय ताहा आय तुमापोओ फासी आविही तिये इफिसुस पोरोत डूगाव्दरे प्रवास जाआलो कोअयु,

²² फासाडी कैसरिया उतरीत ते यरुशलेमो गोये अने तियाअ जागापो मंडली लोकांची भेट लेदि अने फासाडी तो अन्ताकीया जागे निहित गोल्यो.

पौलुसोओ तीसरी प्राचार यात्राआ सुरवात

²³ तिया जागापो किबी वेल काडीत टाक्ये ताहा तिये चेले खोबोर लेदो अने गलातीया अने फ्रूगिया क्षेत्रात होमला ती जागेरोत दिहरा जागापो प्रवास जाआलो कोईत आखे अनुयायी चा विश्वास वोदाडीअलो ओतु.

अपुल्लोस नावोओ विद्वान मांहो

²⁴ त्याजागे अप्पुलोस नावाआ एक यहुदी रोत ओतु तो सिकन्दरियाआ रोनारू ओतु, तो विद्वान वक्ता ओतु तो इफिसमध्ये आवयू ओतु शास्त्राआ पुरो ज्ञान तियाहा ओते.

²⁵ तियाहा प्रभूऊ मार्गाआ दीक्षा पण जोड़ी ओती तो मोनामेहे उत्साह पोईत प्रवचन हिकाडतो ओतु तेहलूज येशु विषयी सावधान पुर्वोज संदेश आपित ओतु तियाहा योहानाआ बाप्तिस्मे विषयी ज्ञान ओते.

²⁶ यहुदी मंदिरो मायतो न बिकर्या गोगू लाग्यू जांहा प्रिस्काला अने अक्वीला लेतजा तियाहा गोठयुकोअता होमल्यु तेहलाम ते तियाहा एकिवोले घेऊन गोये अने जाखो सोपो अने हीदू भाषम तियाहा एक-एक गोठी परमेश्वरोओ मार्गाबद्दल होमजीतलो.

²⁷ जाहा तिये अखया जायलो ठेरवीही, तेहलाम पाहीही तिया उत्साह वोदाडयु अने तियाअ जागापो रोणारे मांहाहा तिया स्वागत कोइला कोअता चेले पत्र लेखित मोकल्ये जांहा तो तियाअ जागापो पुगीतगोयू तेहलाम तो त्याकोअता वोडू सेवक बोल्यू सिद्ध बोल्यू जिये परमेश्वरोओ कृपेणे विश्वास ग्रहण कोअयु ओतु,

²⁸ काहाके शास्त्रापोरोत ओ प्रमाणित कोईत ओतु का येशु ओच मसीही होय तिये यहुद्याआ माहुआगाडी माय जोरदार शब्दामे गोगीत तियाआ खंडणी कोईत ओतु.