प्रेरितो काम 12 - नोयरी नोवलू नियम

हेरोदेसोओ हिंसा

¹ ती वेले हेरोदेस राजा बी मंडली पोओ काही जाणा पोओ दोमीला कोअता त्यापोओ आथ टाक्यु.

² तिये योहानाआ पाही याकोब याहा तलवारीकी माईत टाकिलाकोअता लागाडले.

³ जांहा तिये पालील्यो का यहुदी मांहे जीयेतीये आनंदाम ओये तेहलाम तिये पेत्राहा पण तोईत लेधलो तेदीही बेखमीर रोटाआ ओते.

⁴ तिये तियाहा जेलूम कोईत तुरुगामे टाक्ये, अने चोर शिपायामेहे चोर पहाराम मेकल्ये आव विचाराआ का वल्हाडण तीवारे उवेताहा तियाहा मांहाहा आगाडी लेतावे.

पतरसो बंदीगृह सी छुटकारु

⁵ बंदी कोअमे पेत्र जेलूम ओतु परंतु मंडली एकाग्रतेने परमेश्वराही प्रार्थना कोईत ओते.

⁶ जांहा हेरोद तियाहा माहूक आगाडी अनावर ओतु तियाआ राती पेत्राहा बेन हाकूलवाही बांध्यू बेन शिपाया माय हुव्यू ओतु अने रखवाली कोआ बाअनापो जेलों कोआ रक्षण कोईत ओते.

⁷ पाला, प्रभूआ एक स्वर्गदूत आविलो उबु रोला अने तियाअ जेलूम प्रकाश सोमक्यू अने तिये पेत्राआ खांदापो आथे थापटून तियाहा उठाडीलो अने कोयु, उठ, वेगु को, अने तियाआ आथोम रोत हाकूल उगाडीत खाडी पोड्यो.

⁸ तेहलाम स्वर्गदूत तियाहा कोयु, कोमोर बांध अने आपाआ बूट कालीत ले, अने तिये तेहलूज नंतर तिये कोयु, आपाआ कापडे कालीत माआ फासाडी आव.

⁹ तो निहित तियाआ फासाडी गोल्यो परंतु ओ मालुम निमिले काजे किबी स्वर्गदूत कोईत ओते ते होपनो होय नहाते ओ होमजाडीत होय का आय दर्शन पालीत होय.

¹⁰ तेहलाम ते पोयतो अने राखोन उनकीत तियाअ लोखंडाआ फाटकापो पुग्या जे नगराही होय तो त्याकोअता आपोआप उगाडीत गोल्यो अने ते निहित एकाच वाट चालीत गोये अने लागेज स्वर्गदूत तियाहा सोडीत निहित गोल्यो.

¹¹ तेहलाम पेत्राई पाहीपो आविलो कोयु ओमे आय खोरो ओलखीत लेदो होय का प्रभूऊ आपाआ स्वर्गदूत मोकलित माहु हेरोदाआ आथोम रोत सोडवीत लेधलो, अने यहुदीयाहा आखी आशा तोडीत आप्यी होय.

¹² ओ ध्यानाम आवेताहा तो तियाअ योहानाहा याह्ही मरियाआ कोआ आवयू जो मार्क कोअहो जात्लू तिही जाअखो मांहे एकठे प्रार्थना कोईत ओते.

¹³ जाहा तिये दरवाजाआ कोडी खिडकी ठोकीही रुदा नावाआ दासी पालुहू आवयी ओती.

¹⁴ पेत्राआ शब्द ओलखीत तिये आनंदाआ आगाडी फाटक उगडालू नाहा, परंतु गुगदिलो विसमे गोयी अने कोयु का पेत्र बाअनापो उबु होय.

¹⁵ तिये तियाहा कोयु, तू वेढी उवी होय, परंतु ती खात्रीवाही गोगल्यी ऐहलेच होय तेहलाम तिये कोइतलु, तियाआ स्वर्गदूत होय,

¹⁶ पोने पेत्र देताच ओतु आखरी तिये खिडकी उगडाव्यी अने तियाहा पालीत आश्चर्य चक्कित उवे,

¹⁷ तेहलाम तिये तियाहा ओतु कोईत इशारु कोअयु का ठावकू रो, अने तिये कोयु का प्रभूऊ तियाहा कोडला रीतीवाही तियाहा-तियाहा जेलूमाने काढीत लाविले फासाडी कोयु, याकोब अने पायहोहो ए गोठी कोत द्यायची फासाडी तो दिहीरा जागापो निहित गोल्यो.

¹⁸ वेगी शिपायामेहे कापाली उडाली का पेत्राआ नाहाकोत उवे.

¹⁹ जांहा हेरोदावाही तियाहा होदिलो अने मिल्यू नाहा राखवाली कोनाराहा तोपासित आज्ञा आप्यी का ते माईत टाक्ये जाय अने ते यहुदीयाहा सोडीत कैसरीयामे आविलो रोल्या.

हेरेदेस कीड़ा पोडित मोअयु

²⁰ हेरोद सोरकरांवर अने सीदोन माहाहूपो जास्तीज अप्रसन्न ओतु याकोअता ते एकचित ओतगोयु तियाआ जागे आव्ये अने बलस्त याआ जोराट्यांचा एक कर्मचारी ओतु तियाहा होमजाडीत मेल कोहू इच्छिता काहाके राजाहा देशामेने तियाआ देशोओ पालीत पोषणाआ उवनारा ओते,

²¹ ठेरविल्ये दीही हेरोद राजवस्त्र कालीत सिहासनापो बोहयु अने तियाहा भाषण आपुहू लाग्यू.

²² तेहलाम मांहे आयडीत उठे ओ ताहा माअहा नाहा देवाआ शब्द होय

²³ तियाआ क्षणाला प्रभूउ होमला स्वर्गदूतांवाही लागेज तियाहा माअये, काहाके तिये परमेश्वरोओ गौरव आप्लु नाहा अने तो किडे लागित मोईत गोल्यो.

²⁴ परंतु परमेश्वरोओ वचन वोदतो अने फैलीत गोये.

²⁵ जाहा बर्णबा अने शाऊल आपाआ सेवा पुरो कोअयी ताहा योहान जो मार्क कोअहो जात्लू आरी घेऊन यरुशलेम ला गोल्यो.