प्रेरितो काम 17 - नोयरी नोवलू नियम

थिस्सलुनिके नगर मेहे पौलुस अने सिलास

¹ फासे ते अम्फीपुलीस अने आपुल्लोनीया मेहेरोत थीस्सलूनीके मेहे आव्ये जीही यहुदीयाआ एक मंदिर ओतो.

² पौलुस आपाआ रोतीई नुसार तियाआ जागे गोल्यो अने तिये शब्बाथाआ तेदीही पवित्रशास्त्राद्वारे त्याआरी वादविवाद कोअयु,

³ अने तियाआ अर्थ उगाडीत होमजाडिलो लाग्यू का ख्रिस्ताहा दुख सोसीला अने मोअल्या मायरोत जिवंत उवे आवश्यक ओते अने ओच येशु ज्याआ आय तुमामे कथा होमलाड्यू,

⁴ त्यामेरोत केते जानोतांहि अने भक्तीवाही यूनानी जामेपोरोत जाअखो जानोतांहि अने जाअखो एहलो कुलीन बुईही ग्रहण कोईत लेधलो अने पौलुस अने सिलास यांआरी मिलीलू गोये.

⁵ परंतु यहुदी माहु डाव तोईत बाजारामे माहुंमे किबी खराब माहुहुं आपाआ आरी लेधलो अने गोर्दी एकठे कोईत नगरामेहे गोधळ उघाडीते लागाडीत अने यासोनाच्या कोआही धावून तियाहा मांहा आगाडी लावूअलो ओते.

⁶ ते तीइही नाहा ओ पालहु ते आअडित ओतुताहा यासोनाआ अने किबी पायहोहो नगरआ अधिकारी समोर खेचीत लाविले ओ मांहे जिये जगाला उलटो सुलट कोईत आप्लु होय इही पण आवीत गोये होय.

⁷ यासोनाआ तियाहा आपाआ ईहि पर्यंत उगाऱ्ये होय का ओ आखेज आखे ओ कोयु होय का येशु राजा होय अने कैसराआ आज्ञाआ विरोध कोअता.

⁸ तियाअ माहुंहु अने नगरआ अधिकारी ओ होम्लाडूहु बीवाडीते आप्लु.

⁹ याकोअता तिये यासोनाची अने उरील्योओ माहुंहु आरी जागू आपित सोडवीत लाविले.

बिरिया नगर मेहे पौलुस अने सिलास

¹⁰ पाहीही लागेज रातीम पौलाहा अने सिलास ला बिरुयास मोकलित आप्लु अने ते तीइही पोतडहु यहुदी मांहाहा प्रार्थना कोआत गोये.

¹¹ ओ मांहे ताहा थिस्सलुनीकाआ यहुदी लोकापेक्षा हाजो ओते अने तिये वोडा उत्सुकतेने वचन ग्रहण कोल्यु अने ए गोठी ओच होय का नाहा ओ हर एक दीही पवित्र शस्त्रामेहे होदित रोल्या.

¹² याकोअता तियाआ वचनापो जाअखो जानोतांहि अने यूनानी कुलामेरयु बुईम रोत अने महुमेरोत जाअखो जानोतांहि विश्वास कोअयु.

¹³ काहाके का जाहा थिस्सलुनीकाम यहुदी होमजीत गोयुका पौलुस बिरुआ परमेश्वरोओ वचन होमलित ओतु तो तीइही आविलो माहुंहु खोळवळून चीतावले.

¹⁴ तेहलाम पाहीही लागेज पौलाहा मोकलित आप्लु का समुद्राआ किनारावपो निहित जा परंतु सिलास अने तीमुथियुस होमजीत्लो रोत गोये.

¹⁵ पौलाहा पोताळणारे तियाहा अथेनैपर्यंत घेऊन गोये अने सिलास अने तीमुथियुस साठी ए आज्ञा मिलवीत मोकलित आप्लु का ते तियाआ वेगु-वेगु आव्ये.

एथेंस नगर मेहे पौलुस

¹⁶ जांहा पौलुस अथेनैमध्ये तियाआ वात पालताज ओतुताहा नगराहा मूर्तीई पोअल्ये पालीत तिया जीव कासावीस ओवयू.

¹⁷ आखरी तो प्रार्थनामे यहुदी पोरोत अने भक्तीमानाप रोत अने जे चौकामेहे जे मांहे मिलतले तियाआ आरी हर एक तेदीही वादविवाद कोईत ओतु.

