2 पतरस 3 - नोयरी नोवलू नियम

प्रभुउ आगमोनोओ दिह

¹ ऐ प्रिय ओमे आय तुमाहा ऐ दिहरी पत्री लेखोहो अने बेनो मेहे सुधि आपित तुमाआ शुद्ध मोनाहा तियार कोअलू होय,

² का तुमु ई वातुहू जे पवित्र भविष्य कोनारा पेलुच कोत देदा ओतो अने तारण कोनारु तियाहा आज्ञा ओर कोआ जी तुमा प्रेरितो द्वारा आपीहि.

³ का तुमु आव गोठीही जे पवित्र संदेष्टाआ पोरोत कोयु होय अने प्रभू अने उध्दारकर्ताच्या तिया आज्ञाहा स्मरण कोजे तुमाआ प्रेरीतांआ त्यापोरत आप्यी गोयी ओती

⁴ पहीले ओ ओलखीत ल्या का शेवटच्या दिहोमे ओहिलो थट्टा कोअनारे आवे जे आपाहाज अभिलाषा नुसार चालणारे?

⁵ अने कोहू, परमेश्वरो वचनो द्वारा आकाश “तियाआ आविलाआ प्रतिज्ञा का गोयी? काहाके का जाहा पोरोत वाड-वडील हुविगोई, आखे पृथ्वी तेहलूज होय जेहलो सुट्टीआ पेल्लो माय ओते?”

⁶ ते ताहा जाईत बुजून ओ विहराइत गोये का परमेश्वरोओ वासिला त्यापोरत जुग प्राचीन कालोलरोत बुद्धीपो सर होय अने धोरती पोन पायोंपोरोत बोनी अने पायोमे स्थिर होय.

⁷ पोन वर्तमानो आकाश अने धोरती वचनो द्वारा याकोअता मिकले होय, की पेटाडे, अने तोओ भक्तिहीन मांहो कोअता न्याय अने नाश ओवलो दिह जाआ मीकित मिके.

⁸ हे प्रिय पण वर्तमान काळाचे जुग अने धोरती तियाआ वचनाच्याद्वारे याकोअता मेक्ल्ये गोये होय का जागू जाय; अने ओ भक्ति नि कोत्लू मांहाआ न्याय अने नष्ट उविलाआ दिहेजा ऐहलेच मेकीत मेकीही.

⁹ ऐ प्रीयानो, ए गोठी तुम्हाहि रोते निकाईत न राहो का प्रभूउ ईहि एक दीही हजार वोरोहो आरी होय.

¹⁰ प्रभू आपाआ प्रतीज्ञाआ आकाश विषयामे वेल नाहा लागाडीत, जेहलो टाईम किबी मांहे होमजीतेहे; पोन तुमाआ विषयामे धीर तोअत्लू; अने नाहा इच्छितो का कोडु नाहा ओवो, नहाते ओच का आखाहा मोन फेरविला वेल जोडीत.

¹¹ परंतु प्रभूआ दीही चराच्या एकहरको आवीत जाय, तिया तेदीही जुग वोडा गरजेने जात रोही अने तत्व जाअखो तृप्त ओतगोयु गोलीत जाइअलो अने धोरती अने तिया उपरयू काम निकाडीते जाइअलो,

¹² जाहा का ऐ आखे वस्तू आकाश गळविणारी होय, ताहा तुमामे पवित्र वागणूक अने देवा मेहे केहलो मांहु ओहु जोवे,

¹³ अने परमेश्वरोओ तिया प्रतिज्ञा वात कोडला रीतीवाही पेल्ली जोवे अने तियाआ वेगु आविलो कोअता केहलो यत्न कोहू जोवे ज्याआ कारनोवाही आकाश अने धोरती आगीवाही पिगली गोल्यो जाइअलो, अने साद्मेह गण जाअखो तृप्त ओत गोलीत जाइअलो.

जागता अने तियार रोवा

¹⁴ याकोअता, ओ प्रिय, जाहा का तुमु आव गोठीई आस पालल्ते, ताहा यज्ञ का तुमु शांतीई आगाडी निष्कलंक अने निर्दोष ओवा,

¹⁵ अने आमा प्रभूउ धीराआ उद्धार सोमजा, जेहलो आमाआ प्रिय पाही पौलाने बी तिया ज्ञानानुसार जे तियाहा जोडयेहे ते तुमामे जोडयेहे होय.

¹⁶ तेहलूज ए तिये आपाआ आखे पत्रांमेहे पण आव गोठीई चर्चा कोअयी होय, तीयाम किबी गोठी ऐहलेच त्याआं समजीआलो कठीण होय, अने अशिक्षीत अने चंचल मांहे तियाआ अर्थाला बी पवित्रशास्त्राआ दिहरे भाषाहा दिहरे गोठी सारखो खेचीत ताइन आपाहाज नोही काहाके बोणीत जातीही.

¹⁷ याकोअता ऐ प्रिय, तुमु मांहे पहिलुच याआ गोथिहिई ओलखीत सावध रो, काहाके अधर्मीयांचे जगामेहे ठोगीत आपाआ एकिजागे केहली ओतु कोईत अरवाईत न देओ.

¹⁸ पोन आपाआ प्रभू अने उद्धार कोअता येशु ख्रिस्ताआ कृपा अने ओळखत माय वोदतो जावा तीयाआज गौरव ओमेभी ओवो, अने कायम ओवती रोय आमेन.