1 कुरिन्थि 2 - नोयरी नोवलू नियम

पौलुसोओ घोषणा

¹ ऐ पाही जाहा आय परमेश्वराआ भेद होमलाडतु तुमाआ जागे आवयु, ते शब्दाआ या ज्ञानाआ उत्तमताआ आरी नाहा आवयु.

² काहाके आय ओ ठेरवील्यो लेधलो ओते का येशु ख्रिस्तपण क्रूसापोओ चढवओल्य ख्रिस्ताहा सोडीत कोडनीबि दिहरा गोठीकोता मालुम कोअनारू नाहा.

³ आय अशक्त पोनामे ओ अने भितीपोरोत अने जास्तीज कापीत ओतलू तुमाआरी रोला,

⁴ अने माआ वचन अने माआ प्रचारामध्ये ज्ञानाह विहिरावणारी गोठी नाहा पण आत्माआ अने सामर्थ्याचे प्रमाण ओते,

⁵ यकोअता का तुमाआ विश्वास मांहो ज्ञानावर नाहा पण परमेश्वरोओ सामर्थ्यापअ अवलंबून होय.

आत्मिक ज्ञान

⁶ तेबी पण हीदू माहुंमे आमाहा ज्ञान होमलाड्यू पण तिया संसाराआ अने आव संसाराआ नाश उवनारू अधिकारी ज्ञान नाहा,

⁷ पोन आमू ते गुप्त ज्ञान जे उघड नेसलेल्या रीतीपो कोत्लू ज्याहा परमेश्वराने कायम त्यापोरोत आमा गौरव कोअता नियुक्त कोल्यु होय.

⁸ जे जुगाआ अधिकारी मधून कोडूच ओलखे नाहा काहाके जर तिये ओलखे ओते ताहा तेजस्वी प्रभूहु क्रूसापोओ चोढावीत कायना ओतो.

⁹ पोन जेहलो लेखिलो होय, “ज्या गोठी डोआवाही पाल्या नाहा, कानाकी होमल्या नाहा, अने ज्या गोठी मांहाहा विचारोम आव्या नाहा तियाआ होय ज्या परमेश्वराने आपाआ प्रेम कोअनारा कोअता बानावल्या होय.”

¹⁰ पोन परमेश्वराने तियाहा आपाआ आत्माआ त्यापोरत आमा उपो प्रगट कोल्यु काहाके आत्माआ आखे गोठी पारखुन लेहो एवडोज नाहा ताहा परमेश्वरोओ नीकाईसरोल्या गोठी पण पारखिल्यु लेहो.

¹¹ माहामेह रोत कोडू कोडनीबि मांहाहा गोठी पारखिल्यु लेहो फक्त माहांआ आत्माआ जी तीयाम होय तेहलूज परमेश्वरोओ गोठी पण कोडोबी मालुम नाहा फक्त परमेश्वरोओ आत्माज जाआत्लू.

¹² पोन जाहा जगाओ आत्माआ नाहा, पण तो आत्माआ मिल्यू होय जो परमेश्वारापो रोत होय म्हणजे आमाहा तियाअ गोठी होमजुत्लू ज्या परमेश्वराने आमाहा आप्या होय.

¹³ आमू मांहुहू हिकाडीलो गोठीपो नाहा पण आत्मावांहि हिकाडीलो गोठीमेहे ज्याहा आत्मिक गुठ्या मिलवीत होमलाड़त्लू.

¹⁴ पोन शारीरिक मांहु परमेश्वरोओ गोठी हिकाडीत नाहा, काहाके ते तियाआ नजरोम मुर्खातिही गोठी सारखो होये आने नाहा ते तीही होम्जीलो सेकतेहे काहाके तियाआ पारख आत्मिक रीतीवाही ओते.

¹⁵ आत्मिक जोओ आखे किबी पारखितो, पण तो स्वतः कोडापरोत समजीत्लू जात नाहा.

¹⁶ “काहाके प्रभूऊ मोन कोडाआ मालुम होय का तियाहा हिकाडीलो? पण आमामेरोत ख्रिस्ताचे मोन होय.”