¹⁸ तेहलाम एपीकुरपंथी अने स्तोयिकपंथी तत्वज्ञान मायरोत कोडोबी तिया विरोध कोअयु अने कोढीबी कोयु, ओ बडबड्या नाहाकोत कोहू इच्छीला होय? परंतु दिहराआ कोयु, तो अन्य देवता मेहे मास्तर मालुम गुंगदिलो काहाके तो येशु पुनरुस्थानाचा सुवर्तेचा सुवार्ता कोईत होय.

¹⁹ तेहलाम ते तियाहा आपाआ आरी अरियुपगुस ओतगोयु गोये अने फ़ुस्ल्याआ, आमाहा होमज्यू शकतो का ओ नवो मोत होम्लाडित होय, की होय?

²⁰ काहाके तू अपरिचित गोठी होमलित होय याकोअता आमाहा होमजीत लेअलो होय का याआ अर्थ नाहाकोत होय?

²¹ याकोअता का आखे अथेने नैकर अने दिहरा देशोओ जे तीइही रोत ओते नवो-नवो गोठी सांगतात अने होम्लाड्या शिवाय अने कोडला कामोम वेल मोकलित निमिले.

अरिपगुस मेहे पौलुसोओ उपदेश

²² तेहलाम पौलसाने अरियुपगुस माय उबुरोत कोयु ओ अथेनेआ माआहामेरोत पालत्लू का तुमु हर एक गोठीमेहे देवताआ वोडो मानिनारे होय.

²³ काहाके का फिरीलावेले जांहा तुमाआ पुजण्या कोअता वस्तूउ पालीत ओतुताहा एक एह्ली एक वेदी पण देखल्यी, ज्यापो लेखिलो ओते अनोळखाती नाहा ईश्वर कोता याकोअता ज्याहा तुमु नि पालीलो उपासना कोतले आय तुमामे तिया प्रचार होमलाड्यू.

²⁴ ज्या परमेश्वराने धोरती अने तियाआ आखे वस्तूंवाही बोनाडहि तोज होर्गा अने धोरतीई स्वामी ओमेत आताई बोनाडल्ये मंदिरोम रोत नाहा,

²⁵ नाहा कोडला वस्तूआ आवश्यकतेऐ कारनोवाही मांहाहा आथोवाही सेवा लेहो, काहाके तो खुद आखाहा जीवोन अने श्वास अने आखे किबी आपोहो.

²⁶ एकाच मनुष्यामेरोत तिये आखे जाती निर्माण कोल्यु यकोअता ते आखे धोरतीपो वास्तव्य कोईओलो, तीयेज माहाआ नियम निच्छित कोल्यु अने तियाअ ठीकानाहा पण ज्या जागापो ते रोत ओते,

²⁷ तियाआ प्रयोजन ओच ओते का लोकाहा परमेश्वरोओ हाजा ओवुहू सेकोहो का ते तिही पर्यंत पोतडहु मिलवे एहलो ओतगोयु पण तो आमापोरोत सेटे रोला नाहा.

²⁸ काहाके का आमाहा जीवित रोतलू तियाहा आमाआं शक्ती होय अने तियाहा आमाहा वास्तव्य होय याकोईत किबी भविष्यवक्त्यांनी पण कोयु होय का आमाहा तियाआ पोऱ्ये होय.

²⁹ काहाके आमाहा तियाआ पोऱ्ये होय त्याकोता आमाहा ओ विचार कोअला नाहा का ते ईश्वरत्व होनो किंवा चांदी किंवा डोनो मोनावाही बोनाडल्ये मुर्तीहोस होय.

³⁰ असे अज्ञानी युगाची परमेश्वराई अपेक्ष कोईत आप्यी होय कोईत तो हर एक मांहाहा मोन फिरविला कोअता आज्ञा आपित होय.

³¹ कोईत तिये एक दीही निच्छित कोअयु होय तियाअ तेदीही तो होमला महापरोत जगाआ न्याय कोअनारू होय मोल्यामरोत जिवंत कोइत प्रत्येक कोअता ए गोठी प्रमाणित कोल्यी होय.

³² जाहा तिये मोल्यामरोत पुनरुत्थान ओनारो प्रमाण कोयु ओतु तेहलाम कोढीबी तियापो मजाक कोअयी अने किबी माहु कोयु, का आमाहा आव विषयी फासाडी फासी वचन होमला

³³ तेहलाम पौलुस तियाहा सोडीत निहित गोल्यो.

³⁴ किबी माहु विश्वास ग्रहण कोअयु अने तियापरोत ओतगोयु गोये यामे अरीयुपगुस्का सदस्य दियुनुसियुस अने दमरीस नावाआ एक बुई तेहलूज तियापरोत किबी फासी मांहे ओते.