1 कुरिन्थि 3 - नोयरी नोवलू नियम

मांहोओ अनुसरण हाजो निमिले

¹ ऐ पाही आय तुमाआरी एहली रीतीवाही गूठी नाह मेकित सेक्यु जेहलो आत्मिक माहाआ आरी पोन जेहले शारीरिक माहाआ आरी अने तियाआ जे मसीह मेहे पोरये होय.

² आय तुमामे दुध पिवाल्यो, रोटू आप्लु नाहा काहाके तुमु तियाहा खाऊ शकत निमिले, पोन ओमे पर्यंत तुमु खाऊ शकत नाहा,

³ काहाके ओमे पर्यंत शारीरिक होय, याकोअता का जांहा तुमामे डाह अने लोळाई होय ताहा तुमु शारीरिक नाहा? अने की मांहाहा रितिमे सालते नाहा?

⁴ काहाके जाहा एक कोत्लू, “आय पौलाचा होय” अने दिहरु आय अप्पुलोसाचा होय, ताहा नाहाकोत तुमु मांहु नाहा?

परमेश्वरोओ दासोओ भूमिका

⁵ अप्पुलोस की होय? अने पौलुस भेद की होय? फक्त सेवक ज्याआ मार्फत तुमु विश्वास कोअयु जेहलो प्रत्येकाहा प्रभूऊ आप्लु.

⁶ आय लागाडले अप्पुलोसाने सिंचले, पण परमेश्वराने वोडेक्यो.

⁷ यकोअता नाहा का लागाळणारू किबी होय अने नाहा सिंचणारा पण परमेश्वरोओ आखे किबी होय जो वोधावनारो होय.

⁸ लागाळणारू अने सिंचन कोअनारे ओ बेन एकुच होय पण हर एक माहहू आपाहाज परिश्रमाने आपाआ मोजरी मेलविनारू.

⁹ काहाके आमू परमेश्वरोओ आरिज काम कोअतेहे होय; तुमु परमेश्वरोओ खेत अने परमेश्वरोओ बोनाडल्ये होय.

¹⁰ परमेश्वरोओ तिया कृपेच्या अनुसार जे माहु आप्लु होय, आय बुद्धिमान राजमिस्त्र्यासारखा गुडू टाक्यू अने दिहरा तियापो राद्दा मेकतुल्यो पण हर एक माहुई सावध रोअलो का तो तियापो केहलु बांधकामो कोअत्लू.

¹¹ रीगडल्यो गुडू जो येशु ख्रिस्त तियाहा सोडीत कोडु दिहरू गुडू टाकुहू शकत नाहा.

¹² जर कोडु आव पायापो होनो किंवा चांदी किंवा किमतिई डोणो किंवा लाकड़ो किंवा चारू किंवा भूसांआ काम को,

¹³ ताहा हर एक काम उघड उवे काहाके तो दीही कोअही यकोअता का तो अग्नि बरोबर प्रगट उवे अने ती आगी प्रत्येकाआ कामाकोता पारकलु का ते एहलो होय.

¹⁴ ज्याआ काम गुडापो स्थिर बोणीत रोही तो मोजरी मिलवे.

¹⁵ जर कोडाआ काम बोलीते जानारू ताहा तो तिया तोटा उवे पण तो स्वतः वासी जाय पण पेटीत-पेटीत बारथे पोडल्या होस.

¹⁶ की तुमामे मालुम नाहा का तुमु परमेश्वरोओ मंदिर होय अने परमेश्वरोओ आत्माआ तुमामे रोतलू?

¹⁷ जर कोडु परमेश्वरोओ मंदिराआ नाश कोअनारू ताहा परमेश्वर तियाहा नाश कोअनारू काहाके परमेश्वरोओ मंदिर पवित्र होय अने ते तुमु होय.

सांसारिक ज्ञान सी वासा

¹⁸ कोडु स्वतःहा फसाविल्यो लेऊ नाहा जर तुमामेरोत कोडु आव संसार मेहे स्वतःहा ज्ञानी होमजुत्लू, ताहा तो मूर्खपणा ज्ञानी ओत जानारू.

¹⁹ काहाके आव जगोआ ज्ञान पर्मेश्वरारी फोगु होय जेहलो लेखिलो होय, “तो हुशारमाहुउ तियाआ चतुरा मेहे फसाविल्यो आपोहो”

²⁰ अने फासाडी ज्ञानवानाचे विचार मालुम होय ते व्यर्थ होय.

²¹ त्यापोत माहुहीई काहीही गर्व कोहू कायना, काहाके किबी तुमाआ होय

²² की पौलुस, की अप्पुलोस, की कैफा जगत, की जीवन की मरण, की वर्तमान, की भविष्य, आखे किबी तुमाआ होय,

²³ अने तुमु ख्रिस्ताचे होय अने ख्रिस्त परमेश्वरोओ होय.