1 कुरिन्थि 5 - नोयरी नोवलू नियम

कलीसिया मेहे अनेय्तिक सदस्य

¹ इही जाआ होमलुहू आव्यो का तुमु मेहे व्यभिचार बी ओवे ओ एहलो व्यभिचारी जो अन्यजाति मेहे बी ने ओतु होय का एक माइहु आपाआ बाह्हाआ लाडीही राखतु होय.

² अने तुमु दुख ताहा कोईत नाहा याहीरोते एहलो काम कोअनारू तुमा मेहेरोत लाडयु ओतलू पोन तुमु गर्व कोअता.

³ आयताहा डीलोओ भाव सी सेटे ओतू पण आत्माआ च्या भाव सी जणू नाहाकोत तुमाआरी रोत उपस्थितांच्या अवस्थाम एहलो काम कोईलाकोता ए आज्ञा आप्यी होय.

⁴ का जाहा तुमु अने माआ आत्माआ आमा प्रभू येशुउ सामर्थ्याआ आरी एकठे उवेताहा एहेलू मांहु आमू प्रभू येशुउ नावामेहे,

⁵ डीलोओ नाशिलो शैतानोहो होफहोपिन आपलो म्हणजे तियाआ आत्माआ प्रभू येशु दिहोमे तारण मिलवीही.

⁶ तुमाआ गर्व कोअला हाजो नाहा; नाहाकोत तुमामे मालुम नाहा का थोडूज खमीर पुरो मळवाओल्ये लोट खमीर कोईत आपोहो.

⁷ जुनो खमीर काढीत स्वतःहा शुद्ध को म्हणजे नवो कुहनिलेल्यो ओतगोयु जानारू म्हणजे तुमु बेखमीर होय काहाके आमाआ पण वल्हाडनाचा यज्ञ जनावरे जो ख्रिस्त होय बलिदान ओवयू होय.

⁸ त्याकोता आव तीवारोमे आपु आनंद कोहू नहाते जुनो खमिराने अने चुकीबी पोन अने दुष्टाच्या खमिराने पोन नाहा पोन ऐहल्लोज अने सत्याआ अखमिरेने.

अनेय्तिकता कोअता न्याय

⁹ आय आपाआ पत्रामेह तुमामे लेखिलो होय का व्याभिचार कोओनारारी संगति मा कोअहा.

¹⁰ ओ नाहा का तुमु बिलकुल आव जुगाआ पाप कोअनारू, लोभ कोअनारे, वित्तहरण कोअनारे, मूर्ती पुजारो होबती तोहुं नाहा काहाके आव अवस्थाम ताहा तुमामे जगोमरोत निहीतगोयो जालो लागे.

¹¹ पोन माआ कोईओलो ओ होय का जर कोडु ख्रीस्तात पाही कोअही अने पापकोनारू किंवा लोभी किंवा मूर्ती पूजा किंवा वित्त हरिन कोअनारू किंवा गाई आपणारो किंवा पिनारू होय ताहा तियाआ होबती तोहुं नाहा पण एहलो मांहाआरी रोटू सुद्धा खाहा मा.

¹² काहाके माहु दिहरे जातीई माहुहु न्याय कोईओलो की काम? की तुमु विसमे होय तियाआ न्याय कोईत नाहा?

¹³ पोन दिहरे माहुहु न्याय परमेश्वर कोअत्लू त्यापोत तियाअ पाप कोआनाराहा आपामेहे काढीत टाका.