1 यूहन्ना 5 - नोयरी नोवलू नियमसंसार पोओ जित 1 ज्याआ ओ विश्वास होय का येशु मसीह होय तो परमेश्वराप रोत उत्पन्न ओवल्यु होय अने जो कोडू उत्पन्न कोअनाराप प्रेम मिकत्लू होय तोओ तीयापो बी प्रेम मिकत्लू जो तियाआ से उत्पन्न उवल्यु होय. 2 जांहा आमू परमेश्वारापो रोत प्रेम मेकोहो अने तियाआ आज्ञाहा मोनोहो, ताहा याआरी आमू ओलखीत्लू का आमू परमेश्वरोओ पोर्यापो प्रेम मेकोहो. 3 काहाके का परमेश्वरोओ प्रेम मेकिलो ओ होय का आमू तियाआ आज्ञाहा मानेतू; अने तियाआ आज्ञा कठीण नाहा. 4 काहाके काजे किबी परमेश्वारापो रोत उत्पन्न उवे होय, ते संसारोप जय जोडयो कोअते; अने ते विजयी ज्याआपोरोत जुगोपो जय जोडयो ओते आमाआ विश्वास होय. 5 संसारो पोओ जय मेलविणारा कोडू होय? फक्त तो ज्याआ ओ विश्वास होय का येशु परमेश्वरोओ पोऱ्या होय. मसीह विषय गवाही 6 ओच होय तो जो पाअयो अने रगत द्वारा आवयू ओतु, अर्थात येशु ख्रिस्त तोज नाहा फक्त पाअयोंआ द्वारा नाहा ताहा पाई अने रक्त बेनजो त्यापोरत आवयू ओतु. 7 अने जो साक्ष आपोहो तो आत्माआ होय; काहाके का आत्माआ खोरो होय. 8 साक्ष आपणारे तीन होय, आत्माआ अने पाई अने रक्त; अने तिन एकुच गोठीपो सहमत होय. 9 जेवी आमू मांहाआ साक्ष मानीत लेहो ताहा परमेश्वरोओ साक्ष ताहा तियाआ पोरोत वोडी होय; अने परमेश्वरोओ साक्ष ए होय का तिये आपाआ पुत्राआ विषया माय साक्ष आप्यी होय. 10 जो परमेश्वरोओ पोऱ्यापो विश्वास कोअत्लू तो आपाआ मायतेच साक्ष आपोहो जिया परमेश्वरोओ विश्वास नाहा कोअयु तिये तियाहा खोटो ठेरवीही काहाके का तिये तिया साक्ष्या उपो विश्वास नाहा कोअयु जो परमेश्वराने आपाआ पुत्राआ विषया माय आप्लु होय. अनंत जीवन 11 अने ए साक्ष ती होय का परमेश्वराने आमाहा सार्वकालिक जीवोन आप्लु होय, अने ओ जीवोन तियाआ पोऱ्या मेह माय होय. 12 ज्याआ जागे पोऱ्या होय तियाआ जागे जीवोन होय; अने ज्याआ जागे परमेश्वरोओ पोऱ्या पण नाहा. 13 आय तुमामे जे परमेश्वरोओ पोऱ्या नावापो विश्वास कोअता, याकोअता लेखिलो होय का तुमामे मालुम रोहू का सार्वकालिक जीवोन तुमाआ होय. प्रभावी प्रार्थना 14 अने आमू तियाआ आगाडी जे धैर्य होय, ते ओ होय; का केधी आमू तियाआ इच्छेवाइहि नुसार किबी मागोहो ताहा तो आमाहा मानत्लू. 15 जेवा आमू ओळखीयालु काजे किबी आमू मागोहो तो आमाहा मानत्लू ताहा ऐ पोन ओलखीत काजे किबी मोनुमे तियाआ त्यापोरोत माग्ये ते मिलन्ये होय. 16 केधी कोडु आपाआ पायहोहो एहलो पाप कोअत्लू पालील्यो ज्याआ फोल मोईतगोल्यू नाहा ओवो, ताहा विनती को परमेश्वर तियाहा तियाआ याकोअता जीआ एहलो पाप कोअल्यु होय ज्याआ फोल मरण नाहा, जीवोन आपे. पाप ऐहोलो बी ओते का ज्याआ फोल मरण होय; ज्याआ विषया माय विनती कोइला याकोअता नाहा कोयु. 17 आखे प्रकारचा अधर्म ताहा पाप होय पोन एहलो पाप बी होय ज्याआ फोल मरण नाहा. निष्कर्ष 18 आमू ओलखीत्लू का जो कोडु परमेश्वारापोरोत उत्पन्न ओवयू होय ओ पाप नाहाकोईत; पोन जे परमेश्वारापो रोत उत्पन्न ओवयू होय तियाहा तो वासाडीत मेकोहो अने तो वाईट तियाहा नाहा कोहू इच्छित. 19 आमू ओलखीत्लू का आमू परमेश्वारापो रोत होय, अने आखे जग तियाअ वाईटच्या वाडवडील पोडये होय. 20 अने आमू ओ पोन ओलखीत्लू का परमेश्वरोओ पुत्र आवयू होय अने तिये आमाहा समझ आप्यी होय आमू तिया जुफडाहा ओलखीत्लू, अने आमू त्यापोओ जो खोरो होय आर्थात तियाआ पुत्र येशु ख्रिस्तामध्ये रोतलू खोरो परमेश्वर अने सार्वकालिक जीवोन ओच होय. 21 ऐ पोर्या, खुदोहो मूर्तीपोरोत वासाडीत मेका. |
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation