2 कुरिन्थि 6 - नोयरी नोवलू नियम

सेवकायीई अनुभव

¹ आमू जे परमेश्वरोओ मदत कोइलो होय ओ पण साम्जाविलो का तियाआ कृपा जी तुमापो उवी तियाहा व्यर्थ मा जांहु देवा.

² काहाके तो ताहा कोत्लू, “आपाआ खुश उविलाआ टायमोमें आयताआ होमलित लेधलो, अने तारणाच्या दिहोम आय ताहु मदत कोअयी” पाला, ओमे तो आनंदाआ वेल होय पाला, ओमे तो तराणाआ दीही होय.

पौलुसोओ कठिनाई

³ आमू कोडनीबि गोठीमे ठोकर खाअलो संधी आपित नाहा म्हणजे आमा सेवेपो किबी दोष आवहू कायना.

⁴ पोन हर एक गोठीमे परमेश्वरोओ सेवक आपाआ हाजा गुणांना उघड कोअत्लू, वोडो हिमतिवाही, वोडो संकटामें, दारिदद्योमेहे, दुखो मेहे,

⁵ फटके खाइताहा, जेलूम ओतगोयलो, हुलडाणे, परिश्रमाने, जागतू रोयताहा, उपास कोलाकोता,

⁶ पवित्रतेने, ज्ञानाने, धीरज सी, कृपाळू पनाने, पवित्र आत्मावांहि,

⁷ खोरो प्रेमोवाही, सत्त्याआ वचनाने, परमेश्वरोओ सामर्थ्यावाही, धर्मिक्ताआ हत्याराने, जे हुदु-बांगडू आथोमेहे होय,

⁸ आदरा कोईत, अपमान, अपकीर्तीने, सतकीर्तीने, जर फसिवणारे होमजुत्लू जेबी खोरो होय,

⁹ न ओलखिनारा सारखो, तेबी पण प्रसिद्ध होय, मोअनारो सारखो होय अने पाला, जिवंत होय, माआदे खाअलाकोता होय पण जीवाआ माअये जात नाहा;

¹⁰ शोक कोअनाऱ्या सारखो होय, पण हरेक टेमे आनंद कोअत्लू; गरीबाहोस सारखो होय, पण खूप जणांनाश्रीमंत कोईत आपोहो एहलो होय जेहलो आमाही किबी नाहा तेबी पण आखे किबी मेकोहो.

¹¹ ऐ, करिंथकरांनो, आमाहा मोकले डोआवाही तुमाआरी गोठी कोअल्यो होय, आमाहा मोनाहा तुमाही उघडा होय.

¹² तुमा कोअता आमा मोनुमे किबी शंका नाहा, पण तुमाआ माय शंका होय

¹³ पोन आपाआ पोऱ्ये होमजीत तुमामे कोत्लू का तुमु पण तियाआ बोदलाम आपाआ मोनाहा उगाडीत दया.

आपु परमेश्वरोओ मंदिर होय

¹⁴ तुमु विश्वास नि मेकनारा कोअता सबंध जोडीत विजोड ओवुहू नाहा काहाके नीतिमान अने अधर्म याआ माहुआरी भागीदारी केहली उवे? उजालो अने आंदारो यामेहे जोडीदार कोअला केहलो उवे?

¹⁵ ऐहलेच ख्रिस्ताचे बलियाल केहलो एक उवे? तेहलूज अविश्वासी अने विश्वासी याहा केहलो जमेल?

¹⁶ परमेश्वरोओ मंदिरोम मूर्तीशी की नातो? काहाके आमाहा स्वतः तियाअ जीवित परमेश्वरोओ मंदिर होय जेहलो परमेश्वराने कोयु होय, आय तीयाम वास्तव्य कोअनारू, सालनारू, फिरीही, आय तियाआ परमेश्वर उवे अने ते माआ मांहे उवे,

¹⁷ त्याकोता तुमु तीयामरोत बारथे निहित जा त्यांचाकडून स्वतःहा अलग कोवूहू तुमु किबी स्पर्श कोहू नाहा जे अशुद्ध होये ताहा आय तुमामे ग्रहण कोअनारू,

¹⁸ अने आय तुमाआ बाह्हू उवे, तुमु माआ पोऱ्ये अने पोयरयी उवे, सर्वशक्तिमान प्रभू जे कोयु होय.