1 यूहन्ना 4 - नोयरी नोवलू नियमआत्माहा पारखा 1 हे प्रिय हर एक आत्माहा प्रतीत मा कोआ नेते आत्माआ पारक का ते परमेश्वरोओ विश्वास होय का नाहा काहाके खोब ठोग भविष्य कोअनारा जगत मेहे निकलित ऊबे ओत रोये ओ. 2 परमेश्वरोओ आत्माआ तुमु आव रीतीवाही ओलखुहू सेकतेहे जी आत्माआ मानीत ओती का येशु ख्रिस्त डीलोम होवोन आवयू होय तो परमेश्वरा त्यापोरोत होय, 3 अने जी आत्माआ येशुहू नाहा मानीत, ती परमेश्वरा त्यापोरोत नाहा; अने ती ख्रिस्त विरोध कोनारो होय, ज्याआ चर्चा तुमु होमलित लेदि होय का तो आविलो होय अने ओमे पोन जगात होय. 4 हे पोऱ्या, तुमु परमेश्वरोओ होय, अने तुमु तियापो जय मिलन्ये होय; काहाके की जे तुमाआ माय होय ते त्यापोरोत जे जगुमे होय, वोडू होय. 5 ते जगोआ होय, तियाअ कारनोवाही ते जुगाआ गोठी गोगत्ले, अने जग ज्याआ मानत्लू. 6 आमू परमेश्वरोओ होय जे परमेश्वरोओ ओलखीत, तो आमाहा मानत्लू; जो परमेश्वरोओ नाहा उलखित्लू तो आमाहा नाहा होमलित याआ प्रकारे आमू खराआ आत्माआ अने भ्रमाचा आत्माआ हा ओलखीत लेहो. प्रेम द्वारा परमेश्वरोहो जाअलोओ 7 ऐ प्रीयांनो आमू आपसामेहे प्रेम मेकिलो; काहाके का प्रेम परमेश्वारापो रोत होय जो कोडु प्रेम कोअत्लू, तो परमेश्वारापो रोत जन्मलु होय अने परमेश्वरोओ ओलखील्यो. 8 जो प्रेम नाहा मेकीत तो परमेश्वरोओ नाहा उलखित्लू काहाके परमेश्वर प्रेम होय. 9 जे प्रेम परमेश्वरआ आमापो मेकोहो, ओ याआ प्रगट उवे का परमेश्वराने आपाहा होमले एखलूच एक पोऱ्या जगोमेह मोकल्यु होय का तो तियाआ त्यापोरत जीवोन जोडीत. 10 प्रेम यामेहे नाहा का आमू परमेश्वरोओ प्रेम कोयु पोन यामे होय का तियाहा आमापो प्रेम होय अने आमा पापाआ प्रायश्चितला लेत आपाआ पोऱ्याहा मोक्लोयो. 11 ऐ प्रीयांनो जांहा परमेश्वराने आमापो प्रेम कोयो ताहा आमाहाबी आपसामेहे प्रेम मेकुहू जोवे. प्रेम द्वारा परमेश्वरोहो देखलोओ 12 पोन परमेश्वरोओ केधीज कोडु नाहा पालील्यो, केधी तुमु आपसामेहे प्रेम मेकीही, ताहा परमेश्वर तुमामे रोतलू अने तियाआ प्रेम आमापो सिद्ध उवे होय. 13 ह्याआ आमू ओलखीत्लू का आमू तीयाम रोतलू तो आमापो; काहाके का तिये आपाआ आत्माआ आमाहा आप्लु होय. 14 आमू पाल्तुपाने लेधलो अने साक्ष आपोहो का बाह्हाआ पोऱ्याहा जगाआ उद्धारकर्ता कोईत मोकल्यु होय. 15 जो कोडु आ मानीत लेहो येशु परमेश्वरोओ पुत्र होय परमेश्वर तीयाम रोतलू, अने तो परमेश्वरा माय. 16 जे प्रेम परमेश्वर आमापो मेकोहो, तियाहा आमू ओलखीत लेधलो अने आमाहा तियाआ विश्वास होय, अने जो प्रेमा माय रोतलू तो परमेश्वरा माय रोतलू अने परमेश्वर तीयाम रोतलू. 17 त्यावाहिज प्रेम आमापो सिद्ध उवे का आमाहा न्यायाआ तेदीही धैर्य राई; काहाके जेहलो तो होय तेहलूज जगुमे आम्हुबी होय. 18 प्रेमोमेहे बित नाहा रोत, नहाते सिद्ध प्रेम भयाला सेटो-सेटो सेटे कोईत आपित होय काहाके का भयाआ संबंध डेगारी ओते, अने जो बिहत्लू तो प्रेमाम सिद्ध नाहा ओवयू. 19 आमू याकोअता प्रेम कोअत्लू, का पेलेला तिये आमापो प्रेम कोल्यु. 20 केधी कोडु कोअही, “आय परमेश्वरोओ प्रेम कोअत्लू अने आपाआ पाहीपो वैर मेकलू ताहा तो ठोग होय; काहाके का जो आपाआ पाहीपो ज्याहा तिये पालील्यो होय प्रेम नाहा मेकीत, ताहा तो परमेश्वरोओ पण जिये तियाहा नाहा पालील्यो प्रेम नाहा मेकीत साकेतू.” 21 तियाआ पोरोत आमाहा ए आज्ञा जोड़ी होय, का जो कोडू परमेश्वरोओ प्रेम मेकोहो तो आपाआ पाहीपो पोन प्रेम मेकोहो. |
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation